ڕێزدار (ڕزگار ڕهمهزان خدر) ماموستا ل پهیمانگهها كۆمپیۆتهرى ل باژێرێ ئاكرێ، د دهمهكێ كورت و دهستنیشانكریدا شیا كورسهكێ تایبهت یێ فێركرنا تۆرێن كۆمپیۆتهرى ب زمانێ كوردى بهرههڤ بكهت، ماموستایێ بهرێز ب ئهڤى ڕهنگى داخویانییهك بۆ مالپهرێ (خهدهنگ) دا و گۆت: لدهستپێكێ گهلهك سوپاس بۆ مالپهرێ خهدهنگ كو ئهڤ دیداره لدور كارێ من سازكرى، ئهڤ كارێ من ئهنجامدایى پێكهاتییه ژ كورسهكێ تایبهت ب فێركرنا تۆرێن كۆمپیۆتهرى Computer Network كو ژ 17 وانهیان ب شێوهیێ ڤیدیو لسهر كهنالێ یوتیۆبى ب زمانێ مه یێ كوردى هاتینه بهرههڤكرن.
ماموستایى زێدهتر دهربارهیى گرنگییا كارێ خۆ گۆت: ژبهركو پترییا ژێدهران د ئهڤى بیاڤیدا ب زمانێن بیانینه، لهورا من ڤییا ب زمانێ كوردى ژى كار د بیاڤێ تۆرێن كۆمپیوتهریدا بكهم و بشێم خزمهتا خواندهڤانێن كورد و زمانێ مه یێ شرین و خۆش بكهم.