نڤێسين: ديان جه‌ميل/ ماموستا ل زانكۆيا دهۆك

پشتى بەربەلاڤبوونا مەتڕسيا ڤايروسێ كۆرۆنا ل جيھانێ ب گشتى و ل كوردستانێ ب تايبەتى، رۆژانە حكومەتا ھەرێمێ چەندين ڕێنما و برياران دەردئێخيت ژپێخەمەت پاراستنا ھاولاتيان وەك گرتنا دەرگەھين زانينگەھ و مزگەفت و كافێ و ھولێن بەھى و دەھواتان و شيرەتكرنا خەلكى ب نەدەركەفتن و نەچوونا دەستێن ھەڤدوو و خۆ دوورئێخستن ژ جھێن قەرەبالغ …..ھتد
لێ پتريا خەلكێ مە بەروڤاژى ڤان برياران ڕەفتارێ دكەت، ھەروەكى ئەڤ بريارە دژى وان ھاتينە دان.

ل ڤێرێ ب چ ڕەنگان ئەز دگەل ڤان ڕەفتارێن خەلكى نينم ژبەركو ئەم ژ حكومەتێ باشتر دزانين كو ئەڤ بريارە د بەرژەوەنديا مەدانە،
لێ دگەل ھندێ، ئەز ڕەخنێ ل خەلكى ژى ناگرم، ژبەركو ئەڤ ڕەفتارێن خەلكى بەرھەمێ سياسەتا حكومەت و بەرپرسێن مەيە د سالێن بورى دا ب ڕەنگەكى كو وان چ ب ڕەنگان كار ل سەر ئاڤاكرنا خەلكى نەكريە و پشتەڤانيا پروژەيێن خاندن و گەشەپێدان و پێشئێخستنا ئاستێ ڕەوشەنبيرى يێ تاكێ كورد نەكريە.

بەروڤاژى، ھەمى پێكول دكرن خەلكەكێ گەمژە و نەڕەوشەنبير و سادە و تڕسنوك بەرھەم بينن، ژبەركو ئەو باش دزانن جڤاكێ ھوشمەند و ڕەوشەنبير، مەتڕسيە ل سەر سياسەت و دەستھەلاتا وان.
لەوڕا ژى حێبەتى نەمينن دەمێ ئەڤرو ھندەك كەس ھەبن ھەمى تێگەھشتنا وان ئەو بيت كو بريارێن حكومەتێ دژى وانە و خۆ نەپارێزن.
ھەروەكى كا چەوا وێنستون چێرچل دبێژيت: ھەر مللەتەك ژ ھەژى وێ حكومەتێ يە يا دەستھەلاتێ ل وان دكەت،
ئەز ژى دێ بێژم: حكومەتا مە ژى ژ ھەژى وى خەلكێ نەگوھدارە يێ ئەو دەستھەلاتێ لێ دكەن و ئەڤروكە نەگوھداريكرنا وان بۆ حكومەتێ بوويە بارگرانى و باجا وان ددەت.
…………………………………………….
ئەڤ بوچوونە ب تنێ بوچوونەكا ڕەخنەيى يە و ب چ ڕەنگان نەپشتەڤانيە بۆ خەلكێ گوھداريا شيرەت و ڕێنمايێن خۆپاراستنێ نەكەت، بەلكو دڤێت ب سينگەكێ بەرفرەھ و بێ دوودلى پێگيريێ ب ھەمى ڕێنما و برياران بكەين ژبەركو زەڕەڕمەندێن ئێكێ خەلك ب خۆيە ھەروەكى ئەم كورد دبێژين: ھەركەسێ مر ب تنێ ئەو دێ ژ كيسێ خۆ چيت.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *