تایبه‌تمه‌نده‌كێ نه‌خۆشیێن زارۆیان دیاركر، ده‌مێ زارۆ ژ نوو دهێته سه‌ر دونیایێ جۆره‌كێ شیرى د سینگێ دایكێ دا چێدبیت ب تایبه‌تى ژى ل رۆژێن ده‌ستپێكێ ئه‌و جۆرێ شێرى زارۆى ژ نه‌خۆشیان دوور دكه‌ت.
د. بشار ئیبراهیم ، تایبه‌تمه‌ندێ نه‌خۆشیێن زارۆیان ل دهۆكێ دیاركركو ب كارئینانا شێرێ دایكێ بۆ زارۆكى د رۆژێن ئێكێ ژدایكبوونا وى ب تایبه‌ت ژى ل ده‌مژمێرێن ده‌ستپێكێ یێن ژ دایكبوونا زارۆى جۆره‌كێ شیرى دهێته د سینگێ دایكێ دا ئه‌و جۆرێ شێرى دو هه‌تا پێنج رۆژێن ده‌ستپێكى ژ دایكبوونا زارۆى دهێت و گه‌له‌ك یێ ب مفایه، چونكو گه‌له‌ك پرۆتین و روین و ڤیتامین یێ دناڤدا و یێ مفایه بۆ زارۆكى بۆ نموونه به‌رگریا زارۆى بهێز دكه‌ت و ژ نه‌خۆشیان دهێته پاراستن.
گۆت:ل رۆژێن ئێكێ ئه‌و كه‌رسته هناڤێن زارۆى زوو ڤالا دكه‌ت داكو ژ پیساتیا ره‌ش ب پارێزیت و زه‌راتیا وێ گه‌له‌ك نه‌مینت و قاته‌كى دده‌ته ل سه‌ر مه‌عیده‌ى كو به‌كتریا و ڤایرۆس كارتیكرنێ لێ ناكه‌ن، دگه‌ل هندێ ژى گه‌له‌ك پرۆتێن و كه‌ره‌ستێن ب مفا دناڤ وى شێرى دا هه‌نه كو چاڤ و گوه و مه‌ژى و مه‌زنبوونا زارۆى پێدڤى ب وان كه‌ره‌ستێن دناڤ شێرى دا هه‌نه، ئه‌و كه‌رستێن د ناڤ شیرێ دایكى دا ب پاره ناهێنه كرین ب تایبه‌تى ژى د چه‌ند رۆژێن ئێكێ دا .
ته‌كه‌ز كركو هنده‌ك هه‌نه دبێژن ئه‌ڤ شیره نه‌یێ باشه وشیره‌كێ سحرى یه، ئه‌ڤه گه‌له‌ك خرابه پێدڤیه هه‌ر ژ ده‌ستپێكى ئه‌و شیر بهێته دان بۆ زارۆى ده‌مێ زارۆ دهێته سه‌ر دونیایێ باشتره دایك هه‌ول بده‌ت هه‌ر نیڤ ده‌مژمێرا ئێكێ شیرى خوه بده‌ته زارۆى داكو به‌رده‌وام شیر بهێته د سینگێ دایكێ دا بۆ زارۆى هنده‌ك دایك بێژن مه یا خوه نشته‌گه‌رى كرى ئه‌م نه‌شێین شێرێ خوه بده‌ینه زارۆیێ خوه، ئه‌ڤه نه‌یا دروسته ژلایێ زانستى ڤه و چ په‌یوه‌ندى دنڤبه‌را شیرى و نشته‌گه‌ریێ دا نینه ودایك دشێت شیرێ خوه بده‌ته زارۆى.
ئاشكه‌را كركو ب شێرى دایكى سه‌نگا زارۆكێ دروست دبیت كو شێرى دایكى سه‌نگا زارۆكى َكێم ناكه‌ت و زارۆك ژ گه‌له‌ك نه‌خۆشیان دهێنه پاراستن و دبیته رێگر كو تووشى چه‌ندێن نه‌خۆشیان نابن ده‌مێ شیرى دایكێ دخۆن، چونكو به‌رگریا وان بهێز دبیت و ئه‌و زارۆیێ شێرێ دایكێ نه‌خۆت به‌رگریا وى یا بهێز نینه.
نوش نیوز
شیرێ دایكێ د ناڤبەرا مفایێن ساخله‌مییێ و گه‌شه‌كرنا زارۆیدا
