کۆمپانیێن گەشتکرنێ ئێک ژمەزنترین و ب لەزترین کەرتێن ئابووری بوو ژ ئەگەرێ ڤایرۆسێ کۆرۆنایێ کۆ تووشی زیانێن ئابووریێن مەزن بووین، ژبەر ھندێ پێشبینی ھاتبوونە کرن د چارێکا دوویێ یا ساڵا ٢٠٢٠ زیانێن کەرتێ فرۆکەڤانیێ نێزیکی ٣٠٠ ملیار دۆلاران بیت، ھەروەسا پێشبینی د ھاتنە کرن کۆ قەرزێن ڤان کۆمپانیان نێزیکی ٥٥٠ ملیار دۆلاران بیت، دیسان ڕێژەکا مەزنا کارمەندان ل جھێن وان ھاتنە لادان ژبەر زیانێن ئابووری. گەلەك کۆمپانیێن فرۆکەڤانیێ و کۆمپانیێن خزمەتگۆزارییێن فرۆکەڤانیێ تووشی زیانیێن مەزن بوون، بەلێ پشتی بەرھەمئینانا فاکسینێ کۆرۆنایێ و پێتڤیاتیا ھەموو وەڵاتان ب ڤی فاکسینی و بەڵاڤکرنا وی ل ھەموو وەڵاتان دێ بیتە ھاریکار کۆ دووبارە کەرتێ فرۆکەڤانیێ چالاک ببیتەڤە. ھەروەسا ئێکەتیا نێڤدەولەتییا گەشتێن ئاسمانی پێشبینیکر کۆ داخواز ل سەر گەشتکرنێ ب شێوەیەکێ بەرچاڤ کێم ببیت ب ڕێژەیا ٨٨٪ د مەھا نەھ یا ساڵا ٢٠٢٠ بەراورد دگەل مەھا نەھ یا ساڵا ٢٠١٩، پێشبینی دھێتەکرن دێ گوھورینێن مەزن ل سەر داخوازیا گەشتکرنێ رویبدن ب تایبەت ل چارێکا ئێکێ یا ساڵا ٢٠٢١، ژبەر ھەبوونا فاکسینێ کۆرۆنایێ ئارامی ل دەڤ خەلکەکێ پەیدابوویە، ژبەرکۆ فاکسینێ کۆرۆنایێ ھاتیە تاقیکرن و چ زیان ل سەر مرۆڤان نەبوویە.
ھەروەسا دھێتە پێشبینیکرن، گەشتێن بازرگانی ل ساڵا ٢٠٢١ قازانجەکێ باش بکەن کۆ داھاتیێ فرۆکەڤانیێ یێن بازرگانی بگەھیتە ١٤٠ ملیار دۆلاران، ئەڤ قازانجە دبیتە مەزنترین قازانج د مێژوویا گەشتێن بازرگانی دا.