برینا شەوتینێ
نڤیسین: سەربەست سەعید
ئەز مڕوڤەکم ژ خوێ
ژ ڕوندکێن حەزرەتا کیژان چاڤی هاتیمه ڤێدان.؟
ئەز
یێ خوە ل بەر ملێن سیبەرا هیچیێ دبینم بکەن.
کی نابێژت
ئەڤە سەڕابەکە د ڕزگاریێدا؟
نامەک تژی هوشمەندیێ یا دکویرترین بەریکا دونیایێدا .
ژ سەرێ خوە ب گومانە
یێ ڤێ بەریکا ب نامە ب سنگێ خوەڤە دهەلگریت.
ئەز مژترین ڕێکا خوە
ب باخچەیێ بەڵگە زێڕینان ناگۆهەڕم
فیرەوسا ئەردی چاڤێن تە یێن کلدایی و تژی ڕەنگن
بو منێ جەهنەمی ژ بەر گونەهــ هەلگرتنەکێ
کو من نەکری
ئەیی ـ کەون ـ بێ تە ئەز ئالوز دژیم،
ل پشت کەسکی دەست قوتانێن ڕەنگێن گەمار
گوهەکێ دی ل کەڕەکێ زێدەدکت،
بێ مفاتر ژ هەر دو گوهێن دی،
ل هەموو سپێدەهیێن ڕوژێن وەرزێ وەستیکا وی زاڕوکێ هە،
سڕەک گازی دکتێ ئەیی زاڕۆک
ئەز هەتا دوماهیک هەناسە هەلکێشانا تە،
سیبەرا بەژنا تە یا بچووکم
و پاشی وەکە بەژنا تە سینورێ من ژی فرەهـ و مەزن دبت،
کالەمێرەک لاڤان ژ گوپالێ خوە دکت
نە شکێت،
دوندەها وی، ڕوژانێن وی ئەو شکاندینە
وی ژ شکاندنێ حەزرەت هەلگرتینە،
دزانە
شکەستن دوماهیک ڕودانا دونیایێیە،
پشتی شکەستنێ چ تشتەکێ دی هەبوونا خوه نینە،
دار دزانه،
هەکو شکەست
هەکو هاتە بڕین
چەقێن وێ
دێ بنە دارکێ دەست بلینکێ
دێ بنە چیڤێن ئەشکەنجەدانێ بو ڕوحێن مڕوڤان،
دار دزانە، باش دزانە
چەقێن وێ دێ بنە خامە
قورمێ وێ دێ بنە نامە
هزار و یەک چێڕوکێن خەمگین وێ ل سەر بێنە نڤێسین،
گۆپە گۆپا دلێ دارێیە،
وەک گۆپەگۆپا دلێ من.
د هەموو شکەستنێن ڤێ دونیا تژی هوڤدا
ئەز بێهنا خوە سەح دکم،
بەرەک ل بەحرا ڕەش خەرزێ ماسیان پوچبکت دلێ دایکا وان بشکێت ئەز دئێشم،
ل ئەمەریکایا مالمیرات سپیەک د دلێ ڕەشەکێ دا ئاگرەکێ هەلکەت دلێ وی بسوژیت
ئەز دسوژم و دلێ من دشکێت
ل هوڵەندایا وەڵاتێ گوڵان
هەکو چەقێن گولان دکەزێخن
ئەز د تزیا چەقاندا بەرهەڤ دبم.
ژ خوە ل وەڵاتێ کرمانجان ئووف ئووڤ چەند دئێشم
هەموو سپێدان دبم خانی
و د حوجرەیا خوەدا
ل سەر چراخێ تلیا خوە د دانم
دسوژت و دسوژت
فزێنا سوتنا تلیا من
ب سەر حوجرەیێدا دچت،
دلێ منێ تژی فزێن دبت ڕۆبار و ب باژێڕدا دچت.
ئەز ژ سوتنێ ب جزبە دچم،
د چزبەیێدا تژی نامەیێ ڕێزک دکم
ب حوبرێ کو شەنگا منا دەلال
ژ من ڕا ب ڕوندکێن خوە حبردانک تژی کری
و چەند داڤێن کەزیا خوە تێکەل کری.
د نڤێسم بو میرێ سەرحەدان ـ میرێ کرمانجان
و دنڤێسم و دنڤێسم و دنڤێسم
لێ نە میر دبینە
نە میر دخووینە
نە میر چارەیەکێ ژ بوو هەڤگرتنا کرمانجان دئینە.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *