هەر قەیرانەک یان کارەساتەکا دەملدەست دا رویدەت و بریارەێن نەچاڤەرێکری ژلایێ دەستهەلاتا و دەولەتی ڤەبهێنە دان، بێکو ئەو ئەگەرێن پشت ڤێ بریارێ بۆ خەلکێ بهێنە زەلالکرن و ئاشکرا کرن دێ ستریس و دوودلێ پتر لدەڤ خەلکێ پەیداکەن. خەلک پتر نەرەحەت بیت ژ لایێ دەرونی و هەست و هزر و رەفتارا ڤە، ئەڤ دوودلێ و ستریسە بیتە ئەگەر کو دناڤ مێشکێ مروڤی دا ڤەگوهێزینەرێن دەماغی نورئەدرینالێن و دوپامین و کورتیزول زێدە بن و ڤەگوهێزرینەرێ گاپا کێم بیت بیتە ئەگەر کۆ ترس و ئالوزی بێ گێولێ لدەڤ مرۆڤی پەیدا بیت. هزرێن ئالوز و نەخوش بۆ مرۆڤی چێببن ئەو پارچا گریدایێ هزرکرنی پتر هزرێن نەخۆش پاڤێژیتە ژ دەرڤە دێ ئەو خەلک هزر بکەن و بێژن ئەرێ بوچی 48 دەمژمێر؟ دیارە حالەت ین هەین و نابێژن؟ ئان ێن تاقیکرنا ب مە دکەن هەکەر سەرکەتن دێ بەردەوام بن؟ ئەڤە دێ درێژ بیت؟ نێ هەمی بێ دەنگن باوەربکە جهێ ترسی یەو نابێژن؟ کومەکا هزرێن دی ێن نەباش دێ خۆ لبەر سینگێ مرۆڤی هەلاڤێژن کارتێکرنێ ل هەست مرۆڤی کەت هەستێ ترسی و بێهن تەنگ بونی لدەڤ پەیدابن لەشی دێ خوهدان و دلقوتان لەرزین دلدەڤ پەیدابیت رەفتارا مروڤی پتر لێ دهێت نەشێت رونتە خوار تورەبون پەیدابیت کەسێن نە ئەکادیمی و نە پسپور پتر دێ دەربارەی ڤێ رەوشێ ل تورێن چڤاکی د هزرێن خەلکێ خەبتن و ئالوز کەن، ئێشانێن لەشی و دەروونێ یێن خەلکێ پتر لێ کەن. لەوما گرنگە لسەر دەستهەلاتێ و ساخلەمیا دەولەتی و کەسێن پسپور ب شێوەکێ راست و زەلال و زانستی ئەگەرێن مانا خەلکێ د مال دا بدەنە دیارکرن، داکو بەرسڤا وان پسیارێن دناڤ هزرو هەست و مێشکێ وان دا بهێنە دان بێ ترس و دوودلێ و ستریس ل مال بمینن، مانا مە دمال دا بۆ چەندێن دەمژمێر یان روژێن دیارکری گرنگە بۆ ئارامیا بونا دەرون و لەش و هزرێن مە، لەوما ئەم پێدڤی پلانەکێ ینە ب شێوەکێ ریک و پێک ب زانستی دارێژین کار لسەر بکەین. دا هەست ب ئارامیەکا دەرونی و خوشی و لەزەتی بکەت تامی ژ ڤێ کەرەنتیکرنی ببینیت، ژ وان ژی گرنگە روژانە جل و بەرگێن خۆ بگوهوریت ژ ێن نڤستنی بۆ ین دیتر، سەرشوتن، پرچ شەکرن و دەمێن هشیاربونی و نڤستن دیار کری بن ڤان هەمی روژا وەکێ ئێک بیت چ زیدە بن کێم بون تێدا نەبیت. خوارنێن خۆ یێن هەرسێ دانان د وەختێ خۆ دا بیت، وەرزش کرن روژانە بو ماوەی 30 خولەکان دناڤ مالێ دا روژانە، خو فێرکرن چێکرنا خارنەکێ یان شریناهیەکێ دناڤ مال دا هەر روژ ئێک جورێ خارنی و شریناهی بیت د ماوەیێ گەرەنتیکرنی دا بزانیت چێکەت ، ب هێزکرنا تورا خویا چڤاکی بەردەوام ب رێکا تورێن انترنیتێ فایبەر واتس ئاپ سناپ ب ئاخڤیت دگەل کەس و کارێن خو هەڤال و دوستێن خو هەتا کۆ ئەوین بو دەمێن درێژ ژی نە دیتین ئان هایشێ نەمابیت دشێت ب تلەفونی ب ڤیدیو بو دەمێن درێژ دگەل باخڤیت سوحبەت بێرهاتێن خو بەحس کەت، و بەحسکرنا هەست و هزرێن خو بو ئێک دوو بێژن و پسیارا هەست و هزرێن ئێک دووبکەت دەربارەی ڤێ بارودوخی، دەمێن دیارکری بدانیت بۆ یاریکرن و سوحبەتکرن دگەل زارۆک و خێزانا خۆ، پەنچەرەکێ بۆ ترس و دوودلێ ڤەکەت ئەو هزرو هەستن نەخوش لدەڤ پەیدا بن لسەر لاپەرەکێ بنڤیست ، ئەگەر روژانە هەست ب بێهن تەنگ بونی کر ل دەمێ سپێدی و ئێڤاری 10 جارا ب رێکا دفنی هەویێ هەلکێشیت و ریکا دەڤی دەربێخیت و چاڤێن خو بگرێت هەمی هزرا خو بدانیتە لسەر لەشێ خو ژ میێن سەرێ هەتا تبلێن پیا هزر د وان گوهورین لەشی دا پەیدا بوین بکەت. گرنگە هەستێن خو دەستپێکی لسەر لاپەرەکێ بنڤیست ژ 0 تاکو 10 و دوماهیکێ هەستێن خو جارەکا دێ هەلسەنگینیت ڤێ چەندی روژێ دووجار دووبارە بکەت، و چێکرنا روتینیەکێ روژانە دناڤ مالێ دا ژ هشیاربون وخاندن و خارن ڤەخارن هەرتشتەکێ دەمەکێ بدێ و بەردەوام بیت تاکۆ دوماهێکمروژا گەرەنتیکرنێ . ئەڤە دێ بیتە ئەگەر کۆ ژ ستریس و دوودلێ و .ترسا بەردەوام قورتال بی و روژانێت کەرەنتی کرنێ ب تام و خوشیەکا تایبەت ببورینی
چارەسەرێ دەرونی
قوتابی ماستەرێ د چارەسەریا دەورنی و زانستێن ترومایێ زانکویا توبینگ یا ئەلمانی
4.4.سالا کۆرونایێ