ب مه‌ره‌ما پێشئێخستنا پرۆسا په‌روه‌رده‌ و فێركرنێ، ب ئاماده‌بوونا ئالان حه‌مه‌سه‌عید وه‌زیرێ په‌روه‌ردێ و عه‌لی ته‌ته‌ر پارێزگارێ دهۆكێ و چه‌ند به‌رپرسه‌كێن دی، كه‌نالێ په‌روه‌رده‌یی ل دهۆكێ هاته‌ ڤه‌كرن.

هه‌می وانه‌ و به‌رنامه‌ ب زاراڤێ بادینی دێ هێنه‌ پێشكێشكرن


ئالان حه‌مه‌ سه‌عید وه‌زیرێ په‌روه‌ردێ یا حكوومه‌تا هه‌رێما كوردستانێ، دكونگره‌كێ رۆژنامه‌ڤانیدا دیاركر كو ئارمانج ژسه‌ره‌دانا وی بۆ پارێزگه‌ها دهۆكێ ئه‌وه‌ كو ژنێزیك هایدارێ ره‌وشا ب رێڤه‌چونا پروسا ئه‌نجامدانا ئه‌زموونێن قوتابیێن پولا 12ێ ئامادیی یه‌ و گۆت، “مه‌ ژ نێزیك سه‌ره‌دانا چه‌ند بنگه‌هێن ئه‌زموونان ل دهۆك و زاخۆ و سێمێلێدا، سوپاس بۆ خودێ پروسه‌ ب رێك و پێكی ب رێڤه‌دچیت، هه‌روه‌سا ئه‌م ل گه‌ل رێڤه‌به‌رێ گشتی ورێڤه‌به‌ریێن په‌یوه‌ندیدار رونشتین و ژ نێزیك ئاگه‌هداری هه‌موو كێم و كاسیێن په‌روه‌رده‌یی بووین ل سنورێ پارێزگه‌ها دهوكێ بووین”


زێده‌تر گۆت، “هه‌ر د چارچوڤێ سه‌ره‌دانا خوه‌، ب هه‌ڤكاری ل گه‌ل رێكخراوا یونسێف، كه‌نالێ ته‌له‌ڤزیونا په‌روه‌رده‌یی ل دهۆكێ ڤه‌كر كو دێ هه‌موو وانه‌ و به‌رنامه‌ ب زاراڤێ بادینی هێنه‌ پێشكێشكرن بو خزمه‌تكرنا قوتابی و ماموستایان  و پێشئێخستنا پروسا خاندنێ ل  پارێزگه‌ها دهۆكێ، هه‌ردیسان د سه‌ره‌دانا خوه‌ دا مه‌ سه‌ره‌دانا قوتابیێن ده‌ڤه‌را شنگالێ ژی كر ئه‌وێن ل دوڤ راسپاردێن سه‌روكێ حكوومه‌تا هه‌رێما كوردستانێ مه‌سروور بارزانی هاتینه‌ دهۆكێ بو ئه‌نجامدانا ئه‌زموونان، جه‌نابێ سه‌روكێ حكوومه‌تێ هه‌موو خه‌رجیێن حه‌واندن و هاتن وچونا وان قوتابیان ب ستویێ خۆڤه‌گرتیه‌ كو هژمارا 565 قوتابی نه‌”


 ته‌له‌ڤزیونا په‌روه‌رده‌یی كه‌ناله‌كێ لوكالییه‌ (HD) و دێ خزمه‌تا نێزیكێ نیڤ ملیون قوتابیان ل پارێزگه‌ها دهۆكێ كه‌ت، بریاره‌ هه‌یڤا ئاب یا ئه‌ڤ ساله‌ ده‌ست ب به‌رنامێن خوه‌ بكه‌ت. (وشە)

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *