سینەما وەکو چەکەکێ شارستانی

نڤیسین: ڕێژین حکمت رمضان
قوتابی ل پشکا زمانێ کوردی/ زانکۆیا زاخۆ

سینەما وەکو چەکەکێ شارستانیە، سەنگەرەک دی یێ بەڕەڤانییێیە، سینەماکارێن کورد هەست ب گرنگیا ڤی چەکی کرییە، ژیانا کوردەواری ب گشتی بزاڤا ڕزگاریخوازا کوردی ب تایبەتی، بوویە کەرەستە و بابەتەک مەزن یێ هونەری هەتا نوکە هەژمارەکا فلمێن دوکیومێنتاری بەرهەم هێناینە، بەلێ زۆربەیا ئەڤان فلمان ژلایێ تەلەفزیون و کومپانیێن ئەوروپی ڤە بەرهەم هێناینە، هژمارا وان (20) هەتا (30 ) فلمان نابوریت هەر هەمی ڕاستەخۆ ب دۆزا گەلێ کوردڤە گرێداینە، مەبەستا ڤان فلمان ژی هەڤسوزی بوو دگەل کورد و دۆزا گەلێ کورد و نیاسینا کوردا بۆ جیهانێ، بەلێ چونکی دەرهێنەر و خودان کار و کارەکتەر کورد نەبوون و ئەو د بیانی بوون نەشیان وەکو پێدڤی پەیاما کوردان بگەهیننە جیهانێ، بەلێ شیان هندەک ڕەوشت و تیتالێ کوردا و کەلتورێ کوردا نیشا جیهانێ بدەن، ئەو کارەساتێن دوژمنان ب سەر گەلێ کورد دا هێناین د ئەوان فلماندا نمایش بکەن و نیشان بدەن.
ل ڤێرێ دێ ئاماژە ب فلمێ ( دەنگێ کوردستان)ێ کەین:
ئەڤ فلمە؛ فلمەکێ درێژە ل وەڵاتێ (ئەڵمانیا) سالا (1984) ژلایێ ئەنستیتویا کورد ل (پاریسێ) دوبلاژ کریە کوردی فلم ڕەش و سپی یە (62) دەقەیە، ئەڤ فلمە کورتە مێژوویا کوردستانێ هەتا سالا (1976) ب شێوێ هونەری پێشکێشدکەت، هندەک ژ وان تاوانێن وی سەردەمی یێن دوژمنان ب سەر گەلێ کوردا هێناین نمایش دکەن ل دویڤ وان ڕێسایان ڕێز ل پێشمەرگەی دگرن و جامێریا وان یا ل چیایان نمایش دکر، نەخشێ کوردستانێ ل سەر شاشە وسینەمایێن ئەوروپی نیشانددا، هندەک دیمەنێن پاشکەفتی یێن کوردان ژ ئەگەرێ داگیرکرنێ تورکیا زولما دوژمنان پێشنەکەفتینە نیشان ددەت، دەسپێکا سەدێ بیستێ دەرهێنەر د فلماندا جارەکا دی دسەلمینیت دەولەتا تورکیا ب سەرکردایەتیا مستەفا ئەتاتورکی خیانەت ل کوردان کریە ل گەل چەندین وەلاتێن ئەوروپی پیلان بۆ ژناڤبرنا کوردان دانانە بەروڤاژی بریارێن خۆ کاردکرن سوز پەیمان دشکاندن، ژبەر هندێ هەتا نوکە ئەم ژ مافێ خۆ یێ ڕەوا و سەربخویێ بێ بەهرن.