دوماهى نڤێسینا نڤیسەر و هەلبەستڤانێ فەلەستینى (یێ ل نەمسا) دژیت، نائیل بەلعاوى، روژەکێ بەرى مرنا وى ( ٢١ / ٤ / ٢٠٢٠ ).
کوردیکرن: مەهدی حەسەن عەلى
هەتا ڤێ خۆلەکێ ژى من گوهـ ل چو کەسى نەبوویە بێژت؛ سوپاس بو حوکمەتێ، بو کارێ وێ یێ باش، نە ل نەمسا نە ژى ل دەڤ هەڤسۆیا وێ یا مەزن، ئەلمانیا. ڤان هەردوو وەلاتان کارەکێ گەلەک باش و بەرچاڤ ئەنجامدا د ڤان چەند ڕۆژێن بۆریدا شەڕێ ل دژى ڤایرۆسی.
کەس نابێژت سوپاس مێرکل یان کۆرتز، و چو کەس پەسنا “سەرکردایەتییا حەکیم” ناکت، مەزنترین پەیڤا بێتە گۆتن ژلایی نەمساوییەکێ یانژى ئەلمانییەکێ ڤە لسەر وان ئەنجامێن مەزن یێن هەردوو وەلاتان ب دەستخوەڤە ئیناین ل دژى ڤێ ئێشێ ئەوە کو بێژن: ” حوکمەتێ ئەو ئەنجامدا یا لسەر مللـێن وێ “، یان: ” هەروەکو ئەو کارێ حوکمەت ل دژى ڤایروسى پێ ڕابووی کارەکێ دورست بوو”.
ئەڤرو، ب ڕێکا تەلەفۆنێ من گوتە هەڤالەکێ خوە یێ نەمساوى:
– ئەو کارێ پروفێشنال یێ حوکمەتا کۆرتزى بەرانبەر ڤێ قەیرانێ ئەنجامداى کارەکێ بالکێش بوو و ئەز سەرسورمانکرم.
– بەرسڤا من دا: ئەڤە ئەرکێ وێ یێ چاڤەڕێکرى بوو، ئەگەر نەشێت بجهـ بینت، پێدڤییە دەست ژ کارێ خوە بکێشت.
– دزانم، بەلێ سۆپاسییەکا بچویک چونینە و نە تشتەکێ مەزنە.
– سۆپاسییەک، ئانکو حوکمەتێ ژلایێ خوەڤە دیارییەک پێشکێشکى مە کریە، و ئەڤە نە دورستە. ئەگەر مە ئەڤرو سوپاسییا وێ کر، سوبەهى ئەم دێ نەچاربن خوە بو ب چەمینن و وەکو کەرێن پەزى بێژن: سوپاس بو وە، بو هەرکارێ هوین ئەنجام ددن و ئەنجام نادن.
پشتى سوحبەتا مە ب دوماهى هاتى من گوتێ دێ بابەتەکێ نڤیسم لسەر چاوانییا بەرهەمئینان و دورستکرنا کەلتۆرێ کوێلەتیێ و بلندکرنا سەرکردەیان کو بێنە ئاستێ خوداوەندان، و ئەو ” سوپاسییا ” بچویک دەستپێکەکا باشە بو خواندنا پەرتوکا، دکتاتوریەتا مەزن و پیس. هزر ب دلى بوو، من ژى ب دەنگەکێ بلند سوپاسییا وى کر: سوپاس سوپاس، مە کرە کەنى و مە پەیوەندى ب دوماهى ئینا ” کەنییا دو زاروکان دگەل ئێک “.