نڤیسین: پرژین صبحی عبوزید
قوتابی ل پشکا زمان و وێژەیا کوردی/ زانکۆیا زاخۆ


پێناسەکرنا ژیانێ: ژیان وەکی پێلێن ئاڤا دەریاینە، بلند و نزم دبن و هەمی تشتان دگەل خۆ دهینیت و دبەت.
د ژیانێدا بەختەوەرترین کەس ئەوە یێ دئێش و ژانێن ژیانێدا ب گرنژیت. هەبوونا ئاستەنگان د ژیانێدا دێ شیانێن تە ئاشکەراکەت، لەوڕا دشێن بێژین ژیان ئانکو هەبونا تەیە بۆ ئەڤێ جیهانێ، ئانکو ژیان ئەوە، کۆ دبیتە ئەگەرێ بریاردانێ ل سەر هەبوون و نەبوونا تە.
چارەنڤیس: چارەنڤیسێ ھەر بونەوەرەکێ سروشتییە، ئانکو ھاتییە نڤیسین و دەستکاری تێدا نائێت کرن، بەلێ خەبات و کارکرن ژبو دڤێت، داکو مرۆڤ بگەھیتێ یان ژی ب شێت باشتر بکەت، بەلێ دیتنەکا فەیلەسوفی هەیە دبێژت: چارەنڤیس (ئەقل نڤیس ) ئانکو ب ڕێکا ئەقلی و ھزرکرنێ و کارکرنێ مرۆڤ دشێن چارەنڤیسێ خۆ دیار بکەن و وەکی وان دڤێت و لدویڤ شیانێت خو و ڕادێ کارکرنا وی دشێن بگەھینین یا باشتر.
هەمی دەمان ژیان وەکی وێ نابیت یاتە دڤێت، بەلکو پتریا جاران دێ وەکی خۆ بریارێ ل سەر تە دەت، وەکی خۆ دێ تە بەرەڤ جهەکێ بەت، کۆ چجار تە هزرا ئەوێ چەندێ ژی نەکرییە، چارەنڤیس ئانکو ڕازیبوون ل سەر ئەوێ چەندی یاکو دهێتە  پێشیا مرۆڤی، ڕازیبوون ل سەر خۆشی و نەخۆشیێن جیاواز یێن ژیانێ و ئەو تشتێت دژیانێدا ڕوویددەن. هەروەسان ڕازیبوون ل سەر ئێش و ئازارێن ژیانێ سەرەڕای دژواریا ئەوان، نە نوشدار و نە دەرمان و نە چ کەس نەشێن هاریکاریا کەسەکێ بکەن، بۆ چارەسەرکرنا ئاریشەیا ئەوی هەتا کۆ ئەو کەس بخۆ دانپێدانێ ب ئاریشا خۆ نەکەت، چونکی هندەک جاران چارەنڤیس گەلەک ب شێوەکێ ڕەق بریارێ ل سەر مرۆڤی ددەت، دبیت تە ببیتە جهەکێ گەلەک خۆش و ئارام کو تە ب خۆ ژی هزرا ئەوێ خۆشیێ نە دکر و تە چجار باوەرنەدکر دێ گەهییە ئەوێ خۆشیێ، لێ ژبیرنەکە دبیت هێشتا تو د قۆناغا وەرگرتنا ئەوێ خۆشیێدابی، ژ نیشکەکێڤە دێ ب ئەوی شێوەی هێیە ئازاردان و ئازارێ بینی، کو دێ ئەوێ خۆشیێ هەمیێ ژبیرا تە بەت و تۆ ب خۆ دێ بێژی جەهنەم ل سەر ئەوێ خۆشیێ بباریت، لێ ژبیرنەکە دبیت چارەنڤیسێ تە ئەو ئێشانە هەلبژارتبیت و تۆ بەرەڤ ئەوێ ئێش و ئازارێڤە بربی. لەوڕا ژی دبێژم تە نە ب خۆشیا سەردا هەرە و نە ژی ب نەخۆشیا خۆ ژ دەست بدە، بەلکو ب جوانترین شێواز خۆ دگەل هەردوو بارۆدۆخان ب گونجینە، هەمی دەمان جوانترین لاڤایان ژ خودایێ خۆ بکە، بۆ هەردوو بارۆدۆخان تە ژبیرنەکەت و هەردوو جۆران بکەتە ڕسقێتە، دا تە ژ هەردوویان بێبار نەکەت، جونکی ئازار ژی دبیتە ئێک ژ پێدڤییاتیێن ژیانێ، پێدڤییە ژیانێ ب هەمی ڕەنگان ب نەخشینین.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *