نڤیسەر:- ئیبراهیم شنازی
وەرگێران:- رنا هیثم رشید
کەسایەتی
بەڕێز موشتاك:- زاڤا
بەڕێز حیکمەت:- هەڤالێ موشتاکی
خاتینا کومرو:- خۆشتڤیا موشتاکی
خاتینا ساکینە:- مەهرکریا موشتاکی
دادووکا زیبا:- گلێش هاڤێش
خاتینا هابە:- سەرسپی
ئەبول لاکلاکا:- ئیمامێ ساکینە مەهر کری
باتاك ئەسە:- زێڕەڤانێ گەرەکێ
ئاتاك کوسە:- پاقژکەرێ گەرەکێ
(هندە هەڤسوو)
دیمەن:
((هول دوو دانیشك لێ بن))
دیمەنێ ئێکێ
(موشتاك، حیکمەت)
موشتاك:- ئانکو ئەز دێ ئەڤ شەڤە بمە زەلامێ خۆشتڤیا خۆ؟ سپاس بۆ خودێ کۆ مەهرا مە هاتیە کرن ئەگەر نە دا د ئەڤینا وێ دا بێ مەهر نێزیك بمێ.
حیکمەت:- هیچ تشتەك هوسا چێدبیت؟
موشتاك:- بوچ چێنابیت؟ دبێژنە ڤێ «هەلبەستڤان هەڤژینیێ پێك دئینیت».
حیکمەت:- سەیرە!
موشتاك:- بەلێ وەسایە، یێ بێ ئەڤینی و حەز ژێکرن هەڤژینیێ پێك بینیت و ژیانێ بەتە سەری نزا بوو چ بێژم، ما ئەز بۆ چ (کومرویێ) د ئینم، ب تنێ ژبەرکو خوشتڤیا منە، تو چ دبێژی من وەك دینا حەز ژێ دکر لێ من ئاقلیەك کر مانە؟
حیکمەت:- دبیت.
موشتاك:- ب وێ جوانیێ، وەك جوانیا دێمێ وێ ناخێ وێ ژی جوانە، ئەز حەز ژ هەر تشتێ وێ دکەم و رازیمە، ئاخ بەس خوزی ئەوا ناڤ چاڤ گرێ خۆشکا وێ نەبا.
حیکمەت:- ووو ب ڕاستی ناڤێ وێ چیە؟
موشتاك:- ئەز خەلەت نە بم ساکینە بوو؟ خۆ حەز ژ ناڤێ وێ ژی ناکەم.
حیکمەت:- بۆچی؟
موشتاك:- کەسەك بێ بهایە، ژیێ وێ ژ چل و پێنج سالیێ بوریە و مایە د مالدا ئەڤجا مێشکێ وێ سوتیە، ژبلی وەك پیرەژنەك چ دی دیارناکەت، ئاخ چونکی خوشکەك هوسا هەی شەرم ژ هەر کەسی دکەم.
حیکمەت:- بۆچ، یێ حەز ژ گولێ بکەن دێ بەرگێریا ستریێ کەت.
موشتاك:- وەرە دەمە تە بەس مەهر بکە ها دێ گەلە پێك کەن یان ئەو دێ دروست بیت یان تو دێ دین بی.
حیکمەت:- هشیار بی ئەڤان ئەو ل تە مەهر نە کربیت، چونکی یا مەزن هەبیت یا بچووك نا دەن.
موشتاك:- نە من یاریێن هوسا نە ڤێن، بۆ جوانی جوان پێدڤیە.
حیکمەت:- پا بۆ پێکولا دکەی وێ ب دەیە من یاریڤە.
موشتاك:- من دڤێت ب یاریڤە ب دەمەتە!!نەخێر ئەز ژ دلم.
حیکمەت:- لێبوڕینا تە ژ خەلەتیا تە تاوانترە.
موشتاك:- ئەز داخازا لێبورینێ نا خازم.
حیکمەت:- یا!!!!
موشتاك:- دێ بێدەنگ بە، ئەڤە دادووکا زیبا هات. ئەز بێم (کومرویا) من ینا. دێ تو هەرە ب رینە خار بێهنەك دی دێ ئێك بینین.
دیمەنێ دووێ
(موشتاك، دادووکا زیبا)
دادووکا زیبا:- مزگینی، مزگینی، بوك یا تێت یا ب ڕێکێڤە.
موشتاك:- ئاخ شاها من، ئەگەر تو نە بای مادا گەهمە خوشتڤیا خۆ؟ ژبەر هندێ ئەز نزانم دێ چ چاکی دگەل تە کەم.
دادووکا زیبا:- کورێ من ئەگەر ئەز بۆ ڤان کارێن باش نە بم پا چ دکەم ل ڤێ دونیایا درەوین؟ من شەهیانا تە دیت زاڕوکێن تە ژی بینم بۆ من بەسە.
موشتاك:- تە ئەز گەهاندمە خوشتڤیا من بژی هندی دونیا هەی (ژ کەیڤا سەمایێ دکەت)
دادووکا زیبا:- کورێ من پیچەك خۆ گران مەهر سەر تە بوری، پیچەك شەرم بکە شەرم.
موشتاك:- وەی ما دەما زەلام هەڤژینیێ پێك دئینیت ڤێت شەرم کەت؟ یا ئەز دزانم بەروڤاژی ڤێیە.
دیمەنێ سییێ
(موشتاك)
موشتاك:- (ئەو خۆ گەل خۆ د ئاخڤیت)نوکە (کومرویا) من دێ هێتە هێلینا خودا!ئاھ، جارەکێ من شیابا هاتبامە بن پەرێن تە، بەلێ تشتەك هەی مرۆڤ دخون، دبێژنێ پارە، پا ئەگەر ئەو خاست؟! ئێ بلا ما چیە، یا ژ دەستێن من بهێت دێ بۆ کەم، ما دێ گەلە دەمێ؟ ئەگەر هەر تشتی بەر دلیدا بکەم، و ب گرنژینم، چاوا وەبکەم؟ ئەو ژی سەناهیە،مدێ چەند دێرێن هەلبەستا بۆ چێکەم دێ ڕازی بیت.
دیمەنێ چارێ
(سەرسپیا هابە، موشتاك، دادووکا زیبا، ساکینە)
دادووکا زیبا:- کورێ من ئەڤە بوك ینا وەرە دەستێ وێ بگرە و ڕینە ل سەر دانیشکێ.
موشتاك:- (ژ کەیڤا د لەرزیت و ڕەفتارێن سەیر دکەت)وەی.
دادووکا زیبا:- (دبێژیتە سەرسپیا هابە) تو دبینی بەری بوکێ بینیت ژ کەیڤا گێژ بوو.
موشتاك:- نەخێر نە ژ کەیڤا گێژ نا بم، چونکی خودێ کرە باهرا من دلێ من دێ ڕاوستیت.
سەرسپیا هابە:- (دبێژیتە دادووکا زیبا) ئاخ چەند د جوانن (ساکینە ئانکو بوك دانا سەر دانیشکێ).
موشتاك:- ئەڤە چیە؟!
دادووکا زیبا:- ئەڤە هیڤیا تەیە ئەڤە هەڤالا ژیێ تەیە، ئەڤە هەڤژینا تە ساکینایە.
موشتاك:- ل جهێ ئەو بیتە هەڤالێ ژیێ من، ژیێ من دوماهی بهێت دێ سوپاسداربم.
دادووکا زیبا:- (دبێژیتە سەرسپیا هابە) زاڤا ژ کەیڤا دا دین بوو.
سەرسپیا هابە:- (دبێژیتە دادووکا زیبا) ئاخ چونکی گەهشتە مرادا خۆ دین بوو.
موشتاك:- (ب خەم ڤە دبێژیت) ئاخ، ئاخ، ئاخ…
دادووکا زیبا:- خەمگین نە بە کوڕێ من ل جهێ تە بلا نە حەزێن تە خەم بن.
موشتاك:- ئاخ نە حەزێن من نوکە من بینن دێ دلێ وان مینت ب من ڤە.
دادووکا زیبا:- دێ کورێ من پۆشا وێ ڕاکە.
موشتاك:- بۆچی؟ دا بینم و دلێ من ب ڕاوستیت؟
دادووکا زییا:- ڤەکە کورێ من ڤەکە بلا تە گومان نە بیت ئەڤە خوشتڤیا تەیە (گەل سەرسپیا هابە زوریێ ل موشتاکی دکەن ڤەکەت).
موشتاك:- من نەڤێت(گەل هندێ دەستێ خۆ ژ پوشا وێ دکێشیت و پرچا وێ گەل دەردکەڤیت) ئەڤە چیە؟!
دادووکا زیبا:-متە پرچا وێ یا نازك ینا دەر.
موشتاك:- یعععع چەند پرچەك پیس هەیە خۆ ژ پیساتیێ د برسقیت و چەند سپیە.
دادووکا زیبا:- وەی ئەڤ ئاخڤتنە تە گوتنە وێ دێ نوکە وانەکێ دەمە تە دا بزانی دێ چاوا ئاخڤی (و دبێژیتە سەرسپیا هابە)مدێ سەرسپی بوکێ بە ژ دەرڤە و گازی وی ئیمامی بکە یێ مەهرا وان چێکری ئیمام نوکە چایخانا دەڤ مەیە و هندە هەڤسوویا ژی گەل خۆ بیننن.
دیمەنێ پێنجێ
(موشتاك، دادووکا زیبا)
موشتاك:- وەی ما دێ هین من ب زوری کەنە جهێن وێدا؟
دادووکا زیبا :- یان جهێن وێ یان زیندان .
موشتاك:- زیندان خوشترە ژ دەڤ وێ.
دادووکا زیبا:- ئەگەر چویە زیندانێڤە دێ بینی دێ چ ب سەرێ تە هێت.
موشتاك:- دێ چ ب سەرێ من هێت دێ وان پارا وەرگرم ئەوێن تە ژ من دەین کرین و پێ ژیم.
دادووکا زیبا:- پا هەکە نە دەم؟
موشتاك:- پا هەکە توڕە بم؟
دادووکا زیبا:- دێ ژێ چ کەی؟
موشتاك:- پاش دێ زیانێن مەزن گەهینم.
دادووکا زیبا:- وەك چ ؟!
موشتاك:- وەك هەر تشت.
دیمەنێ شەشێ
(موشتاك، دادووکا زیبا، سەرسپیا هابە، ئەبول لاکلاکا، باتاك ئەسە، هەڤسوو)
ئەبول لاکلاکا:- (ب جلکێن بێ سەروبەر دهێت وەك دیار دبیت ژ نوی ژ خەو ڕابویە)وە ئەز هوسا بلەز ئینام ئەڤە چ ڕامان ددەت؟سەهکەنە جلکێن من! شەرمە بۆ هەوە.
دادووکا زیبا:- (دەستێ ئەبول لاکلاکی ماچی دکەت و دانتە سەر ئەنیا خۆ) هێژایێ من، ئەو کوڕێ تە ئەڤ کچە ل وی ماهر کری، نوکە وی کوڕی ئەڤ کچە نە ڤێت، پرچا وێ هەمی ئینا دەر، ئەو چ نە و هەمی بێ ڕێزی بەرامبەر من و ژنماما خۆ کرن.
ئەبول لاکلاکا:- (دبێژیتە بەرێز موشتاکی) وەی بێ نامووس وەی.
موشتاك:- بەڕێزێ من ڕێکێ ب دە من بۆ تە بابەتی بێژم.
ئەبول لاکلاکا:- خۆ بێدەنگ بکە ما ژنەك هندی پیرا تە ما دێ درەوا کەت.
دادووکا زیبا:- بەڕێز دڤێت ڤێ کچێ بو خۆ بەت.
ئەبول لاکلاکا:- دڤێت ببەت وی ناڤەك ئینایە سەر نامووسا ڤێ کچێ (دمبێژیتە هەڤسویا) مانە وەیە؟
هەڤسو:- بەلێ وەیە، بەلێ وەیە.
موشتاك:- نا بەم، خەلەتیەك هەیە، ئەوا من حەز ل سەر هەی نە ئەڤە یە، ئەوا من حەز ل سەر هەی یا ژ ڤێ بچووکترە.
ئەبول لاکلاکا:- ئەوا من ل تە مەهر کری یا مەزنە.
موشتاك:- ئەوا من دڤێت نە ئەڤەیە.
ئەبول لاکلاکا:- وەی تو من ژی درەوین دەردئێخی؟ ئەڤە چ بێ ڕەوشتیە؟
باتاك ئەسە:- بەڕێزێ من پا تو نزانی کا ڤی چەند بێ ڕەوشتی کرینە، چونکی ئەز زێڕەڤانێ گەرەکێ مە ئەز هەر تشتێ وی دزانم کەسەك بێ ڕەوشتە.
موشتاك:- وەی زەلامێ بێ ڕیمەت.
باتاك ئەسە:- گوتنێن نە جوان نە بێژە، تو بێ ڕیمەتی.
ئەبول لاکلاکا:- ئەڤە کەسەك بێ ڕەوشت و دینە.
باتاك ئەسە:- ئەگەر ب من بیت ڤێت ئەڤە ب چیتە زیندانێ و نەخوشخانا دینا.
ئەبول لاکلاکا:- دڤێت ڤی بێ ڕەوشت بدەینە نیاسین و نەهێلین مینیتە گەرەکا مە.
هەڤسو:- مە نەڤێت ب مینیتە دەڤمە.
دیمەنێ حەفتێ
(کوشتاك، دادووکا زیبا، سەرسپیا هابە، باتاك ئەسە، ئاتاك کوسە، هەڤسوو، حیکمەت)
ئاتاك کوسە:- (ل پشتا وی گینیکەك، ل دەستەکێ وی مەرك ل دەستێ دی گێسك، دهێت)مە نەڤێت.
حیکمەت:- (ل پشت ئاتاك کوسەی تێت)وە چ نە ڤێت؟!
ئاتاك کوسە:-نزانم لێ هەمیا گوت تە نەڤێت من ژی گوت تە نەڤێت، چونکی وان ماف هەیە.
حیکمەت:- وەی، بوچ وان ماف هەیە؟
ئاتاك کوسە:- ڕاستە وان ماف هەیە، لێ نزانم بوچ وان ماف هەیە.
حیکمەت:- تو نزانی و چاوا خۆ د کەیە دناڤ بابەتیدا.
ئاتاك کوسە:- وەی، بوچ خۆ نە کەمە ناڤدا؟ ما ئەز ژی ل ڤێ گەرەکێ ناژیم؟
حیکمەت:-؟تو کی؟
ئاتاك کوسە:- ئانکو تو نزانی ئەز کیمە؟
حیکمەت:- نەخێر!
ئاتاك کوسە:- تو ژی نزانی ئەز کیمە و د ئاخڤی، وەی جاهێل وەی،مئەز کرێدارێ جادا دیکە و پاقژکەرێ ڤێرێ.
حیکمەت:- وەی گێلە وەی.
ئاتاك کوسە:- بلا تە وەك من مێشك هەبا بلا بێ گێل بای.
ئەبول لاکلاکا:- (موشتاکی نیشا حیکمەتی ددەت و دبێژیت) نوکە تو پشتەڤانێ ئێکێ وەکی ڤی تاوانباری؟ یێ سەر تەوانێ ڕازی بیت ئەو ژی تاوانبارە، تو پشتەڤانێ بێ ڕەوشتەکێ؟
حیکمەت:- بەرێزێ من، من تاوانا خۆ زانی لێ تاوانا وی چیە؟ من ئەو نە زانی!
ئەبول لاکلاکا:- زێدەتر دێ چ بیت ئەوا من ل وی مەهر کری نەڤێت یا بچیکتر دڤێت.
حیکمەت:- بەڕێزێ من توڕەنەبە (هندە پارا د کەتە بەریکا ویدا) دێ یا بچووك ژ تە خازین.
باتاك ئەسە:- بەڕێزێ من ئەو چیە؟ تو ڕیبای وەردگری؟
ئەبول لاکلاکا:- (د بێژیتە باتاك ئەسەی) تو بێژی ئەز تشتەك هوسا بکەم؟ ( ب هێدی دبێژیتە حیکمەتی) بکە د بەریکا من یادیدا (حیکمەت پارا دکەتە بەریکا وی یا دیدا).
باتاك ئەسە:- وەسا دیاڕە تە پارە وەرگرتن.
ئەبول لاکلاکا:- حاشا حاشا، ئەگەر من دەستێ خۆ کربیتە پارە بلا دەستێن من بشکێن.
حیکمەت:- بەڕێزێ من ڕاستیێ بینە مەیدانێ.
ئەبول لاکلاکا:- گەلی ئامادە بوویا تشتەك هاتە بیرا من،؟مانە من دگوت من کچا مەزن یا مەهر کری مەرەما من نە یا ژ تەمەنیڤە مەزتر بەلێ ژ خەلەتیڤە مەزنتر و تەمەنیڤە بچیکتر، چونکی یا تەمەنیڤە مەزتر نا گونجیت گەل زاڤای، وەك هین دزانن ئەز هەردەم ڕاستیێ د بێژم.
باتاك ئەسە:- ئەگەر تو وە بێژی ئەم پەسەند دکەین.
ئەبول لاکلاکا:- (دبێژیتە سەرسپیا هابە) هەرە بوکا دڕوست بینە یا ژ کەلەخی مەزن لێ تەمەنی ڤە بچووك بینە دا دەستێن خۆ ب دەمە زاڤای دا چ خەلەتیێن دی نە چێبێن (دبێژیتە حیکمەتی) ئەگەر هندە خەلەتیێن دی هەبن بێژن، سەر بلندیە د تشتێن هوسا ئامادە بم.
باتاك ئەسە:- (دبێژیتە موشتاکی)خەلەت ل من نە گەهە وی دەمی من وە گوت تە ب کەنی، چونکی من دڤێت دەمێن نەخۆش تە کەیڤ بێخم.
ئاتاك کوسە:- (دبێژیتە حیکمەتی)بەڕێزێ من، سوزبیت ژبلی کارێ پاقژکرنێ نە چمە ناڤ چ کارێن دی.
دیمەنێ هەشتێ
(موشتاك، دادووکا زیبا، حیکمەت، سەرسپیا هابە، ئەبول لاکلاکا، باتاك ئەسە، ئاتاك کوسە، کومرو، هەڤسوو)
سەرسپیا هابە:- (کومرویێ د ئینیت و کومرویێ گەلە کریە گری) ئەڤە من بوکا ڕاست ئینا.
ئەبول لاکلاکا:- (د بێژیتە سەرسپیا هابە) بوچ کریە گری ما زاڤا نەڤێت؟
سەرسپیا هابە:- (د چیتە بەر گوهێ کومرویێ و دبیت پست پستا ئەوان)نە ئەوە ئەوا تە هزرکری بەڕێزێ من.
ئەبول لاکلاکا:- پا چیە؟
سەرسپیا هابە:- د کرە گری چونکی هزر دکر خوشتڤیێ خۆ بو هەتا هەتایێ ژ دەستدا.
ئەبول لاکلاکا:- (دەستێ کومرویێ و موشتاکی دکەت د ناڤ ئێكدا) هەر بەختەوەر بن دگەل ئێك (دبێژتە حیکمەتی) وە کارەكێ دی هەیە بەڕێزێ من؟
حیکمەت:- نەخێر، لێ ئەز حەز دکەم هەمیا ژ ڤێرێ بەی تنێ موشتاك و کومرو مینن.
ئەبول لاکلاکا:- حەز کرن چیە فەرمانە (هەمیا دبەت تنێ موشتاك و حیکمەت و کومرو دمینن)
دیمەنێ نەهێ
(موشتاك، حیکمەت، کومرو)
موشتاك:- (ئەو و کومرو ل سەر دانیشکێ د ڕینشتینە و بەرێخودەنە ئێك) ما تو ناچی؟ ما تە کارەك مایە؟
حیکمەت:- من ڤێت دوو گوتنان بێژمە تە.
موشتاك:- سپێدێ وەرە نە دووا هزارا بێژە دێ ژ دل گوهێ خۆ دەمە تە.
حیکمەت:- نە، نە دێ نوکە بێژم.
موشتاك:- بێژە (و بەرێ وی ل کومرویێ گوهداریا ئاخڤتنێن حیکمەتی ناکەت)
حیکمەت:- هەڤالێ من یێ خوشتڤی.
موشتاك:- دوماهیك نە هات؟!
حیکمەت:- پێلە دەستپێبکەم.
موشتاك:- وەی چەند درێژە.
حیکمەت:- تە توبەکر کۆ تە پرسیارا هەڤالەك وەک من نەکر و تە هەڤژینی پێك ئینای؟
موشتاك:- دێ تو ژی ما تو گونەها دەردئێخی ئەڤە چیە؟
حیکمەت:- مڕوڤێ ئەڤیندار گوهێ خۆ ب دەتە هندەکا دێ دوماهیك ئەڤە بیت .
موشتاك:- تو گیرو بووی، بۆ وی جهی یێ تو د چیێ، من نە ڤێت گیروبی.
حیکمەت:- تە وانەك ژ ڤێ چەندێ وەرگرتیە ئەز بێم؟
موشتاك:- من وانەك وەسا وەرگرت چ جار ژبیرنەکەم، من هند خەم خارن سوز بیت گەلە هەڤژینەك باش بم بۆ هەڤژینا خۆ ..
دۆماهیك.