دکتۆر/ بێوار حسن علی ـ تایبەتمەندێ نەخوەشیێن دفن و گوهـ و گەوریێ.
دیدار/ ادریس ئاسیهی
دکتۆری د چەند خالەکاندا ب کورتی باس ل نشتەرگەریا دفنێ کر و گۆت:

جوانکاریا دفنێ ئەو نشتەرگەرییە کو دھێتە کرن بۆ راستڤەکرنا شێوێ دفنێ ژ ئەگەرێ شکەستنێ یان گوھرینا شێوێ دفنێ یێ زکماکی. ئەڤ نشتەرگەرییە بارا پتر دھێتەکرن لبن پەنجا گشتی و ھندەک جارا ژی لبن پەنجا مەوزعی و پشتی نشتەرگەرییێ نەخۆش بۆ چەند دەمژمێرا دمینت د نەخوشخانێڤە.
گۆت: جوانکاریا دفنێ ب دوو رێکا دھێتە کرن؛ رێکا ڤەکری کو برینەکا بچویک ل پێشیا دفنێ دیاردکەت و رێکا گرتی کو چ برین ل دەرڤە دیار ناکەن و جوانکاری دبیت بتنێ بھێتەکرن یان ژی دگەل راستڤەکرنا دیوارێ دفنێ یێ ناڤدا (جیوب).
گۆت ژی: دڤێ نشتەرگەریێ دا باراپتر ھەستی و کرکرکێ دفنێ دھێنە دەستکاری کرن بەلێ ھندەک جارا پیچەک پیست ژی دھێتە برین و جارا کرکرکا ناڤ دفنێ دھێتە بکارئینان بۆ گوھرینا شێوێ دفنێ بەس ھندەک جارا یا گوھی یان پەراسی دھێتە بکار ئینان. ئەڤ نشتەرگەریە بۆ کەسێن ١٨ سال و پێھەل دبیت چونکی دڤێت ھەستیکێت دفن و سەروچاڤێن وان باش گەھشت بن و گەشەکربن.
گۆت: ئەنجامێ دوماھییێ یێ نشتەرگەرییێ پێدڤی ٦-١٢ ھەیڤایە ھەتا کو ب تمامی دیار دبیت، ژبەر ھندێ زۆر پێدڤی یە نەخوش خۆ بگریت بەری ھزرا خۆ دنشتەرگەریەکا دی دا بکەت و ئێشان لدەف زۆربەیا نەخوشایا کێمە و وەرمینا سەروچاڤا ب ٣-٤ روژا دچیت و ڕەش و شین بوون ب ٢-٣ حەفتیا دچیت و سەبارەت قالبێندفنێ ٧-١٠ رۆژا دمینن و پشتی ھنگی نەخۆش دشێت بچیتە سەر کارێ خۆ.
ل دووماهیێ گۆت: جوانکاریا دفنێ دبیت ببیتە ئەگەرێ؛ خوین بەربوونێ، ھەوکرنێ، ھەستیاری یا پیستی، دلرابوون و گێژبون، گوھرین یان کێمبونا ھەستێ پیستێ دفنێ، گوھرینا ھەستێ بھێنکرنێ، دفن گرتن و بھێن کورتبوونێ و چێدبیت ئەنجامێ نشتەرگەریێ ب دلێ نەخۆشی نەبیت و نەخوش پێدڤی نشتەرگەریەکا دی بیت.
پاشی وەکو ئامۆژگاری نۆژداری گۆت: ئەگەر نەخۆشی بڤێت دفنا وی سەدێ سەد بێ عەیب بیت، دڤێت ڤێ نشتەرگەریێ نەکەت چونکی چو جار دفن سەدێ سەد ب دلێ نەخۆشی و خەلکی نابیت.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *