وێنەکێش و دیجیتاڵ ئارت (ڕامین) ب نیاسن

ناڤ؟
رامین عادل عزو.
تەمەن؟
(٢٢) ساڵ.
خوەجهـ؟
خۆجهێ: کومەلگەها (هێتیت) ل قەزا (ئامێدی).
بوارێ کارکرنێ؟
کارێ من وەک وێنەکێشی، نێزیکی (٢) ساڵانە من ب دروستی کار لسەر کریە، کارێ (digitalart) ماوێ سالەکێیە، دەستپێکا من و هەوڵدانا من ژبو جێوازیا ڤی کاریە و بهایێ ڤی کاری دناڤ ژیانا سوشیالێدا، ب شێوەیەکێ ئەز پێڤە هاتیمە گرێدان تا وی ڕادەی شەڤ هەبوونە هەتا سپێدێ من کار لسەر کریە و بەردەم ل سەر فێرکاریێن یوتووبی و د دەمەکیدا سپێدێ من تاقیکرن هەبوون،
ئەز بەردەوام بووم ژبو حەزو ئارەزویێن خۆ نە ژبەر هەبوونا چ پشتەڤانێن کەسێن پایە بلند، بەس پێشتەڤانیا هندەك کەسێن د سوشیالێدا کۆ ئەوژی ب ڕاستی جهێ دلخوشیا من بوو، الحمداللە ئەز ژ فێرکاریا و پروگرامێن نێزیکی (دیجیتال ئارتی) ڕانەوەستایمە و ڕاناوەستم.
هەروەسا هەوڵدانێن من ژبو کارێ وێنەکێشانێ و (دیجیتاڵ ئارت) کۆ ب ئینگلیزی دبیژنێ (photomontage) یان (digitalart)
کارێ من حەزکرنا من و هەوڵدانا من یا ب شەڤ و ڕۆژا بوویە، ب بووچوونا من، چ بەهرە یێن خودای نینە لێ خودێ عەقل و هزر یێن دایە مە، دا کۆ خۆ پێ ئاڤا بکەین و هەر تشتەکێ مە بڤێت ب هەوڵ و ماندیبوونێ بگەهینێ.
ئاستێ خواندنێ؟
ئەڤ ساڵە ل قوناغا (٤)ێ ل کولیژا پەروەردە و بنیات بەشێ (ماتماتیک) بووم، لێ هەتا نوکە نەیا دیارە دێ تەمام بم یان ژی دێ مینم.
کارکرن د نوکەدا چاوا د بوریت؟
د نوکەدا کارێ من گەلەک باش دبوریت، هەر ب ڕێیا ڤی کاری بویمە خودان کار ل کەناڵێ (وار تیڤی)
بۆ پاشەڕۆژێ تە چ ل بەرە؟
ل پاشەڕۆژێ، تنێ یا من دڤێت بکەم پەیداکرنا مەزاختیێن فروکەکێنە، کۆ ب تەمامی ڤی وەڵاتی ب جهــ بهێلم.
داخوازیێن تە چنە؟
من چ داخوازیەک نینە، چونکی ل ئەڤی وەڵاتی ژ بلی کەسێن خۆ د کەنە لێبوک د تورێن جڤاکیدا، داخوازییێن چ کەسەکێ دی ناهێنە وەرگرتن و پێشتەڤانی بو ناهێتە کرن.
هندەک وێنەیان ببینن:


وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *