گه‌له‌ك جاران پشتی دانه‌كێ‌ خوارنێ مرۆڤ هه‌ست ب وه‌ستیانێ‌ دكه‌ت، مرۆڤ گازندا ژی دكه‌ت كۆ نه‌شیایه‌ تێر بێهنا خوه‌ ڤه‌ده‌ت، به‌لێ‌ ل دویڤ ڤه‌كۆلینه‌كێ‌ دیاردبیت كۆ ئه‌ڤێ‌ چه‌ندێ‌ چ په‌یوه‌ندی ب نڤستنێ‌ ڤه‌ نینه‌، به‌لكۆ په‌یوه‌ندی ب خوارنا مرۆڤی ڤه‌ هه‌یه‌.

ل زانكۆیا بنسلفانیا ڤه‌كۆله‌ران دیت كو ئه‌و وه‌ستیان و دامابوونا مرۆڤ ب رۆژێ‌ هه‌ست پێ‌ دكه‌ت، و ب تایبه‌ت ل ده‌ڤ فه‌رمانبه‌ران ره‌نگه‌ ئه‌گه‌رێ‌ وێ‌ جوره‌كێ‌ تایبه‌ت یێ‌ خوارنێ‌ بیت، ڤه‌كۆله‌ر دبێژن: هه‌تا کۆ مرۆڤ بنڤیت ژی هه‌ستا مرۆڤی خۆش نابیت، ئانكۆ ئەگەر مرۆڤ تێر بنڤیت و خوارنه‌كا قه‌له‌و یان گران بخۆت دێ‌ هه‌ست ب دامابوونێ‌ كه‌ت.

ژ لایەکێ دیڤە ڤه‌كۆله‌ر دبینن كۆ خوارنا پڕی نه‌شه‌ویات دێ‌ كارتێكرنێن به‌روڤاژی هه‌بن، هه‌ستداریێ‌ زێده‌ دكه‌ن و مرۆڤی پتر ئاگه‌ھ ژ خوه‌ هه‌یه‌ و هشیار دمینیت و ئه‌ڤه‌ژی یا گرنگه‌ بۆ هنده‌ك پیشه‌یان، ل پشكا پزیشكی یا زانكۆیا بنسلفانیا گه‌هشته‌ ڤان ئه‌نجامان، پشتی ڤه‌كۆلین ل سه‌ر (30) كه‌سان كرین كۆ هه‌موو د ساخله‌میه‌كا باش دابوون و ژیێن وان دناڤبه‌را (18-65) سالیێ‌ دا بوون، و پشكدارێن ڤه‌كۆلینێ‌ د هنده‌ك ژوورێن تایبه‌ت دا نڤستن و خوارنێن جورا و جور خوارن و د ئه‌نجامدا دیاربوو كو زێده‌بوون و كێمبوونا پرۆتینان چ كارتێكرنێ‌ ل دامابوونا ڕۆژێ‌ ناكه‌ت، به‌لكۆ خوارنێن گرانن دبنه‌ ئه‌گه‌رێ‌ ڤێ‌ چه‌ندێ‌، له‌ورا یا گرنگه‌ مرۆڤ بزانیت چ دخۆت داكۆ كارتێكرنێن وێ‌ ل سه‌ر كارێ‌ مرۆڤی نه‌مینن.

ژێدەر: نوش نیۆز

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *