ل دەروازەیێ‌ ئیبراهیم خەلیل یێ‌ سنوری تاقیگەهەكا تایبەت یا ڤایرۆسێ‌ كۆرۆنا هاتە ڤەكرن بۆ پشكنینا ڕێڤینگ و شۆفێرێن بارهەلگرێن ژتوركیا دهێنە هەرێما كوردستانێ‌.
ئەڤرۆ ڕۆژا سێشەمبی سامان بەرزنجی وەزیرێ‌ ساخلەمیێ‌ دحكومەتا هەرێما كوردستانێدا سەرەدانا قەزا زاخۆ كر، و د داخۆیانیەكێدا بۆ ڕۆژنامەڤانان ڕاگەهاند، وەكو پێڕابوونەكا خۆ پارێزیێ‌ ژ زێدەتر بەڵاڤبوونا ڤایرۆسێ‌ كۆرۆنا، ڕێڤەبەرییا ساخلەمییا پارێزگەها دهوك ڕابوویە ب دانانا تاقیگەهەكا تایبەت ل دەروازێ‌ ئیبراهیم خەلیل یێ‌ سنوری و داخوازكر ئەڤ جورە تاقیگەهە لسەرجەم دەروازەیێن سنوریێن هەرێمێ‌ بهێنە دانان.
دەربارێ‌ ئاستێ‌ مەترسییا كۆرۆنا ل هەرێمێ‌ سامان بەرزنجی گوت: ڤایرۆس بەردەوام بەڵاڤ دبیت و هژمارا تووشبوویان زێدەتر لێ دهێت و جهێ داخێ یە ڕۆژانە چەندین وەڵاتی ژئەگەرێ‌ وێ‌ پەژیكێ‌ گیانێ‌ خۆ ژدەست ددەن، و بەرزەنجی خۆیاكر، پێدڤییە پێڕابوونێن حكومەتێ‌ و لایەنێن پەیوەندیدار دهەڤ تەریب بن دگەل پێگیرییا وەڵاتیان، و بێی خۆ پاراستنا تاكە كەسی زۆر یا بزەحمەتە كۆنتروڵ لسەر ڤایرۆسی بهێتە كرن (بادینان).

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *