زاراڤێ ئاریان ( انفعال ) Emotion یان وەک کرمانجێن خوارێ دبێژنێ: هەلچوون، ئەڤ زاراڤە (تێرمە) ژ تێرمێن گرنگ د کەساتیا مرۆڤی دا دهێتە نیاسین، لێ پڕانیا خەلکێ مە باش و نەباشیێن ئاریانێ د هەلوەستێن جوداجودا دا ژ وژدانا مرۆڤی دەردکەڤت نزانن کو هندەک جاران مرۆڤی دئێختە ئاڕیشەیێن مەزن دا و کێشە دگەهتە دادگەهـێ. هەر وەسا گەلەک نزانن کو خەلکەکی بەری مە ب دەهان سالان دۆخێ ئاریانێ د کەسایەتیا

مرۆڤی دا دەستنیشانکریە و ڤەکۆلینێن زانستی لسەر کرینە داکو خزمەتا ساخلەمیا مرۆڤی بکەن.
راستە دبت هندەک وەسا ببینن کو پەیڤا گێول Mood شوونا ئاریانێ بهێتە بکار ئینان، لێ پتریا زانایان وەسا دبینن کو کارتکرنا گێولی لسەر کەسۆکیا مرۆڤی وەک ئاریانێ نەیا کاریگەرە کو دەملدەست دیار ببت. دبت گێول (میزاج) بەهرا پتر ب رەوشا سرۆشتیا هەر کەسەکیڤە گرێدای بت. یان ژی دەستپێکا تێکچۆنا رەوانا مرۆڤی بت. ب هەر رەنگێ هەی مە تێرمێ ئاریان باشتر دیت کو ببتە وەرگێڕانا (انفعال) Emotion، وەکی دی مژار بۆ

دانوستاندنێیە، رەنگە هندەک هەڤالان دیتنێن گونجایتر بۆ هەر تێرمەکێ ئەم دئینین هەبن.
ب هەر رەنگێ هەی ئاریان ژ دلپێڤەیێ (عاتیف)ێ ژی جودایە. کورتیا ئاریانێ وەسا دهێتە پێناسەکرن: ئەو رەوشەکا دەروونی، لاشی و وژدانیا دژوارە، دگەل دا تێکچۆنێن فسیۆلۆژی یێن هناڤان و دەربڕینێن جۆراوجۆرێن لڤین و رەفتاران ل دەڤ مرۆڤێ ئاریای پەیدا دبن، مینا ترسێ، عاجزیێ، شەرمێ، هەستکرن ب گوننەهێ، خەمگینیا خوەدی، کەنی و کاما سێکسی، گۆرەی رەوشا دژواریا ئاریانێ ل دەڤ مرۆڤی دیار دبن.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *