کورتە ڕۆمان (میرجان)

نڤیسین: رنا هیثم رشید
دەستپێك
؛د ئەڤێ ڕۆمانێدا بەلکی گەلەک دێ هزر کەن، کۆ من بەحسا ئەڤینێ کرییە و دبیت گەلەک ژی وەسا هزر بکەن من ئەڤینی تشتەك نە باش نیشاندایە، دبیت ئەڤ بۆ چوونە د ڕاست بن، لێ من تنێ بەحسا وان نە کریە بەلکی من بەحسا بهایێ درەوا کریە، من بەحسا هندێ کریە کۆ درەوەکا ئەم دکەین دبیت چ کارتێکرنەك ل مە نە بیت، لێ دێ ل هندەك دی کەت و هەتا دبیت ژیانا هندەك کەسێن دی پێ ڕەش بیت و ژناڤ بچیت، هەروەسا من بەحسا ڕاستگوییێ و وەفاداریێ کریە و بێهێن فرەهیێ و حەزژێکرنێ کریە، بەحسا پیروزییا سوزان و حەزژێکرنێ کریە.


«هیڤیدارم کەسێ تو هەلبژارتی، د ناڤ هەمی گەردوونیدا نە ئێشینە، چونکی بێ تە کەسەك مریە د ژیانێدا»

«میرجان»
میرجان کچەك بەژن بلند و بەژن زڕاڤە یا زەعیڤ و بلندە، خۆدانا پرچەك درێژە، خۆدان دێمەك گۆڕۆڤرە و بریت وێ گەلە جوانن و پشت چاڤێن وێ ڕەش هەر وەکی قەلەم کری، خۆدانا لێڤێن مەزن و پیڤازی و یا سپی و حەز ژ خۆ کریە ڕۆژبونا میرجانێ ل (30)ی گولانێیە.

«بیرانت»
بیرانت کوڕەکێ بەژن بلند و تژیە و سەرنج ڕاکێشە، کوڕەکێ ئەسمەرە و گەلە شرینە هندە بریێن هەین، کۆ خۆ بێژی ب قەلەمی هاتینە چێکرن چاڤێن وی د مەزنن و جوانن خۆدان ڕھ و سمبێلە کۆ جوانیەك دی ل جوانیا وی زێدە کریە و خۆدان لێڤێن مەزنە و ڕەنگێن لێڤێن وی پیڤازینە، گەلەک چاڤدێریا پرچا خۆ دکەت، ڕۆژبوونا وی ل (1)ی جووتمەهێیە.
تێبینی: بیرانتی نیشانەك ل پاتکا خۆ هەیە، کۆ میرجان گەلەک حەز ژێ دکەت و گەلەک پێ داخبارە، لێ بیرانت هیچ شێوەکێ حەز ژ وێ نیشانێ نا کەت و نەڤێت

ئەو من پیچەك میرجان و بیرانت، بۆ هەوە دانە نیاسین نوکە دێ دەست ب ڕومانێ کەین:

دەما ناڤێ حەزژێکرنێ یان ئەڤینێ ل دەڤ من دهاتە گوتن وەك تشتەك کەنی بوو، من گەلەک پێ د کرە کەنی، چونکی من هزر دکر ئەڤینی خڕ دڕەوە و چ ڕاستی بۆ نینە و من کوڕێن گەردونی هەمی دڕەوین و بێ هەست و دڕندە د دیتن، من دلۆڤانی و ڤیان د چاڤێن ئێك ژ ئەوان دا نە دیت، گەلەک دەما هندەك دا بێژنە من میرجان هەمی کوڕ نە وەکی ئێکن هندەك د باشن لێ من هزر دکر وان دلوڤانی یا ژ دەست دایە و بێ هەستن تا کۆ شەڤەکێ نێزیکترین هەڤاڵا من نامە بۆ من ڤرێکر و گوتە من:
_چاوانی میرجان خۆشتڤیا من؟
_گەلەک باشم خۆشتڤیا من، تو چاوانی؟
_باشم سوپاس میرجانا من، میرجان من سباهی کارەك گرنگ ب تە هەیە لێ ڤێت تە بینم بو تە بێژم ئەز نە شێم هوسا بێژم.
_بلا شاها دلێ من درستە.
بۆ من گەلە نە خەم بۆ کا چ کارە ب من هەی، من دگوت بەلکی ژ من ب خازیت شانۆیەکێ بۆ شلۆڤە بکەم، یان هندەك زانیاڕیا ب دەمێ ل دوور بابەتەکێ، دەمێ ڕۆژا پاشتر چوویمە فێرگەهێ من سلاڤ کرە هەڤالا خۆ و من گوتێ
_خۆشتڤیا: من ئەو چ کارێ گرنگە تە ب من هەی؟
_دگەل من وەرە ب چینە گوڕەپانێ میرجان.
_بلا خۆشتڤیا من.
دەما دگەهینە گوڕەپانێ هەڤاڵا من ب گرنژین ڤە گوتە من:
-میرجان هەڤاڵا من یا جوان.
-بەلێ خۆشتڤیا هەڤاڵا خۆ.
-ئەرێ تو دزانی کورەکێ ڤێ پەیمانگەهێ ڤێت دگەل تە پەیوەندیا هەڤالینیێ پێكبینیت.
-وھ،؟ئەڤە کیە هوسا خۆ نە ڤێت؟
-هێدی پشت خۆ ب زڤرە و سەحکێ یێ ل پشت تە یێ بەژن بلندە و چاکیتەك ڕەش ل بەرە.
دەما من ئەو دیتی هەچکو بارانا دلۆڤانیێ ژ دێمێ وی ل سەر من باری، من نەشیا گرنژینا خۆ ب ڤەشێرم، من گوتە هەڤاڵا خۆ:
-ناڤێ وی چیە؟!
-ناڤێ وی بیرانتە.
-بیرانت!
-بەلێ ئە، ئێ تو یا رازی ببیە هەڤالا وی؟
-بەلێ، لێ ب تنێ هەڤال و نە زێدەتر.
-بلا خوشتڤیا من، وی ب خۆ گوتیە تنێ هەڤال .
-پا دروستە.
_ئێ چ تشتێ تە ب دەمێ دا کۆ گەل تە باخڤیت؟
-سناپ چاتێ من بدێ.
-بلا خوشتڤیا من میرجان.
دەما ئەز چوویمە مال هیڤیا هاتنا وی بوم نزا هەستەك چەند خۆش بوو، دگەل بورینا پیچەك دەمی بوو من ناڤێ وی هات ب سناپ چاتی من وەرگرت و مە دەستپێکێ پرسیارا ڕەوشا ئێك کر و دەما مە د ئاخڤت من دیت گۆرۆپەك هاتە چێکرن کۆ ئەز و هەڤاڵا من و بیرانت و ئێكێدی، کۆ هەڤالێ بیرانتی یێ نیزیك بوو د گۆڕۆپیدا بوین، ئەو گۆڕۆپە بوو هندێ چێکربو داکو ئەز و بیرانت ئێك ب نیاسن و شەرم ژ ئێكودوو نەکەین مە د وێرێدا د ئاخڤت لێ مە تایبەت ژی د ئاخڤت دەما هەڤالێن مە گوتن هین شەرم دکەن هین نا ئاخڤن بیرانتی گوتە وان:
-گۆرۆپ بۆ خۆدانا ما…..
مەرەما وی ئەو بوو کۆ وان گوروپ چێکر و ئەو یێ تێدا د ئاخڤن ئەم یێت تایبەت د ئاخڤین، من و بیرانتی ئاخڤت هەر وێ شەڤێ بیرانت گەل وی هەڤالێ خۆ یێ نێزیك دەرکەت دەما ڤەگاریاین، بۆ مە هندە وێنە ڤرێکرنە گۆرۆپی کۆ هندە تشتێن وەك نەستەلە ئەڤ تشتە بوون د ناڤدا تەمەرهند هەبوو من گەلە حەز ژ تەمەرهندێ دکر، دەما بیرانت هاتی گەل من ئاخڤتی من گوتێ:
-بیرانت پا تو دزانی ئەز گەلە حەز ژ تەمەرهندێ دکەم!
-ئاها ژ ڕاست؟!
-بەلێ، ئە.
-ئاخ پا تو نزانی میرجان چەند د خۆش بوون!
گەلەک تشت گوتن و دلێ من برێ، پشتی بورینا دەمی مە دەست ئاخڤتنێ کر ب دەنگی و مە ب دەنگی د ئاخڤت ڕۆژەکێ ژ ڕۆژان دەنگێ مە ب درستی نە د گەهشتە ئێك، ئەوی ژمارا خۆ بۆ من ڤرێکر داکو ب پڕوگرامەکێ دی دگەل ئێك باخڤین.
ڕۆژ بۆ ڕۆژ بیرانتی پتر گرنگی ب من ددا، پتر ئەز دلخۆش دکرم هەمی سپێدەهیا دەما ژ خەو ڕادبوم ناما وی دهات و دگوت سپێدە باش، دەما من ناما وی دیت هەر وەکی ئەزا ل بەهەشتێ هشیار بوویم، ئەڤێ گرنگی پێدانێ ئەز ل بیرانتی ئاشق کرم، لێ من نە دشیا دیار بکەم، چونکی بیرانتی دگوت دێ چمە ژ دەڕڤەی وەڵاتی دەما خاندنا من دوماهیك دهێت، ئەز ژ چوونا وی د ترسیام، چونکی ئەو دلۆڤانی و ڤیانا من چاڤێن وی دا دیتی، من چاڤێن چ نێرادا نە دیت بوو ، ئەگەر مە پەیوەندی کربا ئەڤینی دا پشتی چوونا وی گەلەک ئێشم دا دل تەنگ بم دا ژ ناڤچم، چونکی بێ ئەڤینی هزرا چوونا وی ئەز دین دکرم پا ئەڤینی با دا چ کەم؛ بیرانتی ژ ڕەفتارێن من دزانی ل وی ئەڤیندارم و د ڤەشێرم و دزانی ئەگەر ژی هەر چوونا وی یە ڕۆژەکێ بیرانتی گوتە من:
-میرجان!؟
-بەلێ بیرانت.
-میرجان تو دزانی کچەك ئەڤیندارا منە، لێ د ڤەشێریت.
-ئاها ژ ڕاست ئەڤە کیژ کچە هوسا بیرانت؟
-ئێکا بەژن بلند و زڕاڤ و پرچ درێژ و نازك، ڕاستی ئەز ژی ئەڤیندارێ وێ مە.
-تە وێنەکێ وێ هەیە؟
-بەلێ من یێ هەی میرجان.
-بۆ من ڤرێکە من ڤێت ب بینم.
-بلا لێ چاڤین نە کەی.
-بلا.
دەمێ وێنە ڤرێکری و من ڤەکری ئەو وێنە هەر وێنێ من بوو، نزانم ل ئەوی دەمی چ هەست د ناخێ من دا پەیدابوو و من گوتە بیرانتی:
-ل هیڤیا نە بە ئەڤە بێژیتە تە کو حەز ژ تە دکەت.
-بوچ میرجان؟!
-چونکی ل تە ئەڤیندارە و دزانیت تو دێ چی نا مینی.
-بەلکی ئەز ژ بەر وێ نە چم!
-باوەربکە بیرانت هندی هند حەز ژ تە دکەت لەوا ئەڤینا خۆ نا دەرئێخیت نە ڤێت بیتە ڕێگرا خۆشین تە.
-دبیت ئەو بیتە خۆشیا من!
-نزانم بیرانت لێ حەز دکەم ڤی بابەتی بگری.
-بلا وەکی تە بیت میرجان.
گەل بورینا چەند ڕۆژا شەڤەکێ بیرانت دهێت و دبێژیت:
-میرجان چاوانی؟
-باشم، تو چاوانی بیرانت؟!
-ئەز گەلە باشم، میرجان من کارەك گرنگ یێ ب تە هەی.
-ئاها، ئەو چ کارە هوسا بیرانت؟
-میرجان دلێ من گەلەک کەتیە تە و من حەز ل سەر تە هەی و من ڤێت ڤێ پەیوەندیێ ب گوهرین بۆ ئەڤینی ،تو چ د بێژی؟
-نزا چ بێژم!
-ئەز دێ چم خارنا شەڤێ خوم هەتا تێم هزرێن خۆ بکە و بەرسڤێ بدە من.
-بلا بیرانت.
دگەل هندێ بیرانت پەیوەندیێ د بڕیت و دچیت، مێشکێ من و دلێ من دگوت رازیبە و بیرانت هات و پەیوەندی ب من کر و گوتە من:
-تە هزرێن خۆ کرن میرجان؟
-بەلێ.
-بەرسڤا تە چیە؟
-ئەز یا ڕازیمە لێ من هندە مەرج هەنە.
-مەرج؟!
-بەلێ ئە مەرج.
-فەرموو بێژە خاتینا میرجان.
-نا بیت ئازادیا من گەلە تێك ب دەی.
-هھھھھھھھھھھھھھھ.
-بۆ دکەیە کەنی؟!
-تنێ مەرجێن تە ئەڤە نە؟!
-بەلێ.
-یێن من گەلکن پا.
-وەکی!
-نابیت تو ژ بلی من گەل کەسێ باخڤی، دەما نامێ فرێدکەم نابیت بەرسڤا من گیرو بدەی و نابیت دەما پەیوەندیێ ب تە دکەم هێلا تە یا مژویل بیت گەلەکن نزا!
-ڕاستی گەلەکن بلا یێت دی مینن بو پاش.
-بلا خۆشتڤیا من.
-خۆشتڤیا من؟!
-ئەرێ میرجانا من، تو بویە خۆشتڤیا من.
-هیڤیا من ئەوە یا هەژی بم.
-باوەرم دێ یا ژ هەژی بی.
و ل شەڤا (17)ی هەیڤا ئادارێ ئەم بوینە خۆشتڤی، ڕۆژ بۆ ڕۆژ گرنگی پێدانا بیرانتی بۆ من پتر لێ دهات و بەرامبەر هندێ ئەڤینا من بۆ وی پتر لێ دهات، ل ڕوژا (9)ی هەیڤا نیسانێ، بومە ئاریشەك چێبوو و من گوتە بیرانتی:
-بیرانت ئەگەر تە بڤێت بچی هەرە دبیت تو خۆ ل بەر ئەڤان نەخۆشیا نە گری.
-پا تو دێ چ کەی؟!
-ئەز چ جار ناچم.
-ئەز ژی ناچم.
-گەلە حەز ژ تە دکەم لاوێ من بیرانت.
-ئەز پتر میرجانا من.
دەما بیرانتی ئەز ل وێ نە خۆشیێ نە هێلایمە تنێ ئەز پتر ل ئەوی ئاشق بووم، بیرانتی ماوێ دوو هەیڤاندا وەل من کر کو پتری خۆ حەز ژ وی بکەم، بۆ هەر تشتێ من خۆ ئینا وی ئاستی من گوتێ ئەز نەبەمە یا تە، نابەمە یا کەسێ چونکی کەسەکێ ژ هەژی بوو، دوبارە ل (25)ی هەیڤا گۆلانێ ئاریشەك چێبوو، من دکرە گری بیرانتی گوتە من :
-میرجان بوچی دکەیە گری؟!
-ترسم تە ژ دەست بدەم.
-بوچی؟!
-ترسم من پێلی و بچی.
-میرجان؛ یا کۆ ئەز تە بهێلم هیچ باوەرنەکە.
-ژ دل؟!
-ئەرێ ژ دل، دێ دلێ خۆ ئارام کە و ڕۆندکێن خۆ ژێببە.
من ڕۆندکێن خۆ ژێبرن و د سەر وێ نەخوشیێ دا وی گرنژین ل سەر لێڤێن من پەیدا کر، پشتی بورینا پێنج ڕۆژا ئانکو (30)ی هەیڤا گۆلانێ ڕۆژبوونا من بوو و من حەزنەدکر کەس پیروز کەت، لێ دەما بیرانتی پیروزکری ئەز گەلەک دلخۆش بووم و بوو من خۆش بوو ، هەمی تشت گەلەک د باش بوون تا کۆ پشتی بورینا دوو هەیڤان و من ڕۆژەکێ من گەل بیرانتی ئاخڤتی:
-چاوانی شاهێ من؟
-باشم میرجان.
-ئەگەر ئەز پەیوەندیێ ب تە نەکەم تو ناکەی.
-وڤڤڤڤڤڤڤڤڤڤڤڤڤڤڤ میرجان.
-چ چێبویە لاوێ من؟ کێ لاوێ من تورە کریە؟
-چ نە چ نە.
-ئاها پا ئەو چ وڤڤڤڤڤڤڤڤڤڤڤڤڤڤ بوو؟!
-میرجان بەسە بەس.
-بیرانت بلا وەکی تە بیت، لێ تو گەلە ڕەق یێ د ئاخڤی.
-ئەرێ میرجان من دەمێ هەڤالا نینە و دەما گەل هەڤالا د ئاخڤم ماندی دبم.
-هەڤال؟!
-بەلێ هەڤال.
-لێ ئەز نە هەڤالا تە مە، تو چاوا من دگەل وان بەراورد دکەی؟!
-میرجان تە ڕاستی بڤێت ئەو بوو من ژ تە باشترن.
-یا؟!
-بەلێ ئە میرجان.
پشتی وە گوتی هندی خەمگین بووم، من نەشیا باخڤم ئەز مام بێدەنگ و بیرانتی گوتە من :
-میرجان .
-بەلێ بیرانت.
-ما تو نا ئاخڤی؟
-ما چ بێژم بیرانت؟
-ئەگەر هوسا بێدەنگ بی، دا ئەز پەیوەندیێ ب برم و گوهداریا موسیکەکێ بکەم.
-ب کەیڤا تەیە بیرانت.
-میرجان بوو مە مێهڤان هاتن ئەز دێ نوکە چم پاش ئاخڤین.
-بلا بیرانت هەرە.
بێ خاترخاستن پەیوەندی بری و چوو، من هەست پێ کر، کۆ بیرانت یێ خۆ ژ من دوور دکەت و یێ من پشت گوھ د هاڤێت ، پشتی بورینا دەمژمێرەکێ من نامە بو بیرانتی ڤرێکر و من گوتێ:
-بیرانت.
-بەلێ میرجان.
-ئەز دێ پرسیارەکێ کەم لێ ڕاست بەرسڤ بدە.
-بلا دروستە.
-بیرانت هەستەك بوو من یێ چێبووی.
-ئەو چ هەستە میرجان؟
-هەست پێ دکەم تو خۆ ژ من دویر دکەی.
-هەستێ تە ڕاستە.
-بوچ وەدکەی، ما من خڕابیەك گەهاندیە تە.
-نەخێر، لێ من دڤێت هێدی تنێ تو هەڤالا من بی نەك خۆشتڤیا من.
-هەڤال؟!
-بەلێ ئە.
-ئەگەرێ ڤێ بریارا تە چیە؟!
-میرجان درێژ نە کە، من نە ڤێت تو هێدی خوشتڤیا من بی.
-لێ بیرانت تو یێ بوویە پارچەك ژ من.
-من چ پەیوەندی ب هندێ ڤە نینە، ما من گوتیە تە من ب کە پارچەك ژ خۆ؟!
-بیرانت ئەڤە تو چ دبێژی نێ تو گەلەک ئەڤیندارێ من بووی، تو گەلەک داخبارێ من بووی.
-میرجان ڤان ئاخڤتنێن بێ ڕامان ب دوماهیك بینە.
-بلا بیرانت.
-خێربچی میرجان

دگەل هندێ بیرانتی پەیوەندی بری و چوو، پشتی ئەو چووی من گەلەک کرە گری و گەلەک دل تەنگ بووم و بێهنا من تەنگ بوو، ئەز چووم و بەر هەمبێزا دایکا خۆ من کرە گری، خەو نە د چوو چاڤێن من، هندی ب چوونا وی خەم کەتم هەردەم من د گوتە بیرانتی بوچ تە ئەز هێالام جار دگوت باوەریا من ب تە ناهێت جار دگوت تو گەلەک بەحسا رابردوویێ من دکەی جار دگوت تو خۆ مەزن دکەی، لێ ئەڤە هەمی نەوەیی بوون لێ دوماهیك ئاخڤتن پیچەك بەر ئاقل بوو ئەو ژی گوتە من، من تو نە ڤێ، ڕۆژەکێ بیرانتی ل هەر تشتی پەیوەندیا خۆ دگەل من بری و چوو، دلتەنگیا من پتر لێ هات و نەخۆش بووم، ب تنێ من داخازا مرنێ دکر، ڕۆژەکێ بو زانینا ڕەوشا بیرانتی من دگەل ئێك ژ هەڤالێن وی ئاخڤت، کۆ بیرانتی ئەو وەك برا د دیت ، وی دەنگوباسێن وی بو من د ئینان و دگوت یێ باشە، بێهڤەدان ب دوماهیك هات ئەم دوبارە چوینە فێرگەهێ و ڕۆژا ئێکێ من بیرانت دیت ئەز گەلەک تێك چووم و من گەلەک کرە گری و گەلەک ب خەم کەتم، هەڤالێ بیرانتی ئەوێ وەك برایێ وی، ئەوی خەما من ڕادکر هاری من، دەما خەموکیا من د دیتی هەمی پێکول د کرن بیرانتی بزڤرینیت، شەڤەکێ هات نامە بوو من ڤرێکر و گوت:
-خۆیشکا میرجان.
-بەلێ.
-بەری دەمەکێ ئەز ل دەڤ بیرانتی بووم.
-ئاها ژ ڕاست، گەلە باشە.
-بەلێ، ئەز دێ ڕابم گۆرۆپەکێ چێکەم ئەز و تو و بیرانت تێدا بین، داکو تو و بیرانت گەل ئێك باخڤن.
-لێ ئەو ڕازی نابیت.
-بەلێ یێ ڕازیە من یا دگەل ئاخڤتی.
-ژ ڕاست؟!
-بەلێ ژ ڕاست.
چێکر لێ بیرانتی گەلەک ڕەق د ئاخڤت گەلەک دلێ من د شکاند و من داخاز ژێ ک،ر کۆ ل تایبەت باخڤین و مە تایبەت ئاخڤت و من گوتێ:
-بیرانت بوو ڤێ دگەل من دکەی تو ژی باش دزانی گەلەک حەز ژتە دکەم، بو وەدکەی؟!
-چونکی من تو نەڤێ میرجان.
-پا تە بو ئەز ئەڤیندارا خۆ کرم؟
-میرجان بەسە.
-چ بەسە تە دلێ من یێ کریە پرت پرت، خۆ پرتەك نە دیارە هەر ئێك بوو لایێ خۆ چویە .
-میرجان.
-چیە ما دڕەوە ؟
-باشە میرجان ئەز دێ گەل تە ئاخڤم دێ بمە هەڤالێ تە بەس ب مەرجەکێ.
-ئەو چ مەرجە؟!
-کەس نە زانیت کۆ ئەم د گەل ئێك د ئاخڤین.
-بلا درستە بیرانت.
-باش میرجان درستە.
پاش من و بیرانتی گەل ئێك ئاخڤت تنێ وەك دوو هەڤالێن ئاسایی، گەلەک کێم مە د ئاخڤت هندەك دەما د بوو دەھ ڕۆژ دا ژنوی ئاخڤین، ل (1)ی جۆتمەهێ، ئانکو ڕۆژبوونا بیرانتی من گەلەک ڤیدویێن جوان و پەیڤێن جوان بۆ ئامادە کربوون و من هنارتن، لێ هندی سادە دگەل من د ئاخڤت تنێ گوت سوپاس،؟ڕۆژەکێ من ڤیدویەك بو ڤرێکر و من گوتێ:
-ئەڤە گەلەك جوانە.
-ب ڕاستی وەیە.
-بەلێ، تو چ دکەی باشی؟
-باشم سپاس بەس تو باشبی.
-ب باشیا تە ئەز ژی گەلەک باشم.
-پا ئەز هەر دێ یێ باش بم دا تو ژی یا باشبی.
مە د ئاخڤت من د ئاخڤتنێن بیرانتی تشتەك ئینادەر، کۆ دوبارە گرنگیێ ب من ددەت و دوبارە دگەل من د ئاخڤیت و دلۆڤانە، بوو من وێنەك ڤرێکر و گوت:
-ئەڤە وەکی مە نە دەمەکێ ئەم ژی د هوسا بووین.
-ڕاستە.
-ڕاستی ئەو دەم هەمی د خۆش بوون، من گەلەک ڕۆژێن خۆش دگەل تە بوراند بوون.
-بیرانت تو زانی کیژ دەم ژ هەمیان خۆشتر بوو؟!
-کیژ دەم؟!
-دەما ئەم پێکڤە و بابێ تە پەیوەندی ب تە کری، بەری بەرسڤا پەیوەندیا وی بدەی تە بەرێخودا وارا، تە هزر دکر بابێ تە مە د بینیت.
-ڕاستی من هوسا هزر کر.
-ئاخ بۆ تە.
-ژ هەر تشتێ خۆش تنێ ئەڤە ل بیردانکا تە دا مایە؟
-نەخێر هەمیێ ل بیردانکا من دا ماینە، لێ!
-لێ چ؟!
-هیچ.
-دێ بێژە.
-خوزی ئەو ڕۆژە نە چووبان ئەم هەر میرجان و بیرانتێن دەستپێکێ باین، بلا دەم بوریبا بەلێ خوزی خۆشیێن مە نەبوری بان.
-خوزی میرجان.
-بیرانت نە بێژە خوزی.
-بوچی؟
-چونکی تە ڕۆژێن خۆش ژ مە هەردوویان وەرگرتن.
-لێ خەریبێ وان ڕۆژامە.
-ئەگەر تە خەریبی کربا تە نە دهێلا بچن.
-میرجان من دڤێت تشتەکێ بێژمە تە.
-ڤەرموو بێژە.
-ئەز حەز ژتە دکەم.
-بیرانت نە دەمێ یاریایە.
-یاریا ناکەم میرجان.
-تو ژ دلی؟!
-بەلێ ئە.
-پا تە بۆ ئەڤە هەمیە کر و تە ئەز هند ئێشاندم؟
-نزانم لێ گەلەک حەز ژ تە دکەم.
-بیرانت؟
-بەلێ.
-تو بۆ من ژ هەر تشتی گرنگتری.
-دزانم.
-گەلەک حەز ژتە دکەم.
-ئەز پتر خۆشتڤیا من.
-تو نوکە ژ دل ڤەگەریای؟!
-بەلێ ئە ژ دل.
دوبارە مە ئاخڤت و ئەم دلخۆش بووین و پەیوەندیا مە ژ بەری هینگێ مکومتر بوو دەم وەکی ئاڤێ دبووری، هەیڤەکێ پشتی ڤەگەریانا بیرانت ڕۆژەکێ نە ژ دل بەرسڤا من ددەت، دوبارە بریارا چوونێ ددەت و دچیت و من د هێلیت لێ ئەڤ جارە چوونەکا بێ ڤەگەریان گەلەک یا ب ژان و ب ئێش ڕوندک بوونە باهرا من، ڕۆژەکێ من نامەك بو بیرانتی چێکر و من پاش گوڕەك د ناخێ خودا بۆ چێکر و من بیرانت ڤەشارت، چونکی بیرانت مر بوو من د ناخێ خودا ڤەشارت، ڕۆژ بۆ ڕۆژ پتر حەز ژ بیرانتی دکەم دێ حەز ژێ کەم تاکو ل ئاخرەتێ ب گەهینە ئێك…
ناما من بۆ بیرانتی
(بیرانت ئەی جوانترین ئافراندیێ د چاڤێن مندا، ئەی ئەو کەسێ من ژ هەر تشتی پتر ڤیای، تو ئەو کەسی یێ من دلوڤانیا دایکەکێ ل دەڤ دیتی ئەو کەسی یێ من پاراستنا بابەکێ ل دەڤ دیتی ئەو کەسی یێ من پالپشتیا برایەکێ ل دەڤ دیتی ئەو کەسی یێ من حەز ژێکرنا خۆشکەکێ ل دەڤ دیتی، چەند یا دلتەنگ بام تەماشەکرنا تە ئەز ئارم دکرم، تو هەمیێ منی، ڕۆژا من تو دیتی دڵوڤانیا تە د ناڤا دلێ من باری دڵوڤانیا تە بۆ جلوبەرگ بوو من، هەر چرکەکا دگەل تە بوو من خۆشترین و بهاترین دەم بوون، سپێدا من دگەل هندێ دەستپێدکر دەما تە دگوتە من سپێدە باش، ئەز وێ شەڤێ یا ئاڕام بووم دەما تە دگوتە من شەڤا تە خۆش خەونێن خۆش بینی، ب ڕاستی ئەو خۆشترین ڕۆژ بوون د ژیانا من دا، تو کەسەك بیانی بووی لێ دگەل بورینا دەمی بوویە پارچەك ژ ڕۆحا من، بویە هەر تشتێ من، ڕۆژا ئەم بوینە ئەڤیندار من هزر دکر دێ بمە کەیڤ خۆشترین کەس، من هزر دکر دێ بمە یا تە و دێ مە کچەك هەبیت، من ناڤێ وێ ژی دانا بوو، تە دگوت یێ نە خۆشە دا تورە بم، من دڤێت دڤێ نامێدا بەحسا وان خەونا بکەم یێت من بوو مە داناین، دا د مالا تە دا تا ئێڤاری هاریکاریا دایکا تە کەم د کارێن مالێدا و نێزیك هاتنا تە دا خۆ خەملینم بوو تە و دا پێگریەکا بێ سنوور دەمە تە، من ئەو هزرە هەبوو کۆ گەلەک حەز ژ مالا تە ژی بکەم بۆ نموونە دگەل جێمکێ تە پەرتووکا بخوینم، دگەل برایێ تە یێ بچیکتر وێ بکەم ئەوا ئەو حەز ژێ دکەت، دگەل یێ بچویکتر تەماشەی فیدیویێن تیك توکی بکەم دگەل هەر دوویێن بچیك پوبجیێ بکەم، ب درێژیا دەمی گەل دایکا تە ب ڕینم و هەڤپەیڤینێ دگەل بکەم و وان کارا دگەل بکەم یێ وێ حەز ل سەر هەی، پەیوەندیا باب و کچا گەلەک یا مکومە لێ چونکی بابێ تە چ کچ نینن تام نە کریە هندێ لێ دا ئەز وی هەستی بوو چێکەم، دا گەلەک چاڤدێریا تە کەم لێ ئێکێ تەماشەی تە کربا دا وێ کەسێ کوژم، بیرانت تشتێ خۆش ئەو بوو دەما مە وەك ئێك چاکیت دکرنێ، دا بێژیە من میرجان چ ڕەنگ بکەینێ دا بێژم دا کەینێ بۆ فێرگەهێ، دەما بۆ دیتنا من ل فێرگەهێ تو دهاتی ل وی کوشی د ڕۆنشتی، دەما تو دا چیە ژوورا کومپیورتەری من تەمەرهند دەستێن تە دا دیت هندی د هاتمێ تە نە دا من، لێ پشتی بورینا دەھ ڕۆژا تە بۆ من ئێك ئینا لێ نزا ئەو ژی چاوا چێبوو،و تە کەربێن من دا ماچی دکرە هندەکا ئەز دین د بووم، چونکی من نە دڤیا کەس نێزیکی تە بیت ژ بلی من لێ تە ئەز گەلە تورە دکرم، دەما تە دگوت میرجان مە کچەك هەبیت دێ پتری تە حەز ژ وێ کەم خۆ ئەز ژ بەر هندێ ژی دین دبووم، بیرانت نیشانا ل پاتکا تە گەلەک یا جوانە و گەلەک گەلەک، د زانم تو حەز ژێ ناکەی لێ ئەز دین دبم بوو، گەلەک حەز ژ تە دکەم هەبوون)

1 thought on “کورتە ڕۆمان (میرجان)

  1. براستي رومانه كا كاريگه ره و دفئ رومانئ دا ره حما كجئ نيشانده ت، هه روه سا دل نه رمي و ساده يا ره گه زئ مئ ئاشكه رادكه ت
    ده ستيت ته خوش بن هه فالامنا عه زيز و به ركه تي سه وكه فتي بي انشالله

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *