وه‌زیرێ په‌روه‌ده‌یا هه‌رێمێ: قوتابیێن پۆلا ئێك و دوویێ بنه‌ره‌تی ژی دێ چنه ناڤ هۆلێن خواندنێ ل قوتابخانه‌یان.
وه‌زیرێ په‌روه‌رده‌یێ هه‌رێما كوردستانێ د كونگره‌یه‌كێ رۆژناڤه‌نانیدا راگه‌هاند: بۆ ساڵا نوییا خواندنێ بریار هاتییه دان قوتابیێن پۆلێن ئێک و دوو یێن بنه‌ره‌تی ئه‌و بچنه ناڤ هۆلێن خواندنێ ل قوتابخانه‌یان ده‌ست ب پرۆسه‌یا خواندنێ ناڤ پۆلێ بكه‌ن.
ئالان حه‌مه سه‌عید وه‌زیرێ په‌روه‌رده‌یا هه‌رێما كوردستانێ ئه‌و یه‌ك ژی راگه‌هاند: ل ڕێككه‌فتی (27-9-2020) دێ ده‌ست ب خواندنا قوناغا دوازدێ ئاماده‌یێ هێته‌كرن دناڤ پۆلاندا، هه‌روه‌سا ل ڕێككه‌فتی (10-10-2020)ێ دێ ده‌ست ب خواندنان قوناغا ئێكێ و دووێ بنه‌ره‌تی هێته دناڤ پۆلێن خواندنێدا ل قوتابخانه‌یان.
وه‌زیرێ په‌روه‌رده‌یێ راگه‌هاند ژی: ژبه‌ر وێ یه‌كێ مه بریار دا قوتابیێن پۆلێن ئێك و دوو ژی بچنه قوتابخانه‌یان بخوینن بۆ وێ یه‌كێ بوویه دا ئاشنا بن ب ژینگه‌ها خواند و قوتابخانه‌یێ و هه‌می پرۆسه‌یا ناڤ پۆلا ب ڕێنمایێن ساخله‌می دێ هێته برێڤه‌برن ژبۆی سه‌لامه‌تیا ماموستا و قوتابیان.