گەلەك کەس وەسا یێن فێربووین کۆ پشتی ژ خەو ڕادبن بەری تێشتێ بخۆن ئێکسەر قەهوێ ڤەدخۆن، نۆژدار ژی ئامۆشگاریا وێ یەکێ دکەن کۆ خوە ژ ڤێ چەندێ دویربێخن چونکی زیانەکا مەزن ب جەستەیێ مرۆڤی دگەهینیت.
ل دویڤ ڤەکۆلینەکێ کۆ د ڕۆژنامەیا بڕیتانی بۆ زانستێن خۆراکی “بریتش جۆرناڵ ئۆف نیوتریشن” دا هاتیە بەڵاڤکرن کۆ ڤەخوارنا قەهوێ بەری خوارنا تێشتێ کاریگەریەکا نەرێنی ل سەر ڕێکخستنا شەکرا خوینێ دبیت، تایبەت بۆ وان کەسێن نەخوەشیا شەکر و دلی هەبیت و مەترسیدارە. دگەل ڤێ چەندێ ژی کردارا زیندە پاڵی یا جەستە و تەندروستیا خەوێ تێکدچیت.
فەکۆلینێن زانکۆیا “باس” یا بڕیتانی ژی نموونەیا 29 کەسێن پێگەهشتی ژ کچ و کوران وەرگرت، کۆ ل سەر گڕۆپان دابەشکر، بۆ وان دەرکەڤت کۆئەگەر بتنێ شەڤەکێ خەو خڕاب بیت کاریگەریەکا توند ل سەر جەستەی نابیت، لێ ئەگەر سپێدێ بەری خوارنا تێشتێ قەهوە بهێت ڤەخوارن کاریگەریەکا مەزن و مەترسیدار بۆ جەستەی دروست دکەت. د بەرامبەر ڤێ ژی گەلەک ڤەخوارنا قەهوا ڕەش بەرسڤدانا جەستەی بۆ فرەکتۆز “شەکرا خوینێ” ل دەمێ خوارنا تێشتێ ب ڕێژەیا 50٪ ژ سەدێ زێدەدکەت.
د ڤەکۆلینا نویدا ژی هاتیە، راستە ڤەخوارنا قەهوێ ل سپێدەهیان و بەری خوارنا تێشتێ هاریکارە بۆ نەمانا هەستێ گێژاتیێ لێ ژ لایێ تەندروستی ڤە زیانێ دگەهینیت جەستەیێ مرۆڤی و مژینا شەکرێ دناڤ خوارنا سپێدەهیان د جەستەی دا زێدەدکەت.
ژێدەر: ئاژانسی هەواڵی کوردی KNA