کوردیکرن: مەهدی حەسەن عەلى ( Mahdi Hassan Ali )
هندەک ژ ڤەکولانەکێ:

ڤەکۆلانەک: کۆرۆنا مەتڕسیدارترە ژ وێ یا حوکمەتان هزر بو دکر، ئەو ژ “مەودایێ ئێمن” دەرباز دبت و گەلەک دژیت

د ڤەکۆلانەکا چینى دا دەرکەتییە کو ڤایروسێ کۆرۆنا ژ (١) ئێک مترێ پتر دچت ئەڤە ئەو مەودایەبوو یێ کو دەستهەلاتدارێن تەندروستى دەستنیشانکرى بو وەلاتییان، هەر وەسا ڤەکولەران دیت کو ئەڤ ڤایروس دشێت بو ماوى (٣٠)خۆلەکان ژ دەرڤە بمینت و بژیت، ژبەر وێ ئێکێ ڤەکولەر ب گرنگى دبینن کو بەردەڤک بێنە بکارئینان ژبەر وى ماوەیێ درێژ یێ کو ڤایروس ل هەواى هاتنوچوونێ دکت و دژیت.

د وێ ڤەکۆلانێ دا یا کو ژلایێ تیمەکا زانایێن ئێشێن بەربەلاڤ/تەڤایى یێن حوکمەتا چینى هاتییە، کو ئەڤ ڤەکولانە د کۆڤارا زانستێن ساخلەمى یا خوەپاراستنا پراکتیکى و هەر وەسا د روژنامەیا (South China Morning Post) دا بەلاڤبووى، تێدا هاتییە کو ڤایروسێ کۆرۆنا یێ کو دبتە ئەگەرێ پەیدابوونا نەخوەشییا (Covid19) دشێت ب کێماسى بو ماوێ (٣٠) خولەکان ل هەواى بمینت و هەروەسا دشێت بو مەودایێ (٤,٥) چار متر و نیڤا بچت، ئانکو ژ وى مەودایى زێدەتر یێ کو دەستهەلاتدارێن تەندروستى ئاماژێ پێ ددن لسەرانسەرى جیهانێ.

يا ژڤێ مەتڕسیدارتر ئەوە ڤان ڤەکۆلەران وەسا دیت کو دشیانێن ڤی ڤایروسى دایە بو ماوێ چەند روژەکان بژیت لسەر وى جهێ ئەو دکەڤتە سەر دگەل وان دلوپ/ئاڤا ژ ئامیرێ هەناسەیێ دەردکەڤت، ئەڤە مەتڕسیێ زێدەتر لێ دکت کو ئەڤ ئێشە پتر بەلاڤببت ئەگەر کەسەکێ دەستێ خوە کرە وى جهى یێ کو ڤایروس کەتییە سەر و دەستێ خوە کرە ناڤچاڤێن خوە. ماوێ مانا وى ڤایروسى لسەر وى جهى یێ کەتییە سەر گرێداى گەلەک فاکتەرانە، وەکو پلەیا گەرماتیێ و جورێ وى کەرستەى یێ ڤایروس کەتییە سەر، بو نمۆنە؛ ئەگەر پلەیا گەرمێ (٣٧) پلە بت، ئەڤ ڤایروس دشێت بژیت بو ماوێ (٢-٣) دو تا سێ روژان ئەڤ جهێ ئەو کەتییە سەر شیشە بت، پاتە، ئاسن، پلاستیک یان ژى کاغەز بت.

ئەنجامێن ئەڤ ڤەکولەرێن فەرمى یێن ژ باژێرێ هۆنان گەهشتینێ دژ و هەڤدژى وان شیرەت و ڕینماییانە یێن زانایێن ساخلەمیێ لسەرانسەرى جیهانێ بەحس دکن کو هاتبوو گوتن، پێدڤییە خەلک ژ ئێک مەتر هەتا دو مەتران ژ ئێکودو دویربن وەکو (مەودایێ سلامەت).


ڤەکۆلەران ئەڤە د کۆڤارا تەندروستییا خوەپاراستنێ دا بەلاڤکربوو ل ئەینییا بورى، تێدا هاتبوو ” د کەشوهەوایەکێ گرتى دا کو باهینکەرەک تێڤە، ڤایروسێ کۆرۆنا بو مەودایەکێ دویرتر دێ ئێتە ڤەگوهاستن ژ وى مەودایى ئێمن یێ دانپێدان پێ هاتییە کرن.”

ل گۆڕى ڤەکولانێ: ” ل دەمێ سەرنشین ئێک ژ ئالاڤێن هاتنوچوونێ بکاردئینن، میترو، ترومبێل و فڕوکەیان، یان هەر ئالاڤەکێ دى، پێدڤییە بەردەڤکان بکاربینن، هەر وەسا ل جهێن گشتى دەستێن خوە ل هەمى جهان نەدن، و دەستێن خوە نەکەنە سەروچاڤێن خوە “

ژێدەر: RT Online ژ (South China Morning Post) وەرگرتییە.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *