زەنون سلێڤانەی ـ زاخۆ
سەبارەت ڤان دوو مەهێن دەربازبوویدا، ل دەسپێکێ ڤێ نەخۆشیا ڤایرۆسێ کۆرۆنا ژ وەڵاتێ (چین)ێ گرتیە و پاشان هێدی هێدی تیڕۆژکێن خۆ یێن ڤێ ڤایروسێ گەهاندیە وەڵاتێن زلهێز و ئەوروپی و ڕۆژهەلاتا ناڤەراست، ب گەرم گۆڕ یێ هاتیە، باندورا خۆ یا نەرێنی ل سەر ژیان و تەندروستیا مرۆڤان بکەت ب ڤایرۆسەکا ب مەترسیدار و کۆژەك یێ دهێتە نیاسین.
ئەڤجا یا خۆیایە ئەڤ بابەتێ هاتنا ڤایرۆسێ کۆرۆنا ل جەم مرۆڤان یێ بوویە جهێ گەنگەشە و دانوستاندنێ و تڕانەپێکرنێ، هەر ئێك ب ڕەنگەکێ ئەڤی ڤایرۆسێ شروڤە دکەن، ئانکو د بێژن ئەڤ جورە ڤایرۆسە چاوا هاتیە؟ و کێ چێکری یە؟ هندەكێن دیژی دبێژن، ئەڤە ژی حەزکرنا خودایێ مەزنە و نەخوشیەکا ل سەر ڤێ جیهانێ زاڵ دبیت ڕێژەیەکا هەڕە مەزن یا مرۆڤان چ دیوارێن کارکرنێ و تێکەلیاندا ل جهێن گشتی باندورا خۆ یا خراپ ل سەر تەندروستیا مرۆڤی بکەت بکەڤیتە دناڤبەرا مان و نەمانێدا،
بابەتێ ڤایرۆسێ کۆرۆنا ژی ل جەم هندەك مرۆڤان ژی یێ بوویە جهێ ترانەپێکرنێ و گرنژینێ نوکتە و کلیپێن هەمە جۆر د ناڤا وێستگەهێن میدیایێ و د سوشیال مێدیایێدا دهێتە وەشاندن ژ ئالیەکێ دیڤە مەژی و هەست و دەرۆنێ مرۆڤان تووشێ مەترسیێ و نەمانێ کرییە.
ل ڤێرێ یا ژ هەمیێ گرنگتر ئەوە ئەم ب هەڤڕا بەردەوام گوهداریا ڕاسپاردە و ڕێنمایێن ساخلەمیێ بکەن ئەڤێن ژ ئالیێ ڕێکخراوا جیهانیا تەندرۆستی و ژ وەزارەتا تەندرۆستی دەردکەڤیت، کۆ نابیت ئەم ڤێ ڤایرۆسێ بکەینە جهێ ترانەپێکرن و ب سڤکاتی وەربگرین، ئەڤرۆکە هەر ژ شەقامی بگرە و هەتا دناڤا ئەندامێن خیزانێ دا مەشق و ڕاهێنانان بکەین دێ چاوان خۆ ژ ڤێ ڤایرۆسا کوژەك و مەترسیدار پارێزن و گرنگیێ بدەین ماوەێ ڤێ گەرەنتینەکرنێ د مالڤە و ب شێوەیەکێ گشتی مە هونەرێ سەردەریکرنێ هەبیت دناڤا خیزانێدا ل ژێر کەش و هەوایەکێ پاکژ و ب تەندروستیەکا باش دەربازببیت و نە پێگێریکرنا مە نەبیتە ئەگەرێ ژ دەستدانا عەزیز و خۆەشتڤیێن مە.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *