نڤیسین: بژار ھادی
پڕانیا جڤاکناس و کۆمەلناسان دەربارەی خێزان/Family/ و گۆهۆرینێن وێ گرێدەن ب گەشەکرنا سیستەمێ سەرمایەداری   (Capitalism). واتە دەرکەتن ژ جڤاکێ کشتۆکالی بەرەڤ ئالۆگۆری و پڕوژێن  ئازاد و قازانجا ب لەز.
دکشتۆکالیەتێدا پڕانیا خەلکی ل ژێر یاسا و ڕێسایێن کارێ ستەمکاریانە د دۆخەکێ خراب دا دژین، کۆ پەیوەندیێن مرۆڤان دهێنە گوهوڕین ب کەرستێن ماددی و بازار پێ دهێنەکرن (بازارێ جەستەی، بازارێ هزری، بازارێ ئومێدێ)، ب ڤێ چەندێ خێزان د کەڤیتە بەر بارێ “هێڤی و بێ ئۆمێدیێ “دا و ” ئازادی و ستەمێ” دا. تێکچوونا پەیوەندیێن ژن و زەلامان ژ ئەنجامێن گۆهۆڕینێن ئەوێ شارستانیەتێ پەیدا بوون و بوونە گەفەک لسەر ژیانا خێزانی و خوەش بەختیێ، تایبەت د چینێن نزمێن جڤاکی دا یێن کۆ هەمی دەمان قوڕبانیێن هەموو گۆهۆرین و نویکرنەکێ دا.

گۆهوڕین د شێوە و قەبارێ خێزانێدا، بۆ ئەگەرێ ئاڤاکرنا فورمەکێ نوی یێ ژنێ. ڤەقەتاندا ژنێ ژ کارێ مال د ئاستێن چینایەتی دا دەستپێکر، دەستپێکێ ل چینا “ئەرستوقرات” پاشان هێدی هێدی هاتە ڤەگوهازتن، چینێن بورژوازی و پرولیتار دا. ئەو هەڤۆکێن بەردەوام خوە دووبارە دکرن مینا” جهێ ژنێ مالە” کاریگەریێن ڕاستەوخو لسەر ژنێ دروستکرن ژ ئالیێن ژیانا جڤاکی و کومەلایەتی دا، ئەرستوقراتان خزمەتکار و پەرستار و کارمەند پەیدا دکرن، پارێزگاری و پاراستنا ئەرکێ مالێ ژ بەرپرسیارییا خوە دویر دکرن.، بورژوازییان ژی تا ڕادەیەکێ چاڤلێکرنا چینا بەرز دکرن و وەسان هزر دکر، کۆ کارێ  سەرەکی یێ وان نینە ب مال و زارۆکان ڤە مژویل بن، ژلایەک دیڤە مەزاختیێن وان گەلەکن و هزر دکرن کۆ پێدڤی ب کارێن سەرەکینە.

سەبارەت چینا کرێکار و هەژاران ژنێن ئەڤێ تەخێ بارگرانی و زەحمەتەکا مەزن لسەر ملێن وان هەیە، نە لسەر ئاستێ/هزرێ/، و نە لسەر ئاستێ /کریارێ/  خوە ژ ئەڤێ ستەمێ قورتال دکن. ب ڤێ چەندێ ” تاکگەڕاییا هەست و سوزا” پەیدا دبیت، گرێدایە ب ڤەقەتیانا وان پەیوەندیێن دناڤبەرا ڕەفتار و هەلسۆکەفتێن سێکسی و تێرکرنا حەزێن تاکەکەسی یێن ژ ناڤدا و ژ دەرڤە، درووستبوونا کەربێ ژ ئالیێ جڤاکی یێ پەسەند، و ژلایەکێ دی ڤە کو پەیوەندییا فەرمی یە “هەڤژینی/ Marriage/. پشتی سەرمایەداری ڕھ و ڕیشالێن وێ بەرفرەھ دبن، تاکگەڕاییا هەستا زێدەتر خویا دبیت تایبەت ل دەڤ ڕەگەزێ مێ، ژ بەر وان گۆهورینێن مە ئاماژەپێکری کۆ ئێدی ژن ب ئازادانە کار بکەت و پیدڤیاتیێن ماددی تێردکەت ب شێوەیەکێ بەرچاڤ بەرەڤ تاک هەستیێ دچیت.

ب ئەڤێ هاوکێشێ هەڤالژینی ب ئاستەکێ بەرچاڤ کێم دبیت، پڕانیا چینێن بورژوازی تنێبوونێ د هەلبژێرن، ژ ئالیەک دیڤە یێن کۆ هەڤپشکن د ژیانێ دا تێکچوونا پەیوەندیان دروست دبیت، نە ژ بەرکو ئێک ژ ئەوان مر بیت یان نەخوش بیت، بەلێ ژ بەر گۆهۆرینێن ب لەز دھێن یێن پارچەک ژ شارستانیەتێ دگەل خوە ئیناین.

– د جڤاکێن خوە ژ کشتۆکالیەتێ دەربازکرین لێ د پیشەسازییەتێ ڕا نە گەهشتین، خێزان د کەڤیتە بارەکێ سەیرتر دا تایبەت ژن ل دەمێ ب خوە ب کارێ ڕەتکرنا ڕۆلێ خوە رادبیت و  هێز و بەھرەیا خوە د زەلامی دا دبینیت، دەمێ هەست دکەت کۆ زەلام گەلەک یێ بەخشینە رێکێ ل گەشە و وەرارا کەسایەتیا خوە دکەت، ئەڤان جورە خێزانان هێشتا خوە ژ جیاوازییا ڕەگەزی قۆرتال نەکریە، د ئەڤی دۆخیدا زەلام د بەرامبەر دا توشی تاکگەڕایێ دبن و توشی گڤاشتنێن سەخت دبن وەکی مە ل دەستپێکێ ئاماژە پێدای تایبەت د چینێن کرێکار و فەرمانبەران دا.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *