پشتی چل سالیێ ب ڤی رەنگی گەنجاتیا خوە بپارێزە

پیربوونا روخساری کۆ ھند پەیوەندی ب شێوازی ژیانێ هەیە، هند پەیوەندی ب تەمەنی ڤە نینە، دبیت ل تەمەنەکێ گەلەك كێمدا، نەساخلەمیا شێوازێ ژیانێ پیر ب دەربكەڤی، و بەرۆڤاژی دبیت ل گەل زێدەبوونا تەمەنێ تە خوە ب گەنج بهێلی، لەورا شێوازەکێ ساخلەم بۆ ڕۆتینێ ڕۆژانە هەڵبژێرە.

پشتی تەمەنێ 40 سالیێ ب ڤی شێوازی خوە ب گەنجی بهێلە،

1. – چالاكیێن لەشی:
   ئەگەر بەردەوام لەشێ خوە ب لڤینی و چالاكیان ئەنجام بدەی، وەكو رێڤەچوون، سەركەڤتن ب سەر دەرەجا ل شوونا ب کارئینانا ئەسانسۆرێ، لەشێ تە ب چالاكی و گەنجانە دێ مینیت.
2. – یۆگا:
   چالاكییەكا لەشی و روحییە، مفایەکێ مەزن هەیە بۆ كێمكرنا فشارا دەروونی و بێهنڤەدانا لەشی، ئەگەرێ دلخۆشیا مەژی یە.
3. – نڤستن ب باشی:
   هەموو كەسەك ل ژیێ 18 سالی و بەر ب سەری پێدڤی ب زێدەتر ل 7 دەمژمێرێن نڤستنێ هەیە، ل گەلەک دەمان ژی جورێ نڤستنێ ڕۆڵێ خوە هەیە.
4. -خوارنا ساخلەم:
   گرنگیدان ب وان خوارنێن ڤیتامین و دژە ئۆكسان تێدا، ژبلی کو پارێزگاریێ ل ساخلەمیێ دكەت، هەروەسا روخسار و پێستێ تە ب گەنجی دهێلیت، باشترە نۆشدار ل دوڤ تەندروستیا تە جۆرێ خۆارنێ بۆتە هەڵبژێریت.
5. – ئاگەهداربوون ل كێشا لەشی:
   گرنگە ژن و زەلام پشتی تەمەنێ 40 سالیێ ئاگەهداری كێشا لەشێ خوە بن، چونكە ل وی تەمەنی دا مێتابۆلیزم خاڤ دبیت، كێمتر چەوریێ لەشێ وان دمینیت، لەورا گرنگە كێشا لەشی ب هەڤسەنگی بهێلن.
6. – ئاگەهداربوون ل ساخلەمیێ:
7. یا گرنگە شەش هەیڤا جارەكێ سەرەدانا نۆشداری بكەی و پشكنینان ئەنجام بدەی ژ پێخەمەت زانین و پاراستنا ساخلەمیا خوە.

ژێدەر: نۆش نیوس