کورتە شانۆ (ڕەوشەنبیرێن بێ مێشك)

نڤیسین: رنا هیثم رشید

کەسایەتی:
جورج
ئەلفرێد
گارسون
نوشدار

دیمەنێ ئێکێ (ل مەیخانەکێ کۆ مێزا وان د کەڤیتە نیڤێ مێزەك د کەڤیتە سەری ئێك ل بنی، یا سەری دوو مرۆڤ ل سەرن یا بنی چوار، و یا وان ل نیڤێ)
دیمەنێ دووێ (ل نەخوشخانێ ل ژۆرەکێ )

دیمەنێ ئێکێ
ئەلفرێد: ب ڕاستی د ئەڤی بارودۆخیدا نە یا باشبوو ئەم دەرکەڤتین.
جورج: بوچی؟
ئەلفرێد: ڕۆژ بۆ ڕۆژ ئەڤ ڤایرۆسە توندتر لێ دهێت.
جورج: ههههههههههه.
ئەلفرێد: چ چێبو جورج؟
جورج: هیچ، ئەز یێ ب بێ مێشکیا تە د کەمە کەنی (جورج پیچەك د کوخیت)
ئەلفرێد: بوچ وەدبێژی؟
جورج: چونکی تو ژی وەکی هەمیا باوەر دکەی.
ئەلفرێد: لێ ڕاستە.
جورج: وەی هەوار ئەڤە هین چەند بێ مێشکن.
ئەلفرێد: جورج تو کەسەك ڕەوشەنبیری چاوا ب ئەڤی شێوەی هزر دکەی.
جورج: چونکی ڕەوشەنبیرم ژ بەر هندێ ب ئەڤی شێوەی هزر دکەم (جورج دەستێ خۆ دکەتە حەڤکا خۆ و سەروچاڤێن وی تێك دچن هەر وەکی گەویا وی گەلەک د سوژیت، گازی گارسونی دکەت) گارسون بۆ مە شامپانیایێ بینە.
ئەلفرێد: مەرەم ژ ئەوێ گوتنا تە چیە؟
(دگەل هندێ گارسون شامپانیایێ د هینیت و د دانیت)
جورج د بێژیتە گارسونی: ئایا ما ئەڤ ڤایروسە ڕاستە؟
گارسون: هەلبەت.
جورج: هەیلا بێ مێشك، تو دشێ بچی.(گارسون ژ وێرێ دچیت)
ئەلفرێد: ب ڕاستی ئەز ل تە نا گەهم، ئەڤە چ ڕەفتارن.
جورج: باشە ئەلفرێد ئێك ژ نێزیکێن تە توشبووی؟
ئەلفرێد: نەخێر.
جورج:ئەوێن نەخۆشخانێ و دبێژن یێت توشبووین هەمی هەژارن (پیچەك دی د کوخیت) ئایا تە هزر نە کریە بوچ تنێ هەژارن؟
ئەلفرێد: نەخێر من هزر نەکریە.
جورج: چونکی تنێ بوو رۆل وەدکەن، پارا د دەنە وان هەژارن، دا بێژن نەخوشین، دا مە دەولەمەندا ب ترسینن، چ ل مە دەولەمەندا نا هێت. (بێهنا وی تەنگ دبیت، بارودۆخێ خۆ ڕادکەت) ژ بوو خوشیا دەولەمندیا مە و درەوێن وان (دکەتە کەنی، بێهنا وی وەسا تەنگ دبیت د کەڤیت)
ئەلفرێد: جورج؛ جورج هەڤالێ من، ئەڤە چ ل تە هات خۆ ل بەر بگرە دێ تە گەهینمە نەخۆشخانێ.
(ئەلفرێد جورجی ڕادکەت و دبەت، دا کو ببەت نەخوشخانێ…
(دیمەنێ ئێکێ دوماهی دهێت)

دیمەنێ دووێ
(ئەلفرێد جورجی د گەهینتە نەخوشخانێ و بارودۆخێ جورجی بوو نوژداری د بێژیت)
نوژدار: ئەڤە نیشانێن ئەڤی ڤایروسینە.
جورج: ههههههههه، نوژدار ئەز وەك ڤان نە بێ مێشکم (گەلەک د کوخیت، هندی بێهنا وی تەنگ دبیت، هێدی نە شێت بێهنێ ب هەلکێشیت و د مریت، و پەردە تێتە گرتن)

دوماهیك

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *