نڤێسين: عيسا تاهر ئيسماعيل
دا مرۆڤ ئێکسەر مفایێ مەزنێ کەڕەتوونێ بزانت، باشترە مرۆڤ نموونەیەکێ ل سەر بینت.
ئەم دێ هزر کن، گوندەک ئان باژاڕەک هەیە، چو نۆژدار نینن، چو دەرمان نینن، بەلکو چو ژ دەرمان و نۆژدارییا مللی ژی نوزانن; تنێ ئەو دزانن، دەمێ ئێشەکا ڤەگر بەلاڤ دبت، هەکەر کەسێ تووشبووی کەڕەتوون بکن، ئێدی ئەو ئێشە کەسێ دی ناگرت. هزر بکە، ئەو گوندە ئان ئەو باژاڕە، پارێزگەها دهۆکێیە. نهۆ ل پارێزگەها دهۆکێ چو حالەتێن کۆڕۆنایێ نەهاتینە دیتن، لێ ئەم دێ هزر کن مە تنێ ١٠ حالەت هەنە، هەکەر ئەو هەر ١٠ حالەت بێنە کەڕەتوون کرن و خەلک ب ئێکجاری د مالێن خوەدە بمینن، ئانکو ئەو ژی خوە کەڕەتوون بکن و دگەل ڤان پێڕابوونێن هەیی; ئەڤە پارێزگەها ما ڤالا ژ ڤایرۆسێ کۆڕۆنا، هەکەر حالەتەکێ دی ژی پەیدا بت، نە دێ ژ ناڤ دهۆکێ ب خوە بت، بەلکو دێ ژ ئێکی بت، کو ژ نوو هاتبتە پارێزگەها دهۆکێ.
د مالێن خوەدە بمینن، خوە کەڕەتوون بکن، خوە سەرەدانێن کەسێن نێزیک ژی نەکن، هەتا ئەڤ دوسێ حەفتی د سەر مەڕە دبۆرن، بەلکی چارەسەرییەک پەیدا بت، ئان بلندبوونا پلەیێن گەرمێ، کارلێکرنێ ل بەلاڤبوونا ڤی ڤایرۆسی بکت.