پتری (12) هزار كه‌سان داخواز ژ ئاژانسا (ناسا)یێ كریه‌ وان ببه‌نه‌ گه‌شتا ئاسمانی ژ بۆ سەربانێ هه‌یڤێ و چاڤه‌رێ دهێتە کرن ئه‌ڤ گه‌شتە ل ساڵا (2024)ێ بهێته‌ ئه‌نجامدان.
ئاژانسا (ناسا)یێ ل ڕۆژا پێنجشه‌مبێ (2/4/2020)ێ ڕاگه‌هاند كۆ د چارچووڤه‌یا به‌رنامه‌یا (Artemis) دا، (12) هزار كه‌سان داخوازی پێشكێش كریه‌ ژ بۆ كۆ بچنە گه‌شته‌كێ ژ بۆ ڤالاهییا ئاسمانی و سەربانێ هه‌یڤێ.
هه‌روه‌سا ده‌ستنیشانكر، به‌رنامه‌یێ (Artemis) ل ده‌ستپێكا ئادارێ هاتبوو راگه‌هاندن و هه‌تا (31) ئادارێ به‌رده‌وام بوو و د ڤی ماوه‌یدا، (12) هزار كه‌سان ناڤێن خوه‌ ژ بۆ وێ گه‌شتێ تۆمار كرینه‌.
(جێم برایدنستاین) كاربده‌ست ل ئاژانسا (ناسا)یێ د ئەڤی ده‌ربارەیدا ئاشكه‌را كر، ئه‌و دخوازن ئێدی خه‌لكێ به‌شداری گه‌شتێن ڤالاهییا ئاسمانی بكه‌ن و ئه‌و خۆشحالن كۆ خه‌لكه‌كێ زۆر خواستییه‌ گه‌شتێ بكه‌ن.
به‌رنامه‌یا (Artemis) دێ ل هاڤینا سالا (2021)ێ ناڤێن وان كه‌سان راگه‌هینیت كۆ ژ بۆ گه‌شتا ڤالاهییا ئاسمانی و سەربانێ هه‌یڤێ هاتینه‌ په‌ژراندن.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *