د.ڤین عەبدولرەمان ڕەسول
ژیان بەرەڤ تیرۆژكەكێ ڤە دچیت و مە هەمییان دڤێت، خوە نزیكی ڕۆناهییا وێ بكەین. ئەو تیشكا مە بۆ خوە رادكێشیت ژی، نە یا دیارە چ جورە روناهییە! ژیان هەمی گاڤان ئومێد بەخش نینە و ژیان هەردەم دەلیڤێ نادەت، مرۆڤی چاوان بڤێت ئەوا لێ حەز دكەت بگەهیتێ.
دڤێت ئەم هەر دەم د ئامادەباشیێ دا بین، دێ چاوان پێش ژیانێ ڤە چین. ژبەركو لایەنێن وێ یێن تاری ژی هەنە، تونێلێن تاریێن گەلەك درێژ ل دووماهییا وێ هەنە. لێ ئەو چ كەسن بەرەڤ وان تونێلان ڤە دچن؟ ئەو كەسن یێن چ پلانان بۆ ژیانا خوە نەدانن، ئەو كەسن یێن بێ ئومێدی ل ڕۆژان و ئایندێ وانڤە دیار، ژ هەمی تشتەكی د نەرازی و د پەیوەندیێن خوە ژی دا د سەركەڤتی نینن. ئەڤ كەسێن هەنێ هەمی گاڤا بارهەلگرێن خەم و ئازارانە، ئایا تە دڤێت ببیتە بارهەلگرێ نەخوشییا، نەخوشیێن جەستەی و دەروونی؟ نەخێر. دزانم تە نەڤێت و من ژی نەڤێت و مە بۆ كەسێ ژی نەڤێت.
ئەم دشێین چ بكەین؟ ڕاستی ئەم دشێین گەلەك تشتان بكەین، نەهێلین ژیانا مە یا ڤالا بیت، مێشكێ خوە پەروەردە بكەین و هەر دەم یێ مژوول بیت، یێ گەشبین بیت، ڤیان تێدا هەبیت، بەشەكێ وێ یێ زور بۆ دروستكرنا باشییا و پەیوەندییان دگەل كەسێن دی بیت. مرۆڤ چ تشتە؟ ژیان چ تشتە؟ ئەڤە پسیارن، لێ دەما مرۆڤ یێ گەشبین بیت، ئەڤە ژیان پەیدا بوو، ژیان هونەرە و دا پێكڤە خوشیێ ژڤی هونەری وەربگرین.
ژیان هونەرە
