ھەمی کەس حەز دکەن ببن کەسێن زیرەك نە بتنێ ل قوتابخانێ و زانکۆیێ، بەلکۆ د ژیانا ڕۆژانە ژی دا، ئەڤە ژی حەزەکا ئەرێنییە و تۆ دشێ چەند خۆلەکەکان بۆ چالاکیێن ڕۆژانە ب کار بینی و ببییە کەسەکێ زیرەك.

١-چالاکیێن جوراوجور ئەنجام بدە، ب ئێك شێوازی ل سەر ئێك کاری نەمینە، دەمەکێ زێدە ب چ کاران ڤە نە بوورینە، چونکی گەشەیا مێشکی ماندی دبیت.

٢-دەمێ خوە یێ ڕۆژانە ڕێك بێخە، دەمەکێ کێم بۆ کارێن نە پێتڤی تەرخانبکە، وەك ب کارئینانا سۆشیال میدیایی یان تۆرێن کۆمەڵایەتی.

٣-ڕۆژانە بخوینە، ھەتا ئەگەر دەمەکێ کێم ژی بیت، ژبەرکۆ خواندنا پەرتووکان مێشکێ ب ھێز د ئێخیت.

٤-ھەر دەمێ تە زانیاری ل سەر بابەتەکێ ب دەست خوەڤە ئینان، دەستان ژێ بەرنەدە بەلکۆ دووبارە بخوینە دا ل بیراتە ب مینن.

٥-ب زمانەکێ دی ژی بخوینە و فێرببە، ڕەنگە دەمەکێ زێدە پێ بچیت بەلێ ئەنجامەکێ باش و کاریگەر دێ ب دەست خوەڤە ئینێ.

٦-وان یاریان ئەنجام بدە یێن مێشکی ب ھێز د ئێخن، وەکۆ پەزڵ و سۆدوکۆ.

٧-ڕۆژانە وەرزشێ ب شێوەیەکێ ڕێکخستی ئەنجام بدە.

٨-خوە فێری ژەنینا ئامیرەکێ میۆزیکێ بکە، چونکی مێشکی بەرفرەھ دکەت.

٩-ب زیرەکانە خوارنی ب ھەلبژێرە، بزانە تۆ چ دخۆی و چەندێ د خۆی، و گرنگیێ ب خوارنا (ماسیا سەلەمون، ئەڤۆگادۆ، گیز، بندەق) بدە.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *