نڤێسين: عيسا تاهر ئيسماعيل/ به‌شێ دوويێ

پشتی بەلاڤبوونا ڤایرۆسێ کۆڕۆنا، خەلکەک ژ نوو ڤەدگەڕت بەرێ خوە ددتە فلمێ Contagion و ژ ئەگەرێ نێزیکبوونا هندەک بوویەرێن فلمی و ئاوایێ بەلاڤبوونا ڤی ڤایرۆسی، هندەک هزر دکن کو ئەڤ فلمە گوڕۆڤەیە ل سەر وێ چەندێ کو ئالییەکێ ئارمانجدار ئەڤ ڤایرۆسە بەلاڤکرییە. تشتێ نێزیک د نێڤبەرا فلمی و ڤی ڤایرۆسیدە چ یە؟ جهێ ژێ بەلاڤبووی چینە، ژ چەکچەکوولەی بەلاڤبوویە، هەروەسا هندەک نیشانێن ئێشێ نێزیکی ئێکن.
ئەو ب خوە، ناڤێ کۆڕۆنا، نە ناڤێ ڤایرۆسەکێ ئێکانە و دەستنیشانکرییە، بەلکو کۆڕۆنا ناڤێ خێزانەکا ڤایرۆسانە، ئەڤێ نوو، ئەڤێ ئەڤرۆ جیهان هەموو گرتی، ناڤێ وی یێ دورست Sars-coV-2 ; لێ مخابن، خوە هندەک نۆژدار و بسپۆر ژی شاشییێ دکن و ناڤێ وی دنڤیسن: Covid19. ئەو ب خوە Covid19، ناڤێ وێ ئێشێیە ئەڤا ڤ ڤایرۆسە پەیدا دکت.
فلمێ ناڤئینایی، سالا ٢٠١١ هاتییە نیشاندان، بەری وێ سالێ، سالا ٢٠٠٣ هەر ژ چینێ ڤایرۆسێ سارس بەلاڤ بوو، کو ئەو ژی ژ هەمان خێزانا ڤایرۆسێن کۆڕۆنایە; دبت چێکەرێن فلمی، ئەو بوویەرە ل پێش چاڤ بت، دەمێ فلم چێکری. وەکی دی، خوەگوهۆڕین و خوەگونجاندنا ڤی ڤایرۆسی، د گەل ژینگەه و پێشهاتەیێن نوو، ڕێ نادت، وەک زانست، ئەم بێژن چێکرییێ تاقیگەهایە. ژ بلی وێ چەندێ، کەسێ بەرژەوەندی نینە ڤی ڤایرۆسی بەلاڤ بکت ژ بەر وان زیانێن مەزنێن ئابۆری، ئەڤێن ب دەولەتان کەتین، چونکی چو دەرمان و ب چەندێ ژی بت، ئەوێ زیانا ئابۆری بەدەل ڤەناکت ، ئەڤا گەهشتییە دەولەتێن گومانلسەر. مە گۆت ڤایرۆسێ سارس، سالا ٢٠٠٣ ل چینێ دەرکەت و بەلاڤ بوو، ئانکو بەری فلمی ب ٨ سالان.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *