نڤێسین: دیان جەمیل
گەلەک ژ مە بەردەوام گازندان دکەن کو پشتى خواندنا هەر پەرتووکەکێ، چ تشت نامینە د بیردانکا وى دا.
دبیت ئەڤ چەندە تا رادەیەکى راست بیت.
لێ ئەرێ پشتى تو سێڤەکێ دخوى، ئێکسەر تو مەزن دبی؟
هەلبەت نەخێر،
لێ ئەو سێڤە پشتى دناڤ ئاشکێ تە دا دهێتە هەرسکرن، دبیتە خانە و شانە و گوشت و هەستیک و دەمار و خوین بێى کو تو هەستپێبکەى.
خاندنا پەرتووکەکێ ژى ب هەمان شێوەیە،
تە رەوشەنبیر ناکەت،
لێ ئەو خاندن پشتى دناڤ گیانێ تە دا بەلاڤ دبیت، زمانێ تە خورت دکەت و زانینا تە بەرفرەهـ دکەت و رەوشتێ تە بلند دکەت و شێوازێ تە یێ ئاخفتن و نڤیسینێ ژى پێشدئێخیت بێی کو تە ئاگەهـ ژێ هەبیت.
دگەل خاندنا هەر پەرتووکەکێ ئەڤ چەندە دێ دوبارە بیت، هەتاکو ل دوماهیێ تو ژنوو هەستپێدکەى کەسایەتیا تە و دیتنا تە بۆ ژیانێ هاتیە گوهۆڕین.