وه‌زاره‌تا ساخله‌میا هەرێما كوردستانێ، ئاگه‌هداریا ئەوان وه‌ڵاتیان دكه‌ت كۆ به‌ری نوكه گەشتا دەرڤه‌یی وه‌ڵاتی كرییە ژبلی وان یێن كەرەنتینكری یان پشكنینیان بۆ كرییە بله‌ز سەره‌دانا سەنتەرێن كۆڕۆنایێ بكەن بۆ پشكنینا تاقیگەهی.
ئه‌ڤرو دووشه‌مبی( 30/3/2020)، وەزارەتا ساخله‌میا هەرێمێ بانگەوازه‌ك به‌ڵاڤكر و راگەهاند: پشتی بانگەوازییا مه به‌ری نوكه، ئاگه‌هداریا ئەوان وه‌ڵاتیان دكه‌ین كو به‌ری نها گەشتا دەرڤه‌یا وه‌ڵاتی كرییە ل (15/2) حه‌تا نوكه ژبلی ئه‌وێن كەرەنتینكرین یان پشكنینین بۆ كرییە ب زویترین ده‌م و بله‌ز پەیوەندیێ ب هێلا گەرم یا ژمارە (122) یان سەنتەرێن كۆڕۆنایێ بكەن بۆ پشكنینا تاقیگەهی.
ئاماژه ب وێ یه‌كی ژی كر: هه‌وه پشتراست دكه‌ین بۆ پشكنین و بەرژەوەندیا هه‌وه و كەس و كارێن هه‌وه ب به‌رۆڤاژی هەر وه‌ڵاتیەكێ ڤه‌گەڕیایی ژ دەرڤه‌ی وه‌ڵاتی د ده‌مێ دیاركریدا پشكنینا تاقیگەهێ نەبیت رێكاری یاسایی دێ ل هه‌مبه‌ر هێنه وه‌رگرتن.