گه‌له‌ك كه‌س دبیت تووشی گرتنا بۆریێن خوینێ‌ بن، به‌لێ‌ ب نه‌خوشیێن خوه‌ نزانن و نیانێن وێ‌ ده‌ستنیشان ناكه‌ن، ژبه‌ر ڤێ‌ چه‌ندێ‌ زور یا گرنگه‌ نیشان و كاریگه‌ریێن لاوه‌كی یێن گرتنا بۆریێن خوینێ‌ بزانی و ل ده‌مێ‌ پێدڤی سه‌ره‌دانا نوشدارێ‌ بسپور بكه‌ی.
شه‌ش نیشانێن سه‌ره‌كی یێن گرتنا بوریێن خوینێ‌ ئه‌ڤه‌نه‌:
1-هه‌بوونا ئێشانه‌كا زور ل حه‌وز و ران و كماخێ‌ ل ده‌مێ‌ راهێنان دا، ره‌نگه‌ نیشانا وێ‌ چه‌ندێ‌ بیت كو خوین وه‌كو پێدڤی د بوریێن خوینێ‌ دا لڤینێ‌ ناكه‌ت.
2-ئێشانێن سینگی: هوكارێ‌ ئازارێن سینگی ژبه‌ر وێ‌ چه‌ندێ‌ یه‌ كو خوینا پێدڤی ناگه‌هیته‌ دلی، هه‌كه‌ ته‌ هه‌ستكر كو سینگێ‌ ته‌ یێ‌ توند و دژواره‌، ئه‌ڤه‌ دبیت نیشانا گرتنا بوریێن خوینێ‌ بیت و سه‌ره‌دانا نوشدارێ‌ بسپور بكه‌.
3-ڤه‌برینا هه‌ناسێ‌: گه‌له‌ك كه‌س وه‌سا هزر دكه‌ن كو ڤه‌برنا هه‌ناسێ‌ تیشانه‌كا ب مه‌ترسی نینه‌، به‌لێ‌ براستی یا مه‌ترسیداره‌، ڤه‌برنا هه‌ناسێ‌ وی ده‌می په‌یدادبیت ده‌مێ‌ كو خوین ب دروستی نه‌گه‌هیته‌ ئه‌ندامێن له‌شی ژ ئه‌گه‌رێ‌ گرتنا بوریێن خوینێ‌.
4-ژده‌ستدانا دیتنێ‌: هنده‌ك كه‌س ژ ئه‌گه‌رێ‌ گرتنا خوینێ‌ دیتنا چاڤێن خوه‌ ژده‌ست دده‌ن ب تایبه‌ت ژی یا چاڤه‌كی، ئه‌ڤه‌ژی ژئه‌گه‌رێ‌ نه‌گه‌هشتنا خوینێ‌ یه‌ بو چاڤی.
5-ساربوونا ده‌ست و پێیان: نه‌خوشیێن خوینێ‌ یێن ده‌وروبه‌ر كو خوین نه‌گه‌هیته‌ ئالیێن له‌شی و ئه‌ندامێن دیتر ئه‌ڤه‌ژی دبیته‌ ئه‌گه‌رێ‌ ساربوونا ده‌ست و پێیان و خوین ناگه‌هیتێ‌ بو هندێ‌ گه‌رم بمینن.
6-هه‌ستكرن ب وه‌ستیانێ‌: هه‌ر چه‌نده‌ هه‌ستكرن ب وه‌ستیانێ‌ نیشانا سه‌ره‌كی یا گرتنا بوریێن خوینێ‌ نینه‌، به‌لێ‌ هنده‌ك جارا ل ده‌ڤ ژنان ئه‌ڤ حاله‌ته‌ روودده‌ت، ئه‌و هه‌ستكرن ب وه‌ستیانێ‌ ژ ئه‌گه‌رێ‌ نه‌گه‌هشتنا ئوكسجینێ‌ پێدڤی بو شانه‌یێن له‌شی په‌یدادبیت.

ژ ڕۆپەلێ نۆش نیۆز هاتییە وەرگرتن.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *