پرانییا جاران ده‌مێ خه‌وا مرۆڤى ب شه‌ڤ نه‌هێت، مرۆڤ تووشى بێزارى نه‌ڕه‌حه‌تییێ دبیت. ئه‌ڤ یه‌كه كاریگه‌رییێ لسه‌ر ڕۆژا مرۆڤى ژى دكه‌ت، كو ب نه‌خۆشى و ماندیبوونێ ده‌ربازببیت.
ڕۆژنامه‌یا (زه سه‌ن) یا به‌ریتانى، ته‌كنیكه‌كا نڤستنێ پێشنیار كرییه كو دبیته سه‌ده‌مێ ئه‌وێ چه‌ندێ كو كێمتر ژ ئێك خۆله‌كێ مرۆڤ بنڤیت، ئه‌و ژى ب ته‌كنیكا 4ـ7ـ8 ناسیاره.
ئه‌ڤ ته‌كنیكه ب ئه‌ڤى ڕه‌نگى دهێته جێبجێكرن: پێدڤییه بۆ ماوه‌یێ چوار چركه‌یان مرۆڤ هه‌ناسه‌یێ هه‌لبكێشیت، پاشان بۆ ده‌مێ حه‌فت چركه‌یان هه‌ناسه‌یا خۆ بگریت و لدویڤدا بۆ ده‌مێ هه‌شت چركه‌یان هه‌ناسه‌یا خۆ به‌ردت، ب ئه‌ڤى ڕه‌نگى چوار جاران ئه‌ڤێ ته‌كنیكێ دووباره بكه دێ بزویترین ده‌م خه‌وا ته هێت.
ئه‌گه‌ر تو حه‌ز بكه‌یى زویى خه‌وا ته بهێت ئه‌ڤێ ڕێكێ بكاربینه
