کورتە شانۆگەرییا (کۆرۆنا)
نڤیسین:- رنا هیثم رشید
کەسایەتی:
زەڵامەك دەولەمەند:- کۆ هندەک جلوبەرگێن جوان ل بەرن.
زەڵامەك هەژار کۆ هندەک جلوبەرگێن کەڤن ل بەرن و نیڤ سمیت د دەستی دایە.
دیمەن:
ل سەر ڕێکەکا گشتی هەردووک زەڵام ل سەر تەختەکێ د ڕۆنشتینە

زەلامێ دەوڵەمەند:- وفففففففففف وففففففففففف
زەڵامێ هەژار:- خێرە بەڕێزێ من دیارە ب خەمی؟!
زەڵامێ دەولەمەند:- ما چاوا خەمگین نەبم!
زەڵامێ هەژار:- خەما تە چیە بەڕێزێ من؟
زەڵامێ دەولەمەند:- من گەلە خەم هەنە ما ئەز کیش ژ ئەوان بێژم؟!
زەڵامێ هەژار:- هەمیا بێژە ب دلخوشی دێ گوهداریێ کەم.
زەڵامێ دەوڵەمەند:- ئەڤە چەندە من چ گەشت نەکرینە بۆ ژ دەرڤەی وەڵاتی…
زەڵامێ هەژار:- ئەڤە نە خەمەك گرانە پا من ژ بلی ڤی باژێری، چ جھێن دی نە دیتینە…
زەڵامێ دەولەمەند:- (ب مەندەهوشی ڤە تەماشەی زەڵامێ هەژار دکەت و ئەو ئاخڤتنا وی بۆ گەلەک سەیر بوو و بەردەوامیێ د دەتە ئاخڤتنا خۆ) ئاریشەك دی زاڕۆکێن من ژ خاندنێ هاتینە دویر ئێخستن.
زەڵامێ هەژار:- ئەڤە نە خەمەك گرانە زاڕۆکێن من هێشت فێرگەھ نە دیتینە.
زەڵامێ دەولەمەند:- (ب مەندەهوشی ڤە تەماشەی زەڵامێ هەژار دکەت و ئەو ئاخڤتنا وی بۆ گەلەک سەیر بوو و بەردەوامیێ د دەتە ئاخڤتنا خۆ) خەمەكا دی، پا ئەڤە چەندە ئەم نە چوینە سەیرانا ب تنێ دناڤ باخچێ مالداین.
زەڵامێ هەژار:- ئەڤە ژی نە خەمەك گرانە ئەم چ جار نا چینە سەیرانا، لێ هندەك دەما د چینە دناڤ باخچێن هەڤسویاندا.
زەڵامێ دەولەمەند:- (ئەڤ جارە ئاسایی وەردگریت) خەمەكا دی من هەیە، ئەڤە چەندە من جلکێن نوی نەکرینێ.
زەڵامێ هەژار:- نەکە خەم پا من چ جار نە کرینە، ئەز بەس یێن خەلکی د کەمێ.
زەڵامێ دەولەمەند:- خەما هەرە مەزن ئەوە ئەڤە چەندە نە چویمە کاری.
زەڵامێ هەژار:- نەکە خەم ئەز ئەڤە چەند سالە ناچمە کاری.
زەڵامێ دەولەمەند:- (بەرگێریێ ناکەت و د بێژیتێ) بەس بۆ من بێژە تو چاوا دژی بێ ئەڤە هەمی؟!
زەڵامێ هەژار:- سەحدکەتە چاڤێن زەڵامێ دەولەمەند و د گرنژیت و دبێژیت: تۆ نوکە چاوا دژی؟!
زەڵامێ دەولەمەند:- یا من کۆرۆنا ڕێگرە کۆرۆنا تشتەك کوشە ڤێجا بویە ڕێگێرێ من.
زەڵامێ هەژار:- (ڕادبیتە ڤە و زەڵامێ هەژار ڕینشتیە و ب دلەك سوتی د بێژیت) هین دەولەمەندێن وەڵاتی، بۆ مە هەژارا کۆرۆنا نە و هین کوشەکێن مە و خەونێن مەنە.

زەڵامێ هەژار د کەڤیتە سەر چوکێن خۆ، سەرێ خۆ بلند دکەت و زەڵامێ دەولەمەند ب شەهمزاریڤە سەحدکەتە زەڵامێ هەژار و پەردە دهێتە گرتن.
دوماهیك

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *