دیلان عارف نادرۆف؛ کچەکا گەنجا کوردە، خوێندکارا کۆلیژا ھونەرێن  جوانە بەشێ شێوەکاری و نیگارکێشی ل کازاخستانێ،  ئەو شیایە پلەیا ئێکێ ل سەر ئاستێ وی وەلاتی بدەستڤە بینیت.
دیلان نادرۆف؛ نەڤیا پڕۆفیسورێ ناڤدارێ کورد (نادر نادرۆفە) کچا (عارف نادرۆف) ھاولاتییێ وەڵاتێ کازاخستانێیە و ل ئەوی وەڵاتی ژ دایکبوویە.
ئەوێ ب تابلوێن خۆ یێن تایبەتمەند و سەرنجڕاکێش ب ئاستەکێ بەرزێ ھونەری پلەیا ئێکەم  بدەستڤە ئینا، ئەو تابلویێ پلەیا ئێکەم  بدەستخستی ناڤێ وێ “مات”ە، مات ب زمانێ کازاخی واتە دایک، مەبەست ژ  ئەوێ تابلویێ دایکا کوردە، کا چەند میھرەبان و دلسۆز و فیداکارە، ھەروەسا سەختی و ئازارا دایکا کورد ل دەمێ ئاوارەبوون و دەربەدەریێ نیشانددەت و ھیڤی ئومێدێن گەش ب دایکا کورد ددەت، ڕۆبەرێ تابلویێ (١٢٠ ب١٦٠) سانتیمەترە.
دیلان نادرۆف ل ساڵا (١٩٩٩) ل باژێرێ (مات) ل کازاخستانێ  ژ دایکبوویە، دەرچوویا قوتابخانا (فیزا و فەلەکە) ساڵا (٢٠١٧) پەیمانگەھا میوزیکێ تەمامکریە و ژەنیارا پییانۆیێیە، ئەڤ ساڵە ژی ل ئەکادیمیا نیشتیمانی  یا کازاخستانێ ل بەشێ تابلو پلەیا ئێکێ بدەستڤەئینا.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *