نڤیسین: ساموێل پێكێت
وه‌رگێران: سه‌رحان ئه‌حمه‌د سه‌رحان
كه‌سایه‌تیێن سه‌ره‌كی:
1. فلو ـ FLO
2. فای ـ VI
3. ڕوو ـ Ru
یێ ل سه‌ر قه‌نه‌فه‌كا داری، ل نیڤا شانۆیێ، هه‌ر سێ دروینشتینه، ژ ڕاستێ بۆ چه‌پێ (فلو، فای و ڕوو) پشتێت وان ڕاستن، ڕاست ل به‌ر سینگێ بینه‌رینه. ده‌ستێن وان د گرتینه و یێ دناڤ كۆشا واندا.
فای: دویماهیك جارا مه ئێك و دوو دیتی كه‌نگی بوو؟
ڕوو: دا ژ ئاخڤتنێ ب ڕاوه‌ستین
(بێده‌نگی. فای ژ جهێ خۆ ڕادبیت و ژ لایێ ڕاستێ ده‌ردكه‌ڤیت. بێده‌نگی)
فلو: ڕوو
ڕوو: به‌لێ.
فلو: ب دیتنا ته فای یا چه‌وایه؟
ڕوو: به‌س پیچه‌ك یاهاتیه گوهۆڕین. (فلو دچیته نیڤا قه‌نه‌فێ، پستپستێ دگوهێ ڕوو دا دكه‌ت (ده‌نگێ قێژییه‌كا ترسێ ژ ڕوو دهێت) .. ئوه!! .. (به‌رێ خۆ دده‌نه ئێك و دوو. فلو تبلا خۆ دانیته سه‌ر ده‌ڤێ ب مه‌ره‌ما هشیاربوونێ یان ژی بێده‌نگیێ)… تۆ تێدگه‌هی؟
فلو: ژ خودێ دخوازم، ئه‌و ڤێ چه‌ندێ نه‌زانیت
(فای ب ژۆر دكه‌ڤیت ب بێده‌نگێ ل ڕاستا خۆ دڕۆینیت، فلو و ڕوو ب بێده‌نگی ل به‌رامبه‌ر بینه‌ری د ڕۆینشتینه، بێ لڤین)
فلو: ئه‌ڤه ئه‌م وه‌كی به‌رێ د ڕۆینشتینه، ده‌مێ ئه‌م ل گوره‌پانا قوتابخانێ د ڕۆینشتین دگه‌ل مامۆستا خۆ خانم واید.
(ڕوو، د روینته سه‌ر قه‌نه‌فا داری)
(بێده‌نگی، فلو ژ لایێ چه‌پێ ده‌ردكه‌ڤیت، بێده‌نگی)
ڕوو: فای:
فای: به‌لێ
ڕوو: فلو ل ده‌ڤ ته یا چه‌وایه؟
فای: گه‌له‌ك نه‌هاتیه گوهۆڕین. (ڕوو دچیته نیڤا قه‌نه‌فێ، پستپستێ دگوهێ فای دا دكه‌ت (ده‌نگێ قێژییه‌كا ترسێ ژ فای دهێت) .. ئوه!! .. (به‌رێ خۆ دده‌نه ئێك و دوو. ڕوو تبلا خۆ دانیته سه‌ر ده‌ڤێ خۆ ب مه‌ره‌ما هشیاربوونێ یان بێده‌نگیێ). ما كه‌سێ بۆ نه‌گۆتیه؟
ڕوو: خودێ مه ژێ پارێزیت.
(فلو ب ژۆر دكه‌ڤیت و دچیته قه‌قنه‌فێ و ل لایێ ڕاستێ د ڕوینیت، ڕوو و فای، د ڕۆینشتینه، بێ لڤین، ده‌ستێن وان یێ دناڤ كوشا واندا وه‌كی هه‌ر جار، به‌رێ وان یێ ل لایێ بینه‌ری)
فلو: ئه‌ڤه دیسا ئه‌م د ڕۆینشتینه ده‌ڤ ئێك و ده‌ستێن مه دپێچاینه وه‌كی به‌رێ
فلو: خه‌ونا ب ئه‌ڤینێڤه دبینین
(بێده‌نگی، ڕوو ژلایێ ڕاستێ ده‌ردكه‌ڤیت، بێده‌نگی)
فای: فلو
فلو: به‌لێ
فای: ڕوو بۆ ته چه‌وا بوو؟
فلو: ئێك ژ مه ب تنێ، نه‌شێت گه‌له‌ك ژ ڤێ ڕۆناهیێ ببینیت .. (فای دچیته نیڤا قه‌نه‌فێ، پستپستێ دگوهێ فلو دا دكه‌ت (ده‌نگێ قێژییه‌كا ترسێ ژ فلو دهێت) .. ئوه!! .. (به‌رێ خۆ دده‌نه ئێك و دوو. فای تبلا خۆ دانیته سه‌ر ده‌ڤێ ب مه‌ره‌ما هشیاربوونێ ین بێده‌نگیێ), ئه‌رێ ڕوو ڤێ چه‌ندێ دزانیت؟
فای: تۆ بخودێ، ما دێ بۆچی تشته‌كێ هۆسا زانیت
(ڕوو ب ژۆر دكه‌ڤیت، فای و فلو د ڕۆینشتینه، بێ لڤین، به‌رێ وان یێ ل بینه‌ری، ڕوو دچیته لایێ قه‌نه‌فێ و ل لایێ ڕاستێ د ڕوینت، بێده‌نگی) .. بلا ئه‌م ل سه‌ر تشتێ ڕابۆری نه‌ئاخڤین (بێده‌نگی) یان ژی ئه‌و تشتێ چێبووی. (بێده‌نگی) .. دا ئه‌م ده‌ستێن ئێك و دوو بگرین وه‌كی به‌رێ؟
(پشتی چه‌ند ساته‌كا ده‌ستێن خۆ دكه‌نه تێكدا: فای ب ده‌ستێ ڕاستێ ده‌ستێ ڕوو یێ ڕاستێ دگریت. ده‌ستێ فای یێ چه‌پێ ده‌ستێ فلو یێ چه‌پێ دگریت. ده‌ستێ فلو یێ ڕاستێ ده‌ستێ ڕوو یێ چه‌پێ دگریت. ده‌ستێ فای ل سه‌ر ده‌ستێ ڕوو یێ چه‌پێیه. ده‌ستێن وان هه‌ر سێیا، ب ئێكڤه دگرێداینه یێ دناڤ كۆشا واندا. بێده‌نگی)
ئه‌ز هه‌ست ب تمامبوونا بازنێ دكه‌م
(بێده‌نگی) .. په‌رده دهێته خوار
شانۆگەرییا ” ب ژۆرکەڤتن و دەرکەڤتن”
