نڤێسين: سهركهوت سهوادى/ ماموستايێ زانكۆيێ
فەرهەنگ و داب نەریت، ئەخلاقی نەریتی،مەزهەب، ئەوانە هەموویان پێیانوایە پەروەردەوفێرکردنی سێکسی بۆ منداڵان و هەرزەکار و گەنجان بابەتێکی نەشاوە، چونکە بە بۆچوونی ئەوان پەروەردە و فێرکردنی سێکسی دەبێتە هۆکاری بەدئەخلاقی و بڵاو بوونەوەی فەسادی لە کۆمەڵگادا.
کۆمەڵێک پرسی سێکسی لە دەورانی منداڵیدا بە شێوەیەکی نا خودئاگا سەرهەڵدەدەن، کە وادەخوازێ بەشێوەیەکی دوست و ئاگایانە ووڵام بدرێنەوە، ئەگەر نا ئەوان دەربارەی بابەت و پرسە سێکسیەکان دووچاری خەیاڵی سەیرو سەمەرە و سەرلێشێواوی دەبن و ئەمەش وادەکات ئەوان زانیاری خۆیان له کەسانی تر وەردەگرن، لەکاتێکدا ئەو کەسانە لەوانەیە هیچ زانیارێکی لۆژیکی و ئەقڵیان دەربارەی خودی ئەو پرسیارانە نەبێت و باوەڕیشیان پێی نەبێت، بۆیە شاردنەوە و سەرکوتکردنی ئەو پرسیارانە، بەمانای نەبوون و تێنەگەیشتنی منداڵەکان نییە لێی، بــەڵکو بابەتی سێکسی شتێکە کەناتوانرێ نکۆڵی لێبکرێت. بۆیە زانیین و زانیاری پێدان بە منداڵەکان دەبێتە هاوکاریەکی باش بۆ ئەوەی بە شێوەیەکی باشتر مامەڵە بکەن لەگەڵ خودی ئەو بابەتانە کە لە ژیانی ڕۆژانەیاندا دەست و پەنجەی لەگەڵ نەرم دەکەن.
بۆیە پێوستە پەروەردە بەشێوەیەکی زانستی بچێتە ناو ئەو پرسەو ووڵامی شیاو بۆ پرسیارەکانی منداڵان دەربارەیان بداتەوە، نەک منداڵان لە شوێنێکی تردا بەدوای ووڵامی پرسیارەکانیاندا بگەڕێن.