نڤێسین: محسن ئۆسمان

جل ب خوە ژی فۆرمەکێ پێناسە و دەربرینا “نەتەوە، پیشە و…” ددەتە خویاکرن، جلێن کوردی ژی یەک ژ ڤان واتەیان هەمبێز دکەت.
دیارە مرۆڤ نکاریە و نکاریت بێی چەڤەنگ وەک مۆرال هێزا خوەیا ڤەشارتی گەرم بکەت. لەورا هەرتم کوردان ژی، وەک گەلێن دەڤەرێ پشتا خوە ب “چەڤەنگان” گەرمکریە و مۆرال/ دلێ خوە ژی، ب “خوەدێ، چیا و دۆستان” خوەشکریە. ل دەما خەباتێ وەلات ل سەر سێکوچکا “ستران، هەلبەست و فیشەکێ” هاتە ئاڤاکرن، هنگی “چیا/ ئاخ، ئالا و نەورۆز” چەڤەنگێن بەرخوەدانێ بوون، ئەڤان تشتان د مەژیێ خەلکی دا پیرۆزی چاند بوو.
دیارە هەبوون و بهایێ مرۆڤی دەرئەنجامێ کۆمەکا چەڤەنگانە، لەورا چەڤەنگی رۆلەکێ گرینگێ دیالێکتیکی د ناڤبەرا “کەڤن و نوو” دا دیتیە. چەڤەنگ ژی بهایێ خوە ژ کارهێنەران وەردگرن و دوو ئەرکێن “گەهاندن و پشکداریکرن” هەنە. ب ڤێ یەکێ، ئەگەر چەڤەنگ نەبان راڤەکرن ژی پەیدا نەدبوو، لەورا چەڤەنگ بوونە سەدەمێن پەیدابوونا ئۆل، زانست و فەلسەفێن جودا. ب ئەنجام، واتە و چەڤەنگداری مرۆڤی دئێخیتە بەر گەریان و راڤەکرنان، چونکو “واتە” د ژیانا بوونەوەری دا، ساخلەتەکا ئۆنتۆلۆگیا مرۆڤاتیێ‌یە. تا وێ رادێ، مرۆڤ .بوونەوەرەکێ بەرهەمدارێ واتەیان/ چەڤەنگانە، ئەڤە بوویە پەرچیمێ پێکڤەگرێدانا ئۆل و نەتەوان

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *