نڤێسین: عیسا تاهر ئیسمائیل

كارل پۆپر دبێژت:” ئەز دانپێدانێ دكم، ئەم هەر دەمەكی، گرێدایی بازنەیێ مگرتی و دیتن و سەربۆرێن بۆرییێ خوە و زمانێ خوەنە، لێ هەردەم ئەم دشێن، هەكەر مە پێكۆل كر، ئەم وی بازنەیی بشكێنن و ژێ دەركەڤن. هەروەسا دڤێت ئەم دانپێدانێ ب وێ یەكێ ژی بكن، كو دەمێ ئەم بازنەیێ كەڤن دشكێنن، ئەمێ خوە د بازنەیەكێ دیدە بینن، لێ ئەو بازنەیێ نوو، دێ بازنەیەكێ باشتر و بەرفرەهتر بت; و ئەم دێ شێن هەر دەمەكی شكێنن، ژێ دەركەڤن و چنە د بازنەیەكێ دیتردە”(١).
د دو جیهانێن ژ ئێك جودادە، ئەڤەیە: جیهانەك ل سەر شكاندنا بازنەیان ڕاهاتییە، چونكی ڕاستی ل دەڤ وێ جیهانێ، ڕاستییەكا ڕێژەیییە، ئەو دزانت د پشت بازنەیێ هەییڕە، بازنەیەكێ دی هەیە، باشتر و بەرفرەهترە، بەلكو هەڤڕكی و خوەستەكەكا مەزن هەیە هەر یەك ژ ئالییێ خوەڤە، پێكۆل و بزاڤێ بكت، كا كی دێ زووتر خوە ب بازنەیەكێ باشتر و بەرفرەهترڕە گەهینت.
ب ڤێ یەكێ، ئەو جیهانەكا بەرهەمدارە، زالە و دەستهەلاتدارە.
جیهانا دی، باوەری ب بازنەیێ خوە هەیە كو داوی بازنەیە و چو بازنەیێن دی د پشتڕە نینن، هەكەر هەبن ژی، دێ خرابتر و بەرتەنگتر بت. ڤێ جیهانێ، باوەری ب ڕاستییا ڕەها هەیە، مەندە و ڕوحەكا كەڕخی بۆ لێگەڕیانێ هەیە، لەو كەیف ب بازنەیێ خوە دئێت، هەڤڕكی ل سەر وێ یەكێیە كا كی دێ پتر خوە د بازنەیێ خوەدە هەشار ددت; لەو ئەو جیهانە، جیهانەكا بێبەرهەمە، نەعلەتا ل بەرهەمێ هزری یێ نوو دكت، لێ پێشوازییێ ل بەرهەمێ ماددی دكت و بازنەیێ خوە پێ دخەملینت. لێ بێگومان، ئەو بەرهەمێ ماددی ئەڤێ دئێت، هەر هۆ نائێت، بەلكو دئێت و كۆمەكا بهایێن ئەخلاقی و ڕەفتاری د گەل خوە دئینت، ڕۆژ بۆ ڕۆژێ، دێ وی بازنەیی خلۆلە كت و دەرز و كەلشتەیان ئێختێ، هەتا دشكێنت و كاووسی پەیدا دكت.
ژێدەر:
١ـ پۆپر، العلم العادي ومخاطره، ڤه‌گوهاستى ژ: پول.ب. ئارمسترؤنط، القراءات المتصارعة، بپ:٩٠

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *