نڤیسین: یاسر مەدخه‌لی
وه‌رگێران: سه‌رحان ئه‌حمه‌د سه‌رحان

كه‌سایه‌تی:
1ـ ژه‌نەڕال: سه‌ركێشه‌كێ دكتاتۆر
2ـ دادوه‌ر: دادوه‌ره‌كێ گونه‌هبار
3ـ لێبۆك: پێشكێشكاره‌كێ دوو ڕۆی

• دیمه‌ن ل جهه‌كێ هێلای دهێنه‌ ڕۆیدان، هنده‌ك بۆڕیێن مه‌زن یێن مه‌جارییا ل ده‌روبه‌رێن شانۆیێ دهێنه‌ دیتن.
• ل دورێن ده‌مژمێر ده‌ه یان یازدێ شانۆ دهێته‌ ڕۆیدان.

دیمه‌نێ ئێكێ
(گره‌كێ درێژ ب درێاهییا بوریێن مه‌جاریا، ده‌نگێ كه‌تنا چپكێن ئاڤێیه‌ دناڤ ئاڤێدا، ده‌نگێ غاردانا كه‌سه‌كێ دهێت، بێهنا وی یا ته‌نگبووی، لێبۆك ژ دویر ب غاردانڤه‌ ب ژۆر دكه‌ڤیت)
لێبۆك: وه‌ی خودێ، كی باوه‌ردكر ڕۆژه‌كێ دێ ڕه‌وشا باژێری ب ڤی شێوه‌ی هێته‌ گوهۆڕین!
ده‌نگێ ژه‌نەڕالی: كی باوه‌ردكر؟
لێبۆك: ڕه‌وشا وه‌ڵاتی و هه‌می تشت تێكچوون.
ده‌نگێ ژه‌نەڕالی: ئه‌و خاینن، دوژمنن، سوز ئه‌ز وان نه‌هێلم!
لێبۆك: چه‌وا؟
ده‌نگێ ژه‌نەڕالی: ئه‌ز نزانم!؟
لێبۆك: (ل ده‌وروبه‌رێن خۆ دزڤڕیت دبینت كۆ كه‌س نینه‌ دترسیت) كی ل ڤارایه‌؟
ده‌نگێ ژه‌نەڕالی: ئه‌زم!
لێبۆك: تۆ ژی هه‌ر دگه‌ل وانای؟ هیڤی ژته‌ دكه‌م چ ل من نه‌كه‌ی .. ئه‌ز پێشكێشكاره‌كێ خۆلیسه‌رم، ئه‌ز هه‌ژاره‌كێ خودێ مه‌، ئه‌و چ دبێژنه‌ من ئه‌ز وێ دكه‌م، باوه‌ركه‌ ئه‌ز چ ژ سیاسه‌ت و ره‌وشه‌نبیری و ئاینی نزانم، ئه‌ز چ ژ لێنانگه‌هێ نزانم ڤێجا دێ چه‌وا وان زانم، خه‌له‌تییا من بوو ده‌مێ من ده‌ست بۆ وان دزیكه‌ر و گه‌نده‌ل و تاوانبارا قوتاین (ژه‌نەڕال دگه‌ل دویماهیك ئاخفتنا لێبۆكی ژ پشت گری ده‌ردكه‌ڤیت، ده‌ما چاڤێن لێبۆكی ڤێ دكه‌ڤن پتر دترسیت) سه‌ركردێ مه‌یێ ژێهاتی و زیره‌ك ب تنێ تۆ ل سه‌ر رێكا راست دچی (ده‌ستا بۆ دقوتیت).
ژه‌نەڕال: (لێبۆك ژ پاتكێرا دگریت) كی تاوانباره‌ هه‌ی نه‌مرۆڤ!
لێبۆك: ئه‌و ملله‌تێ شوره‌ش ل دژی جه‌نابێ هه‌وه‌ ڕاكری!
ژه‌نەڕال: (پاتكا وی په‌ردده‌ت) خاینا
لێبۆك: ئه‌رێ خاینن!
ژه‌نەڕال: نه‌كه‌ تۆ یێ دوودلبی كا خاینن یان نه‌!؟
لێبۆك: نه‌ نه‌ نه‌ (دگه‌ل خۆ) هه‌ر چه‌ند تێگه‌هێ خیانه‌تێ پتر ژ سه‌قای دهێته‌ گوهۆڕین!
(دادوه‌ر ب غاردانڤه‌ ب ژۆر دكه‌ڤیت)
دادوه‌ر: ئوی خودێ … ئه‌ز وه‌ستیام.
لێبۆك: خێربیت، ته‌ خێر تۆ ڕه‌ڤی ئه‌ی دادوه‌رێ هێژا؟
دادوه‌ر: بێده‌نگبه‌ ڕه‌زیل .. ئه‌گه‌ر مرۆڤێن وه‌كی ته‌یێن دوو ڕۆی و دره‌وین دجڤاكێ مه‌دا نه‌با ئه‌ڤ شوره‌شا برسێ نه‌رادبوو.
لێبۆك: ما دووڕۆیاتی و دره‌وا چ په‌یوه‌ندی ب برسێڤه‌ هه‌یه‌؟
دادوه‌ر: هێ یێ دانپێدانێ ب دووڕۆیاتی و درەوێن خۆ دكه‌ت!
لێبۆك: ئه‌ز یێ دبێژم كۆ چ په‌یوه‌ندی ب ئێكڤه‌ نینه‌!
ژه‌نەڕال: به‌سه‌! ئه‌ڤه‌ نه‌شوره‌شه‌، ئه‌ڤه‌ خیانه‌ته‌! ڤانا دڤێت حكومه‌تێ بگوهۆڕن!
لێبۆك: ئه‌گه‌ر شوه‌رش ڕابوو دێ بێژن ژبۆ گوهۆڕینا حكومه‌تێیه‌ و وه‌رگرتنا حوكمی ب ڕێكێت نه‌یاسایه‌ .. ئه‌گه‌ر له‌شكه‌ر ب دژی وان ڕابوو دێ بێژن تیروره‌ .. ئه‌گه‌ر بریارا بڕینا په‌یوه‌ندیا هاته‌دان دێ بێژن ئه‌م یێن هاتینه‌ دورپێچكرن.
ژه‌نەڕال: من گۆت به‌سه‌!
دادوه‌ر: من دڤێت مشه‌ختكه‌م و بچمه‌ ژ ده‌رڤه‌.
لێبۆك: بچیه‌ جهه‌كێ وه‌سا كۆ كه‌س ته‌ لێ نه‌نیاسیت دا…
دادوه‌ر: من ئه‌و گێوله‌ نینه‌ ژنوی بهێم و هه‌ڤركیێ دگه‌ل ته‌ بكه‌م.
لێبۆك: تۆ فێری هندێ نه‌بوویه‌ كۆ كه‌سه‌ك ل دژی ته‌ براوه‌ستیت، چونكی ل هه‌می ده‌ما ب تنێ ته‌ دئاخفت، ته‌یا دروست دگۆت، چونكی كه‌سێ مافێ ئاخفتنێ نه‌بوو ژبلی ته‌، چونكی كه‌سێ نه‌دشیا پیته‌كێ دژی ته‌ بێژیت، یێ گۆتبا ژی دا هێته‌ به‌رزه‌كرن!
دادوه‌ر: مه‌ره‌ما ته‌ ب ڤان ئاخفتنا چییه‌؟
لێبۆك: من نه‌گۆتیه‌ كۆ تۆ گه‌نده‌لی!
دادوه‌ر: (دچیتێ داكو وی بقوتیت) هه‌ی نه‌ چ مرۆڤ به‌س ده‌ستێ من ژته‌ بگرت!
ژه‌نەڕال: چییه‌ دێ شه‌ڕی كه‌ن!
دادوه‌ر: مه‌ چ ده‌م نه‌مایه‌… دڤێت ئه‌م ب ڕه‌ڤین به‌ری ئه‌و مه‌بگرن .. وان سه‌رۆكێ دادوه‌را بۆ مه‌كرنه‌ نموونه‌ .. وه‌زیرێ ژینگه‌هێ و به‌له‌دیێ ژی سێداره‌دان!
لێبۆك: (به‌رێ خۆ دده‌ته‌ لایێ مه‌جارییا) یێ ژهه‌ژییه‌ .. ماتۆ نابینی.
ژه‌نەڕال: ئه‌م نه‌شێن خۆ دیار بكه‌ین هه‌تا مه‌ ده‌لیڤه‌كا مسوگه‌ر بۆ ڕه‌ڤینێ نه‌بیت!
دادوه‌ر: ئاخ… ئه‌و پارێن من دژیێ خۆ هه‌میێدا كۆم كرین… هه‌می دێ ب هه‌روه‌ چن!
لێبۆك: پاش ته‌ گۆت ته‌یێ ژ پله‌ و زێده‌هیێن خۆ كۆمكرین هه‌ی فێلباز.
دادوه‌ر: هیڤی دكه‌م، به‌ڵا خۆ ژ من ڤه‌كه‌… تۆ دویماهیك كه‌سی دڤان بابه‌تان دا باخڤیت.
ژه‌نەڕال: هشش
لێبۆك: باشه‌ سه‌روه‌رێ من.
دادوه‌ر: نه‌بێژێ سه‌روه‌ر… چونكی ناسناڤێ سه‌روه‌ری بۆ پێغه‌مبه‌ری سلاڤێن خودێ ل سه‌ر بن و كه‌سێن چاك دهێت.
ژه‌نەڕال: سه‌روه‌رێ ڤێرێ ئه‌زم، ئه‌ڤجا، پله‌ شۆلا ته‌ نینن!
دادوه‌ر: ئه‌ز دادوه‌رم و ئه‌ز دبێژم چ تشت یێ دورسته‌ و چ تشت نه‌!
لێبۆك: ئه‌ز ژی لێبۆكم و ئه‌ز ل به‌ر ده‌ستێ كه‌س ژ وه‌ نینم.
ژه‌نرال: به‌لێ تۆ یێ ل بن ده‌ستێ من.
دادوه‌ر: ئازادیا وی دده‌ستێ كه‌سێ دا نینه‌!
ژه‌نەڕال: نه‌ نه‌… ئه‌گه‌ر تۆ یێ دادوه‌ربای تۆ هۆسا ب ترس نه‌ د هاتییه‌ دبۆڕیێن مه‌جارییا و هزار نه‌فره‌ت ل به‌ختێ خۆ نه‌دكرن.
دادوه‌ر: ئه‌و هزر دكه‌ن كۆ ئه‌ز ژی گه‌نده‌لم!
ژه‌نەڕال: چونكی تۆ یێ هۆسای.
دادوه‌ر: تۆ بۆچی به‌حسی خۆ ناكه‌ی؟ ژه‌نەڕالێ هه‌رفاندن و روخاندنێ .. ب هێجه‌تا مه‌ترسیێ ته‌ خه‌لك دكوشتن، دا هزرڤانێن وه‌لاتی گری و بێژی ل دژی ئاینێ خودێ دراوه‌ستن!
ژه‌نەڕال: دێ تۆ یێ دلۆڤانبه‌ هێمایێ مرۆڤایه‌تی و یه‌كسانیێ.
دادوه‌ر: ئه‌زێ هێمایێ مرۆڤایه‌تی و یه‌كسانیێ
ژه‌نەڕال: مه‌ هه‌مییا گوهدارییا وی دكتاتوری دكر… ته‌ هنده‌ك بریارێن دره‌وین ده‌ردئێخست دا مال و ملكێن هه‌ژارا ژ وان وه‌ربگری… ته‌ هاریكارییا هه‌می گه‌نده‌ل و به‌رپرسا دكر… ئه‌و پارێ ته‌ به‌حسی وی كری، ب خۆها ئه‌نیا ته‌ نه‌هاتیه‌، هه‌می ب دزی و شه‌لاندنێ یێ بده‌ست ته‌ كه‌ڤتی.
لێبۆك: هێی هێی… هه‌وه‌ هه‌ردووكا كار دگه‌نده‌لیێدا كرییه‌، هه‌وه‌ هه‌ردووكا پاره‌كێ مه‌زن بریه‌، تۆ ژ گرێبه‌ستێن چه‌كی و ئازادییا مرۆڤا و تۆ ژی ب پله‌ بلندیا خۆ دیاسای و بریارێن خۆ یێن نه‌دروست… هه‌وه‌ مافێن مرۆڤا بن پێكرن دا هاریكاریا گه‌ندەلا بكه‌ن زه‌نگینتر لێ بهێن، هه‌وه‌ هزركر كۆ قات و پله‌ و پاره‌ دێ هه‌وه‌ پاقژكه‌ن.
دادوه‌ر: و تۆ؟
ژه‌نرال: پێترانكێ خه‌لكی!
لێبۆك: گه‌نده‌لیا من یا خۆش و دلڤه‌كه‌ره‌، هه‌ر چه‌وا بیت چ دزی و كوشتن و به‌رتیل و بن پێكرنا مافێ مرۆڤا ژ كریارێن من دیار نه‌بووینه‌… ئه‌و ل مژویلكرنه‌كێ گه‌رن، ئه‌ز ژی پێكه‌نیكێن سڤك پێشكێشی ئەوان دكه‌م، لێ بزانن كۆ هه‌وه‌ ژی دگه‌ل ڤی ملله‌تی ب ئێك و دوو دكره‌ كه‌نی… ئه‌ز ئه‌و كه‌سێ ئێكانه‌مه‌ یێ خرابی دكر دا پاریه‌ك بۆ په‌یدا بیت پێ زكه‌كێ ڤالا تژی بكه‌ت… ها هێشتا ئه‌ز ب دیتنا هه‌وه‌ یێ خه‌له‌تم؟
دادوه‌ر: گه‌نده‌لی… چ یێ خۆ مه‌زن ژی دكه‌ت!
ژه‌نەڕال: نه‌ چ مرۆڤ!
لێبۆك: گه‌نده‌لیا من یا د هندێڕا كۆ ئه‌ز ل ده‌ڤ وی كار دكه‌م یێ پتر پارا بده‌ته‌ من، پێگیری ل ده‌ف من یا گرنگ نینه‌، لێ ل ده‌مێ پارا بده‌نه‌ من ل وی ده‌می بازاره‌كێ دییه‌، دێ بۆ وی كه‌سی كاركه‌م هه‌تا نیڤا شه‌ڤێ ژی!
ژه‌نەڕال: ژیان یا هۆسایه‌، مه‌ چ هه‌لبژارتنێن دی نینن، چونكه‌ مه‌ پله‌كا به‌رز دڤیا، ئه‌م نه‌چار بووین سویاری هه‌ر چ گه‌می بین ب تنێ هه‌تا ئه‌م گه‌هاندباینه‌ ڕوویباری و ل دویڤدا ئه‌م ب خودا خۆ دوی روویباریدا نقووم كه‌ین، چونكه‌ ژیان دناڤدا بوو، ئه‌م فێربووین به‌روڤای ئاڤێ نه‌چین دا زوی بگه‌هین.
دادوه‌ر: ئه‌گه‌ر ئه‌ز یێ پاقژ بام من چ خانی و ڤله‌ نه‌دبوون، پاقژییا هه‌ژارایه‌… پشت ڕاستبه‌ ئه‌گه‌ر تۆ به‌رتیلێ نه‌وه‌رگری دێ ئێكی دی شینا ته‌ وه‌رگریت.
لێبۆك: باوه‌رییه‌كا گلێش
دادوه‌ر: (بۆ ژه‌نەڕالی) گوهێ خۆ بده‌ من، پێدڤییه‌ ئه‌م خۆ ژ ڤێرێ بینه‌ ده‌ر به‌ری شوره‌شڤان مه‌ ببینن، تۆ دزانی كۆ وانا سه‌رۆكێ پۆلیسێن پایته‌ختی كره‌ دناڤ ته‌نه‌كا گلێشیدا.
ژه‌نەڕال: قاچاخچی هێشتا ب سلامه‌تن، من پلانه‌ك بۆ خۆ هه‌یه‌ دا ژڤێرێ ب ده‌ركه‌ڤم!
دادوه‌ر: و ئه‌ز؟
ژه‌نەڕال: پێدڤییه‌ تۆ پارا به‌رمبه‌ر ڤێ چه‌ندێ بده‌ی.
دادوه‌ر: بده‌ مه‌ كێ؟
ژه‌نەڕال: تۆ دێ ده‌یه‌ من و ئه‌ز دێ ده‌مه‌ مه‌عمیله‌كێ دا مه‌ ب ده‌رئێخیت.
لێبۆك: دێ ڕه‌ڤن؟
ژه‌نەڕال: وی ئاموژگاری ل من كرن و گۆته‌ من پێدڤییه‌ چ شینوارا ل دویڤ خۆ نه‌هێلم، لێ پارا چاڤێن من تاریكرن.
دادوه‌ر: شینوار دێ هه‌ر هه‌بن خۆ ئه‌گه‌ر تۆ چه‌ند ل پشت خۆ پاقژ بكه‌ی.
لێبۆك: پاقژییا زێده‌ ژی گومانا په‌یدا دكه‌ت.
دادوه‌ر: لێ هه‌ر باشتره‌ ژ (ده‌نگێ قه‌ره‌بالغه‌كا ده‌نگان دهێت)
لێبۆك: شوره‌شڤان هاتن!
دادوه‌ر: (ب ترس) پێدڤییه‌ ئه‌م ب ڕه‌ڤین.
ژه‌نەڕال: بچینه‌ كیڤه‌؟
داوه‌ر: چاره‌كێ بگه‌ره‌… ئه‌ز دێ وێ ده‌مه‌ته‌ یا ته‌ بڤێت!
ژه‌نەڕال: ئه‌ز نه‌شێم چ هزرا بكه‌م!
داوه‌ر: په‌یوه‌ندیێ بۆ هه‌ڤاله‌كێ خۆ بكه‌.
ژه‌نەڕال: كیژ هه‌ڤال؟
دادوه‌ر: یێ ته‌ ده‌ربێخیت… ئانكو یێ مه‌ ب ده‌ربێخیت.
ژه‌نەڕال: من هه‌ڤال نینن.
دادوه‌ر: (بۆ لێبۆكی) تۆ بۆچی ناترسی؟
لێبۆك: ترس بۆچییه‌؟
ژه‌نەڕال: دێ ته‌ ڕاكێشن!
لێبۆك: ئه‌و ته‌ وه‌ل وان دكر.
دادوه‌ر: دێ پێ ل ڕوومه‌تا ته‌ د دانن!
لێبۆك: ئه‌و ته‌ وه‌ل وان دكر.
ژه‌نەڕال: تۆ ناترسی؟
لێبۆك: نه‌خێر… ده‌مێ دهێن… دێ ب ڕۆله‌كێ دی ڕابم، ئه‌و ژی دێ من وه‌ك ستێره‌كێ بینن، چییه‌ ما ته‌ ژبیركر كۆ ئه‌ز ئه‌كته‌رم؟
دادوه‌ر: ده‌سپێكێ تۆ ل دژی وان بووی!
ژه‌نەڕال: كه‌س ل ته‌ نابۆرت!
لێبۆك: ئه‌ز دێ بێژم كۆ من هین یێن گرتین و من هه‌تكا هه‌وه‌ یا بری، ئه‌و بخۆ دێ هێنه‌ هه‌وه‌ و ئه‌ز ژی دێ بۆ خۆ ڕه‌ڤم! (دچیته‌ سه‌ر گری) گه‌لی شوره‌شڤانا، ئه‌ڤه‌نه‌ ل ڤێرێنه‌، من ئه‌و یێن گرتین، وه‌رن (دلڕه‌ش و كه‌یف خۆش) وێنه‌گر دگه‌ل وانانه‌، خۆ وه‌كی خۆلیسه‌را دیار كه‌ن، ئه‌ڤ چه‌نده‌ دێ خزمه‌تا هه‌لویستێ من كه‌تن .. پێدڤییه‌ كه‌یفا هه‌وه‌ بهێت چونكی دێ وێنا دگه‌ل هه‌وه‌ گرن و دێ من ل پشت گوه هاڤێن (پێكۆلا ڕه‌ڤینێ دكه‌ن، ده‌نگ بلند دبیت قه‌ره‌بالغه‌كا مه‌زن دروست بیت، گولله‌ ژی دهێنه‌ هاڤێژت)

دویماهی

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *