ژ نڤێسینا/ دەمھات نورى عەبدال

ژ ڕۆمانا ئەنتیخریستوس Antikhiristoos ژ نڤیسینا د. ئەحمەد خالد مستەفا، دا ھاتیە. بۆ ئێكەم جار شەرێ بایلۆژى د مێژوویێ دا ڕویدایى، ئەو بۆ دەما ژ نشكەكێ ڤە بارانا لەشێن مرییان ب سەر باژێرێ (كافا) یێ (ئوكرانى) یا كەڤن دا بارین. ھەلبەت باژێرێ ناڤبرى دیوارێن خوە گرتبوون ژبەر ھێرشێن مەغولییان، لێ وان ڕۆژان تاعونا ڕەش ل ئاسیا بەلاڤببوو، سەربازێن مەغولییان ئەوێن باژێرێ كافا دورپێچكرى توشى تاعونێ ببوون ئێدى لەشێن سەربازێن خوەیێن مرى ددانانە سەر مەنجەنیقا و ب سەر دیوارێ باژێرێ ناڤبرى ڕا دھاڤێتن و ھوسا برێكا ئێشا تاعونێ ھژمارەكا زور ژ مرۆڤان مرین. پشتى جوھى ب زانابوونا خوە ژبەر تەرمێن تاعونى ئەوێن ب سەر واندا باراندین دچن و ل باژێرێن جوداجودا یێن ئەوروپا دا ئاكنجى دبن، ئێدى تاعونا دگەل خوەدا برى دناڤ باژێرێن ئەوروپا ژى دان بەلاڤەكر، و وەھا ھژمارە مریێن ئەوروپا ژ دەھ ملیونان بۆرى، سالا دوویێ ھژمارا مرییا دووجار ھند زێدە بوو و گەھشتە بیست و پێنچ ملیونان، سئ چارێكێن ئەوروپا دمرن.
لێ ڤایرۆسێ كۆڕۆنا یێ ئەڤرۆ جیھان بخوە ڤە گرتى Covid-19 نە وەكو مەترسیا تاعونێ یە، ئەڤ د دەمەكیدا كو كەس نەشیاییە ب دروستى پێناسەیا ڤایرۆسێ ناڤبرى بكەت. ب ھەر رەوش وى مافى نادەینە خوە مایتێكرنێ د كەرتێ ساخلەمى و نوژدارێن تایبەتمەندا بكەین. لێ دیسان ژى گەلەك دەنگویێن جودا جودا ل سەر ڤایرۆسێ كۆڕۆنا دەنگڤەداینە بگرە ژ ئالیێ: سیاسى، فەلسەفى، ڕەۆشەنبیرى، ھونەرى و ئولى و ھتد. ئێدى مرۆڤ دشێت مینا دەریایەكا پڕ پێل پێناسە بكەت لێ پێلا ئەز بخوەرا تەركریم: دبیت ڤایروسێ ناڤبرى دەستچێكریێ چەكەك بایلۆژى بیت و ئارمانج ژێ ژ ناڤبرنا مرۆڤێن دانعەمر بیت، چۆنكى مرۆڤێن دانعەمر دخانەنشینكرینە و ژ ئالیێ ئابورى ڤە بارەكێ گرانن ل سەر مللێن وەلاتێن جیھانى. ھەروەك چەوا ئەم دبینین ڤایرۆسێ ناڤبرى مەترسییا كێم ل سەر گەنج و زارۆیان ھەیە. ل سەر ڤێ ئێكێ كەرتێ تەندروستیێ وەلاتێ (چین)ێ، ئاماژێ ب وێ ئێكێ ددەت كو مەترسییا ڤایرۆسێ كۆڕۆنا تنێ ل سەر تەمەنێ 47ێ، سالیێ و ب سەردا ھەیە. وەلاتێن ئەوروپا ژى ب ھەمان شێوە دھەڤرانە كو ل سەر تەمەنێ 50 سالى و ب سەردا ھەیە. لڤێرێ وەكو ئەم ژى دبیمنین كو ڕێژەیا ھەرى زور ژ ئامارێن تەندورستیێن جیھانى W.H.O ددەنە دیاركرن، كو ڕێژا زورینەیا گیاندەسدایێن كۆڕۆنایێ لسەر تەمەنێ 65 سالیێ و سەردانە.
ھەلبەت پێویستە مە ڕەوشەنبیریا خوەپاراستنێ ژ ڤى ڤایرۆسێ مەترسیدار ھەبیت و ئەم دبینین ھاوەلاتیێ ھێژا پێگریێ ب ڕێنمایێن وەزارەتا تەندروستى ددەن، لێ د ھەمان دەمدا پێویستە حكومەتا ھەرێمێ ژى پێگیربیت ب دابینكرنا پێداویستیێن ھەولاتیێ خوە بگرە: ژ كەرستێن خوارنێ، كرێ، بەرھەڤیێن مرۆڤێن نەخوەش و یا ژ ھەمیان گرنگتر دابینكرنا مووچان و ھتد. بۆ نموونە، ل وەلاتێ بریتانیا ژى كاركەر ژ كارێن خوە ڕاوەستیاینە لێ د ھەمان دەمدا مووچەیێن خوە برێكا كارتێن خوە یێن بەنكان ھەر وەك بەرێ وەردگرن. لێ مخابن، بەرھەمێ سیھ سالان ژ حكومرانیا حكومەتا ھەرێمێ ئاسانكارى ل ئاستێ پێدڤى ژ بۆ ھەولاتیێن خوە دابینەكرینە. ئێدى بنەرینا مە ھەكە حكومەت ب زووترین دەم پێداویستییان ژ بۆ ھەولاتیێ خوە دابین نەكەت، ئەم دبینین كو خەلك ژ ئەگەرێ برس و نەچاریێ دێ ڕابیتە سەر و ئێدى ھەكە خەلك ژى ڕابووسەرخوە نە مەترسییا ڤارۆس و نەژى تۆندوتیژییا حكومەتێ، نەشێتن ڕابگریت.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *