نڤێسین: فازل عومەر سالح

شرۆڤەكارێن كۆرۆناڤیرۆسێ، وەكو نموونە.

پەژیكا نوو- كۆرۆناڤیرۆسێ پەیداكری، كەرتێ ساخلەمییێ تنێ نەئێخستیە پەیتی و ئامادەگییێ، نڤیسەر و شرۆڤەكار و مەدیاكار و ھەمی بێشۆل ژی راكێشاینە مەیدانێ. ژ خواندنا ئەو نڤیسارێن ل ئەڤان 2-3 مەھێن بۆرین، لدۆر كۆرۆناڤیرۆسێ من خواندین، دو بۆچۆن یان دو تیۆری، لسەر ھەمیان زالن:

تیۆرییا پیلانێ: ب دەھان لێكۆلین و شۆپڕاكرن و سەدان و ھەزاران نڤیسار ھاتینە وەشاندن كو، كۆرۆناڤیرۆس چێكرییە و چیڕۆك ھەمی فلمەكێ ئەمریكی یان چینیە.. تاكو ئەوێ رادەیێ، دبێژن: دەرمان كونجكرینە دێ ل وەخت ھێنە دەراندن و بەلاڤەكرن (بەلاڤەكرن نە فرۆشتن).

تیۆرییا وەرچەرخانێ: كۆرۆناڤیرۆس و نەساخیا وێ كۆڤید-19 دێ وەرچەرخانەكا مێژوویی ل جیھانێ قەومینت. جیھانا پاش كۆرۆنایێ دێ جودا بت ژ جیھانا پێش كۆرۆنایێ.. دێ جیھانەكا مرۆڤانەتر و دلۆڤانتر بت!
چونكی ئەوا دھێتە نڤێسین، چی بنەمایەكێ مادی و مەنتقی ھەبت یان نە، ھەمی بۆچۆنن و زانستەكێ تایبەت نینن، نەژی ڤەڕێژا سازییەكا لێكۆلینێن ستراتیجییە جھێ باوەرییێ بت، من ژی ماف دا خوە ھندەك خوێیا خوە بكەمە ئەڤێ گرارا -ژ مایتێكرنێ، بوویە كارا خوێ.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *