پەرتووکا دەربارەی مێژوویا کوردان د ناڤ نێزیکی ئێك ملیۆن ناڤونیشاناندا، ب ئێك ژ باشترین 72 پەرتووکێن ساڵا 2021 هات هەلبژارتن.

 پەرتووکا ب ناڤ و نیشانێ “THE BRINK OF FREEDOM” ب ڕامانا “ل سەر لیوارێ ئازادیێ” یا نڤیسەرێ کورد داڤان یەحیا خەلیلە، کۆ بەحس ل وێ چەندێ دکەت کا چاوا سەرۆك  مەسعود بارزانی کوردستان گەهاندە سەر لیوارێ سەربەخۆیێ، داڤان یەحیا خەلیل د داخۆیانیەکا ڕۆژنامەڤانیدا د بێژیت: “پەرتووکا من د چوار چووڤەیێ بایۆگرافیکی دایە و ژ 10 بەشان پێكدهێت، و د پەرتووکێ دا بەحس ل مێژوویا کوردان و کوردستانێ، و هەروەسا جینۆساید و ئەنفال هاتیە کرن، و د بەشەکێ دیدا بەحسێ قەلایا هەولێر و شەرێ برا کوژیێ و هەروەها ژیاننامەیا سەرۆك مەسعود  بارزانی، کا چاوا کوردستان گەهاندە لیوارێ سەربەخۆیێ و چەندین تشتێن دی یێن نوی ژی د پەرتووکێ دا هاتینە بەحسکرن”.  

داڤان یەحیا خەلیل، کۆ ل بڕیتانیا دژیت دەربارەی خەلاتکرنێ وەکۆ نڤیسەرێ ئێك ژ باشترین پەرتووکێن ساڵا 2021 د بێژیت: “بۆ ئێکەم جارە پەرتووکەکا مێژوویا کوردان د پێشبرکەیەکا جیهانیدا خەلاتێ ئێکێ ب دەستخوەڤە بینیت، و ئەڤ پێشبرکیە ل ئەمریکا بوو، و کۆمپانیا تایبەتمەند (BIBA) ڕێکدئێخیت و هەر ساڵ زێدەتر ژ ئێك ملیۆن ناڤ و نیشانێن پەرتووکان بۆ دچن، ئەم ژی دڤێ پێشبرکیێدا بەژداربووین و دناڤ ژمارەیێن 72 پەرتووكاندا پەرتووکا مە ئێك ژ باشترینان بوو.

داڤان یەحیا خەلیل، ل ساڵا 1974 ل دەڤەرا بارزان ل پارێزگەها هەولێرێ ژ دایك بوویە، و ل ساڵین هەشتیان دگەل خێزانا خوە هاتینە ڤەگوهاستن بۆ بەحرکێ ل پارێزگەها هەولێر. پاشان ل ساڵا 1993 قەستا ژ دەرڤەی وەڵاتی کریە و چەند ساڵان ل ئیتالیا مایە، و ل ساڵآ 2000 و هەتا نها ل بڕیتانیا دژیت و باوەرنامەیا ماستەرێ د بازرگانیا نێڤدەولەتی دا هەیە.

داڤان یەحیا خەلیل خوەدیی چوار پەرتووکایە ب ناڤێن:

– (Kurdistan: Genocide and Rebirth) کوردستان، کۆمەڵکوژی و ژ دایکبوون، ل ساڵا 2013 هاتیە بەڵاڤکرن.

– (THE IDEA OF KURDISTAN) هزرا کوردستانێ، ل ساڵا 2016 هاتیە بەڵاڤکرن.

– (KURDISTAN The Road to Independence) کوردستان ل سەر ڕێیا سەربەخۆیێ، ل ساڵآ 2016 هاتیە بەڵاڤکرن.

 – (THE BRINK OF FREEDOM) ل سەر لیوارێ ئازادیێ، ل ساڵا 2021 هاتیە بەڵاڤکرن.

ژێدەر: رووداو

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *