نڤێسین: د. فازل عومەر

داكو خوە بۆ پشتی 16ی مەھێ بەرھەڤ بكەین، چ بڕیارا ھاتن و چۆنێ راببت یان درێژ ببت.. و داكو رەوانتر بچینە ناڤ ڤەگەڕانا ژیانا رۆژانە، ئەم ھەوجەی خوەپاراستنێنە ل دەرڤە.
ئیرۆ ئەز دگەل ھەڤالەكێ دوختۆر ل دەرڤە دئاخڤتم.. ھەلبەت پشتی سلاڤێ كۆڤید-19 ھاتە مەیدانێ و كانێ چ ھەیە و چ نینە و خەلك چ بكەن داكو ئەو خوە بپارێزن و حوكمەت چ بكەت داكو كۆمێ بپارێزت.
ل دانوستاندنێ، ھەڤالێ من گۆت: ل ڤێرە تشتەك ھەیە دبێژنێ Intelligent shutdown ئانكو دائێخستنا ژیرانە.. ئەرێ (دائێخستنا ژیرانە) چییە؟ ئەڤ زاراڤە ژ ھندێ ھاتییە؛ چونكی سیستەمێ ژیارێ ناھێتە ڤەمراندن، پێدڤییە ئەو پارچەیێن سیستەمی یێن زیانێ بگەھینن یان ترس ژێ ھەبت، بھێنە راوەساندن، وەكی دی ژیان و ژیار بەردەوام دبن. بۆ نموونە؛
• ھەمی كۆمبوون قەدەغەنە.
• نابت ل دەرڤە كەس ژ مەتر و نیڤان كێمتر نێزیكی ئێك بن
• سەرا ل ھەر جھی بھێتە پاراستن.
• سەرەدانا نەساخان نەمینت، و تەخت د ھەر ئۆدەیەكێڤە، بھێنە كێمكرن.
• تەكسی ژ نەفەرەكێ بیانی زێدەتر رانەكەت و شووفێڕ ماسكی بكار بینت و تافیركەرێن دەستكێن دەرگەھان بەردەوام بكاربینت.
• ..ھتد.
ل ئالیێ خەلكی و كەسان، پێدڤییە رەوشەنبیریا ساخلەمییێ سەنگا خوە بێختە سەر خوەپاراستنێ ل دەرڤە، نەخاسمە:
• خوە پتر ژ مێترەكێ دوورگرتن ژ كەسان.
• دەست نەكرنە تشتان، بۆ مەرەمەكا فەر نەبت.
• دەستشووشتن ب ستاندەردێ رێكخستنا ساخلەمییا جیھانی.
• دووركەفتن ژ جھێن نەساخی لێ.
• گیرۆكرنا وەغەر و سەرەدانان.
• كۆم نەبوون، بۆ ھەرتشتێ ھەبت (نھۆ بەھی ژ ھەمیان خەتەرترن).
• خوە دووركرن ژ نەساخ و بەرگومانان.
• دەڤ و دفن پێچان، نەخاسمە وەختێ بێھنژینێ یان دكوخینێ.
• مال ئێمنترین جھە لێ بمینین، مرۆڤ ڤایرۆسان ژ دەرڤە دئیننە مالێ، ڤایرۆس ب خوە ناھێن.
• ھەرتشتێ ژ دەرڤە بھێتە ژۆر، ب گومان لێ بنێڕە، تاكو تافیر دكەی.
دا پێكڤە خوە بۆ پشتی 16ی مەھێ بەرھەڤ بكەین.. چ راوەستاندنا ھاتن و چۆنێ بمینت یان سڤك ببت.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *