مالپەرێ‌ (ووڕلد ئومیتەر) یێ‌ جیهانی بۆ داتایان بەڵاڤكر، هژمارا تووشبوویێن ڤایرۆسێ‌ كۆرۆنا لسەرانسەری جیهانێ‌ گەهشتە (12) ملیون و (900) هزار كەسان، و هەتا نوكە (7) ملیون و (500) هزار تووشبوویی ب تەمامی چارەسەر بووینە، و هەر ژ دەستپێكا سەرهەلدانا ڤایرۆسێ‌ (كوڤید 19) ل كانونا ئێكێ‌ یا ساڵا (2019) ل باژارێ‌ (وهان)) یێ‌ (چینێ‌) و هەتا نوكە (568) هزار كەسا ل سەرانسەری جیهانێ‌ ژئەگەرێ‌ توشبوونێ‌ ب ئەوی ڤایرۆسی گیانێ‌ خۆ ژدەستدایە.
ژلایێ‌ خۆڤە (تیدروس ئەدهانۆم) سەرۆكێ‌ ڕێكخراوا ساخلەمییا جیهانی ڕاگەهاند، سەرەڕای زێدەبوونا هژمارا تووشبوویان لسەرانسەری جیهانێ‌، هێشتا دەلیڤە یا مای كۆنترول لسەر ڤایرۆسێ‌ كۆرۆنا بهێتەكرن.
سەرۆكێ‌ ڕێكخراوا ساخلەمییا جیهانی گوت: بەشداربوونا جڤاكی و پێگیرییا وی ب بنەمایێن خۆپارێزیێ‌ و كەرەنتینكرنا تووشبوویان، بنەمایێن سەرەكی نە بۆ سنورداركرنا پەژیكێ‌، و دووپاتكر كو نەهشتن و ژناڤبرنا ڤایرۆسی یا گرێدای هەڤكاریا جڤاكێ نێڤدەولەتییە.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *