نڤێسين: دكتۆر له‌زگين چالى

نە سحرە، نە جادوو یە، نە رەممالی یە، نە موئامرە و پیلانگێرری یا ل دژی ئسلامێ و بسلمانان و مزگەفتێ یە، نە تجارەت و بازرگانی یە، نە فلمێ ھندی یە. ل بەر چاڤێن ھەوە یە. رۆژانە بەھسا ھژمارا بەر-ب-زێدەبوونێ یا نەساخێن نوو و مریان دھێت کرن و ھەر رۆژێ ژی وەلاتەک ل وەلاتێن تووشبوویی زێدە دبت.
١. ھوون ب خوە و ھندی ژ ھەوە دھێت ژی خزم و ھەڤال و جیرانێن خوە تێ بگەھینن کۆ مەترسی مەزنە و بلا بێ ھەوجەداریەکا ب راستی ھەوجەداری ژ مالێن خوە دەرنەکەڤن.
٢. سەرەدانان، مێھڤانیان، شەھیانان، خازگینیان، سەرەدانا مالێن زاڤایان، پیرۆزکرنا ژدایکبوونا زارۆکێن خزمان و تشتێن ھۆسا راگرن.
٣. بەھی (دوور بن) نە ب دەستێ کەسی نە، لێ کۆ ھەبن ژی، ب تەنێ خزمێن پلە ئێک ل دۆرا خودانێ بەھیێ کۆم ببن و یێن دی نەچن سەر بەھیێ.
٤. ھاتنووچوونا ژبۆ دەرڤە، نەمازە ھەکەر ب تەکسیان ئان پاسان بت، ب تڤاڤی رابگرن.
٥. سەیرانێن نەڤرۆزێ یێن ئەڤسالە نە کارێ ئاقلانە. دەوام ھاتنە راگرتن دا ژ مالێ دەرنەکەڤی، نەکۆ بچی سەیرانان. کۆ وەلاتەکێ وەکی ئیتالیایێ کۆ ژ کوردستانێ پێشکەڤتیترە نەشییایە ھەتا نھا وەکی مە خوە ژ ڤێ نەساخیێ دوور رابگرت، ژبەر وێ یە کۆ وان زوو برریارا راگرتنا دەوامێ و ھاتنووچوونێ نەدا. وان ھزر کر ھێشتا زوو بوو.
٦. کۆ تو ببی سەدەما تووشبوونا خوە، بزانە کۆ خودێ نەکت عەیال و زارۆکێن تە بەری یا زارۆکێن خەلکی دێ تووش بن. ڤێجا خوە و مالباتا خوە بپارێزە.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *