ل (30)ێ ئادارا سالا (1853) ل “زۆندەرت”  دەڤەرا “نوورد برابانت”ێ ژ دایک بوویە. بەری بوونا وی سالەکێ هەر ل (30)ێ ئادارێ برایێ وی یێ  مری هاتبوو دونیایێ، کۆ ناڤێ وی ژی “ڤێنسنت” بوو ئانکو ناڤێ برایێ وی دانایە سەر وی.
گەلەک دیڤچوونا هوسا دیارکریە، کۆ پتریا کارتێکرنێن وی هەر ئەڤە بوویە ئەگەر، کۆ ناڤێ برایێ وی یێ مری ناڤکریە.
ڤان خوخی پێنج خۆشک و بڕا هەبوون (ئانا، تێیوو، ئێلیزابێس، ڤیڵەمینا، کوڕنێلس) پەیوەندییا ڤان خوخی دگەل برایێ وی ” تێیوو” ی گەلەک باش و ب هێز بوون. ڤان خوخ دەما زارۆک زۆر یێ هار و سەر ڕەق بوو، نمرێن وی ل قوتابخانێ زۆر د باش؟بوون، لێ هەتا ناوەندیێ خواند، د تەمەنێ شازدە سالییا خۆەدا، ل پاریس ل پشکا “لاهای”یا بازرگانییا کەڤاڵان کارکر، ل دەمێ ل پاریس نامە بوو برایێ خۆ “تێیوو”ی د هنارتن، پشتی چوار ساڵان ل پاریسێ بوراندین ل ساڵا (1873) چوو لەندەن، ل وێرێ دلێ وی کەتە کچا مێهڤانێ وی “ئێوگینی لۆیەر”ی لێ پاش دیار بوو کۆ یا خواستیە. شێوەکار “ئەنتون ماوفە” کارتکێرن ل سەر جیهانا هونەری یا ڤان خوخی کریە، پاش دەمێ دلێ ڤان خوخی کەتیە “کی فوس”ێ یا مرۆڤا وی زۆر هاتە گوهورین. ل سالا (1878) زەڵامێ “کی فوس”ێ مری، ئەو و کورێ خۆ ل سالا (1881) ڤەگەریا ناڤ مرۆڤێن خۆ، و دەما ڤان خوخی بابەت دگەل ڤەکری و هەر تشت گوتیێ بەرسڤا وێ زۆر ڕەق بوو، کۆ گوتێ “ئەڤ تشتە هیچ چێنابیت ژ سەرێ خۆ بینە دەر”. پشتی ئەڤێ چەندێ ” کی فوش” ڤەگەریا ئەمستردام، دا ڤان خوخی نە بینیت، پشتی ئەڤێ چەندێ دوازدە نامە بوو برایێ خۆ “تێیوو” هنارتن کۆ تێدا بیر و بوچوونێن خۆ ل سەر ڤیان و ژن هینانێ و شویکرن ئینایە بەر دەڤ. و د نامەکا خۆدا ئەڤ چەندە گوتیە ” شەرما ئەز کەتیمێ و زیانا ب من کەتی، هوشمەندییا من زێدەتر لێکر، ئەز نوکە د بێژم; ئەم دێ بینین، کا جارێ دێ شێین د گەل تشتێ ڕوی ددەت گونجین، ب هاریکارییا ئارامییەکا پڕ ب هێز، ب تایبەتی دەما بزاڤ و هەوڵێت مرۆڤی سەر نەگرن. ئەو هەوڵ و بزاڤ، مرۆڤی د گەهیننە خۆەشی و شادیێ”. دەما ڤان خوخ ل “لاهای”ێ چاڤێ وی ب ژنەکا ب دووگیان کەت کۆ یا دەهمەن پیس بوو مێرێ وێ هاڤێتبوو سەر جادێ و زڤستان بوو دلێ ڤان خوخی ما پێڤە و بڕە مالا خۆ دا دگەل بژیت ناڤێ وێ (کرستین هوورنک) بوو، ئەو کربوو مودێلا خۆ پارەکێ کێم د دایێ لێ سەرەڕای هندێ ئەو یا ڕازی بوو، چونکی چ مەزاختن نە د کرن، ل سالا (1882) ئەڤێ ژنێ کورەک ژ ڤان خوخی بوو، ئەڤە جهێ دلخۆشیا ڤان خوخی بوو، لێ ل ساڵا (1883) کرستین ڤەگەریا سەر کارێ خۆ، خوخی زۆر هیڤی ژێ کرن، کۆ نە چیت وی نە هێلیت لێ ئەو چوو. پاش ڤان خوخ ژی چوو دەڤ مالباتا خۆ، کۆ ل وی دەمی مالباتا وی ل “نوینن” بوون. ل ساڵێن دوماهیکێ یێت ژیانا ڤان خوخی، توشی چەند ئاریشێن دەروونی بوو، وەك تەپا د هاتنێ هندەك دەما ب دەمژمێرا ڤەدکێشا هندەک جارا ب ڕۆژا هندەك دەما ب هەڤتیا، لێ هەر سەر کارێ خۆ یێ بەردەوام بوو. دەمێ تەپ د هاتنێ جار “ترپینتین” د ڤەخار جار ژی بویاغ دخار. گەلەک نوژدار دیار کۆ ڤان خوخی ئێشا “شیزۆفرینیا” هەبوو. دەمێ د ئەڤێ نە خۆشیدا ڤان خوخی گوهەکێ خۆ ژێڤەکر و وەك دیاری بوو خۆشتڤیا خۆ یا لەشڤرۆش هنارت. ڤان خوخ بەرگریا ئەڤێ چەندێ ناکەت و دەمانجەکێ ل زکێ خۆ ددەت، پشتی دوو ڕۆژا مانا وی ل نەخۆشخانێ ل (20)ێ تیرمەها ساڵا (1890) گیانێ خۆ ژ دەست ددەت. ل نیسانا ساڵا (1885)ێ ڤان خوخی کەڤالێ “ئەوێن پتات خوڕ” چێکریە، هەر وەسا کەڤالێ (گۆل بەڕۆژ، بیبیکا چاڤی، دارێن بیشەنگێ، دروین و ڕۆژ ئاڤابوون، بیستانێن زەیتونا، چنین….. هتد)، هەژی گوتنێ یە کۆ شێوەکارەکێ نموونە بوو.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *