هه‌ر وه‌ك دیار كو ڤایرۆسێ كورۆنا كارتێكرن لسه‌ر گه‌له‌ك فاكته‌رێن ژیانێ ل گه‌له‌ك وه‌لاتان كرییه‌، له‌وران پتریا وه‌لاتێن جیهانێ ڕێكارێن تایبه‌ت یێن خۆپاراستنێ ژ ڤایرۆسێ ناڤهینایى گرتینه‌به‌ر و ب هه‌ر ڕێكه‌كا هه‌بیت پارێزگاریێ ل هه‌ڤوه‌لاتییێن خۆ دكه‌ن.
له‌ورا ژبۆ ئه‌ڤێ مه‌ره‌مێ كۆمپانییا (داكو) ئاهه‌نگا تایبه‌ت یا هونه‌رمه‌ندا لوبنانى (ئێلیسایێ) ئه‌وا بریاربوو ل (20 ئادارێ) ل باژێرێ هه‌ولێرێ بهێته‌ ئه‌نجامدان ب فه‌رمى بۆ ده‌مه‌كێ دیتر هاته‌ پاشئێخستن.
نوینه‌رێن كۆمپانییا ناڤهاتى ل تۆرێن خۆ یێن جڤاكى به‌لاڤكرینه‌ و زێده‌تر گۆتینه‌: ب مه‌ره‌ما خۆپاراستنێ ژ ڤایرۆسێ كورۆنا مه‌ بریارا پاشئێخستنا ئاهه‌نگێ ده‌ركر، ژبه‌ركو سلامه‌تییا هه‌ڤوه‌لاتییان بۆ مه‌ ژ هه‌ر تشته‌كێ دیتر گرنگتره‌.

وه‌رگرتن ب ده‌ستكاریڤه‌ ژ مالپه‌رێ بادینان.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *