لێگەریانەک ل قەتێ دی/ یا نڤیسکار: سەبری سلێڤانەی

سەرەڕای نەبوونا تێگەھ و ھۆکارێن کار ل پەیدابوونا ڕومانێ بکن، نە ھۆشیارییا نڤیسینێ و دیر ژ جیھانا ڕومانێ کۆ ئەوا ب ژیانا دووێ دھێتە ناڤکرن، ژیانەکا نموونەی، ھەبوونا بەرھەمەکێ کۆ خواندنەک بت ژ دوھی و ئەڤرویا مە، بەرھەمەک ژ ئەز ئەزوکیا ھەست و نەستێن خوە دەربازی تراژیدیێن مللەتێ خوە ب بت، دەربازی ھزر و فەلسەفێ و پڕسیار و گۆمانان ب بت، بەرھەمەک ل شوینا ھەستا ھزرێ ب لڤینت، و قوتانا وان دەرگەھان یێن کۆ کەسەکێ بریارا ڤەکرنا وان نە دا بیت!

سیفرا سلیڤی، دەرگەھەکە ژ بۆ دیتنا جڤاکەکێ کۆ نەھامەتی و دەردەسەریێن وان و ڤەمان و پاشکەفتنا وان ئێک ب ئێک وەکۆ تابلۆیەکێ نیشا تە ددەت. ڤالاتیا تاکەکێ کۆ یێ ل دوماھیا ھەمیان مای، تاکەک د راوەستیان و وەستیانێ دا مای، ب ریالیزمەکا فوتوگرافی وەکی خوە و بێ دەستکاری دەتە خویاکرن، نڤیسکار کارێ ئاڤاکرنا باژێرێ رۆمانێ دکت. کێ گوتیە ڕۆمان خەیالە ؟ کی دبێژت چیڕوکە ؟

” سليڤی” ل وان پارچێت ھندابووی، ل قەتێن ژ مە ھاتین دزین دگەرت، ئەگەرێن بابەتی_یێن زاتی/خوی ھەولا لێکدانا وان دکت، گەلەک پرسیارێن بێ بەرسڤ، گەلەک بەرسڤێن بێ پسیار ل پشت خوە د ھێلت ( ژن، وەلات، ئول، سنێلە، ژیان، مرن،سیاسەت، ئەز و توو….)ھتد.

سیفرا سلیڤی، تنێ ب کارێ نیشاندانێ نارابت، بەلکۆ بزاڤا سەرەراستکرنا وان د دت، دەستێ مە دگرت و ئومێدا روناھیێ ب مە دبەخشت، و ژ لایەکێ دی نیشامە د دت کۆ ئەم گەلەک رەش و تاری نە !
کێ گۆتیە ڕۆمان نیشاندانە ؟ کێ گۆتیە ڕۆمان لێکدانا پەیڤ و ھەستا نە ؟
بەرھەمێ نەمر و زیندی زەمەن پێک و پەیسکا وی دیاردکت، خوە د دگەل رەوتا سەردەمی گونجینت، و بەردەوام نویکرنێ ب خوە ڤە د بینت، و دێ ھەر بیتە خودیکا ھەمی سەردەما و سەردەمێ خوە !
ژ بەرکۆ چەند پتر بھێتە خواندن زێدەتر واتا بەخش دبیت، و ھێدی ھێدی روناھیا خوە دچینت .

کۆرت؛ لێگەریانەک ل قەتێ دی، ئەز بۆ خوێنەرێ دروست دھێلم !

بژار ھادی

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *