ئيسماعيل تاها شاهين

گەلی برایان و گەلی خووشکان، کورۆنا نە برابابێ کەسێیە و کەسێ ناس ناکت.. ل هەرێمێ، جارا ئێکێ ل سلێمانییێ پەیدا بوو و پاشتر هاتە هەولێرێ، هێژ نها وەسا دانن کو دهۆک د ڕێزێدەیە. هێژ چو بەحسێ نەخوەشێن سلێمانییێ نەبوو ژی، نێزیکی چار سەد و تشتەک دهۆکی ل حاجی ئۆمەران د کەرەنتینێدە بوون، هەمی ئەو بوون یێن ژ ئیرانێ هاتین و خودێ دزانت کا چەند ب قاچاخی دەربازی هەرێمێ بوویینە. دوور نەدانن کو هندەک ژ وان ژی ڤایرۆسهلگر بن.. خوە لاو بشۆن و ڤەشۆن و دەستێن خوە لاو کەڤل بکن و د کلێسا خوەدە ڤەحەون.. ئەز دبینم پشتی کورۆنا دەرکەفتی، بنێ پێ گەلەکان ژ بەرێ پتر بۆ دەرکەفتنێ و گەڕیانێ دخوەرت، دێ بێژی ل مرنا خوە دگەڕن. شەقەکا وان ل ڤێرێیە و تەقەک ل وێرا هە.. مامۆ د کۆلکێ خوەڤە ڤەحەون و سەرکێ خوە نەئێشینن و بەس خوە ب چەنگ بێخن و هەڕۆ ل سەیرانان بن، پانێ گاڤا دبتە گەڕا نەبوونا پارەیی و پاشکەفتنا مووچەیان گەلەک ژ وە خوە دەڤزوها دکن و مرۆڤ هزر دکت، خوە شیڤمری پێ دچن.. حەیتێنە ژن ب ناڤ بازاڕان کەفتینە و هێژ نها یێن بەرووکێن زەلامێن خوە بۆ نەورۆزێ دادقوتن و کارێ خەملا نەورۆزێ دکن، یا ژ وانڤە ئەڤ هەمی بێنڤەدانە و گرتنا دەرێ قوتابخانە و مزگەفتان و … و … هەمی ژ بەر چاڤێن ڕەشێن نەورۆزێ هاتییە کرن !!!!!

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *